السلام عليكم
اسمعوني لا احد يستعجل في الحكم علي ثم افقع له وجهه في اتخاذ القرار
المسئله يبي لها تفكير وحنكه
شغل المراهقين والاستعجال هذا مانبي
بعرض لكم صورهـ
ادري انه عسكريم مشاء الله عليكم اذكيا عرفتوهـ
لحد يجيني يقول لي ايس كريم يسوي لي فيها قدامنا وهو اسمه اللي نعرفه عسكريم
هذا الله يسلمكم ويرضالي عليكم سالفته سالفه
سبحان الله ربي إذا كتب لك رزق جاك لين يصدم فيك
بس من الصعب انك تلقا رزقك بالسهوله
انا تخيلو ان الله رزقني وانا جالسن على الكرسي
والسبب ان الله عطاني مخ بسم الله علي عرفت افكر واصرف الامور وانكتب لي الرزق
ماحلمت ولا علمت إلا ان المطارد في البيت وانا كنت اتصفح في المنتدى
واسمع اللي ينخوني (يعتزن بي) يعني النخوهـ ـــــــــــــــــــ> اي طلب الفزعه
إلا خواتي جايات طردي يسمع طردهم في البيت إللي يمر مع اخر الحارهـ
كأنهم جايات من مجاعة افريقيا
كلهم اكبر مني اللي معها العسكريم الكبيرهـ وتطردها اللي اصغر منها وانا اصغر منهم
كلهم تقول طامي ياولد ابوي تكفى ياطامي وانا اشوف بعيني :13ar: العسكريم
دريت ان الدعوا فيها اكل الحين في هالوقت لازم بأسرق سرعه من البرق
نشغل المخ ولا طار الرزق من بين يديني
انا اول ماسمعتها تقول تكفى ياطامي معاد دون الحلوق إلا اليدين
وانا يكلش علي جلدي ويوقف شعر راسي من الشجاعه اللي فيني
قلت ابشري وانا اخوتس قالت افلانه بتطرحني الدعوا فيها شيل وحط
وانا انفث عن ساعديني
واجي دريت ان الثانيه تبي تاخذ العسكريم منها
قلت هاتيه وهي ماصدقت على الله اني اقول الكلمه هذي
وهي تعطيني العسكريم وانا ادعس منحاش والعسكريم في يدي وإذا فيهم خير يلحقوني
لو يركبون موستنق ماجابو خبري
واطلع من الغرفه وامسح طبلوني مع الحوش وهم مع دربي طردي
انا مشاء الله علي مثل الصقر اعدي وافك العسكريم
واكله وهم ماجوني طبعا بعد ما اكلت منه شوي جيت اتمخطر مثل الغزال
من قدامهم وهم في قمت القهر :17ar:
وهذي صورهـ العسكريم بعد ماراح منه نص عمرهـ
تعرفون انا احب اللعب بس النعمه ما احب العب بها
وهم ماعرفو قدر النعمه والله ازالها من عندهم وجتني
انا خفت انها تطيح منهم عشان كذا اخذتها وتم الحفظ ورفعها
وهذي صورة العسكريم بعد ماراح عمرهـ مابقى إلا شوي
وفي قبل الختام حبيت اني
استخرج من النص ما هو اتي من فوائد
1ـ امنة بالله واشكرهـ على رزقي اللي جاني وانا جالس وماحسبت له حساب
2ــ اكتشفت اني قمه في الذكاء واني اذكا العائله واعقلهم
3ــ الحمد لله ان المعركه جاء فيها حب خشوم وانتهت بعد الطلبات ولا جاء كسور ولا شي
4ــ دريت اني وانا اكتب السالفه ماعندي سالفه واني فاضي
انا اول مانزلته في البلوتوث دريت اني مضيع الطبخه كلها
ويالله مع السلامه واستروا ماوجهتم
حيران
مواقع النشر (المفضلة)