لاتحسب إني أراوغ أو أمانع أي قرار
والقناع اللي لبسته مايغير هالمسار
وأبتدي أقنع عيوني بس تشوفك هي كبيره
وأعلن سيوف التحدي وارفعك فوق الكبار
وكل شامخ في طريقك أجبره يبقي صغير
دوم أنا ابقي قويه ..بس أحس بإنكسار
تدري وش يعني شموخ داخله يبقي كسير؟؟
تدري وش يعني عظيم .. تشعره بإلانهيار؟؟
تدري يعني وش حبيب راح عنك وإستدار؟؟
تدري وش يعني بردوه يشعلك نار السعير؟؟
كلها تهون لعيونك وأشعر إني بإنتصار
وأمسك النار بيديني ولا أفكر بالمصير
شفتني كيف انتهي بك شفتني يأحلي مرار
لجلك أجبر هالمربع ياعذابي يستدير
تمطر الدنيا غيوم برقها يضوي شرار
والصحاري كلها لك وردة وسط الغدير
مواقع النشر (المفضلة)