[align=center]السلام عليكم ورحمة الله وبركاته
حياكم الله في مطبخي << اقول اخلصي وش عندك
انا بصراحه كل اثنين وكل اربعاء اتوهق مع خواتي ومرت اخوي لانهم يجتمعون عندنا
فاطفشت من اللي عندي وكل اسبوع اسوي شي واحيانا
ماسوي شي
المهم اختي . ندى . كنت اسولف معها الا تقولي
تعرفين الكيكة الفلبينيه قلت لا والله
قالت على بالي تعرفينها عشان اشوف اذا طعمه ولا لا
قمت عاد انا وزينتها اليوم قلت عاد زينه شينه بشوف وش ملتها
وربي لذيييييييييذه مره بس اللي مايحب الحالي مره الله يعيينه
لانها حلوة بس والله لذيذه
<<تراك ازعجتينا اخلصي
اليكم المقادير:
5بيضات
*كأس سكر
*نصف كأس زيت
*نصف كأس حليب بودره
*3 حبات جبنة مثلثات
*كأس دقيق منخول
*3ملاعق شاي باكينج باودر
*فانيلا.
الصوص:
نصف باكيت زبدة(الصغير)
*علبة حليب نستلة كبير
*علبة جبن تشيدر مبشور
وللي ماعندها حليب نستلة محلى هذه طريقته بالبيت << دايم متوهقه هههه
المقادير : -
3فناجين قهوة حليب بودرة
3 فناجين قهوة سكر
2 فنجان قهوة ماء أو أقل من ذلك
اخلطيهم في الخلاط لين يتجانسوون
والمقدار هذه يعتبر علبه وحده كبيره
الطريقةالكيكة:
ضعي البيض في الخلاط الواحدة بعد الأخرى.
ثم ضعي السكر وبعد أن تخلطي قليلا أضيفي الثلاث حبات الجبنة والحليب ثم أخلطي قليلا وأضيفي الزيت نخلط ثم نضيف الدقيق وتوابعه (الباكينج باودر والفانيلا)
صبي الخليط في صينية كبيرة مدهونة بالزيت ثم أدخليها الفرن وبعد أن تستوي حمريها من فوق وخلال ما تكون في الفرن ضعي الزبدة في قدر وبعد ماتذوب وتغلي شوي على نار هادية أضيفي الحليب المكثف واستمري بالتحريك على نار هادية بعدين صبيه على الكيكة وهي ساخنة أبشري جبنة التشيدر ورشيها على الوجه وهي ساخنة.
وهذه كيكتي عاد بعد مازينتها
هذا وجه الكيكه
وهذا من الجنب
وبالعافيه عليكم
ومطرح مايسري يمري ان شاء الله[/align]
مواقع النشر (المفضلة)