السلام عليكم ورحمة الله وبركاته
؛
’,
,’
’,
اعزائي المشاهدين .. عوده لكم مجدده
بهذي القصيده .~ آتمنى ان تنال على اعجابكم
بكل مايليق بذائقتكم الشعريه
والشكر موصول للأخ ( اطلق واحد ) على تصميمه الرائع
[poem=font="Simplified Arabic,5,silver,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black""] البارحه فكري من الهم منحاس = من سبة اللي دمّر القلب زينه
اعروق قلبي من جفا الزين يبّاس = عله وصارة في خفوقي دفينه
ناظرة حتى ضاق صدري والانفاس = وضاع الكلام اللي بقلبي بحينه
سبحان ربن خالقه غير هاناس = الواحـد اللي كـلنا عـابـدينـه
كمّل جماله من مواطيه لراس = واغدق عليه من الوصوف الحسينه
فيه الجمال اليوسفي دون مقياس = فيه الوصوف النادرات الثمينه
الجادل اللي في طرف عينه انعاس = اليوم موتي بين رمشه وعينه
وكلامه اللي فالبشر ماله اجناس = ماله مثيل وكل كلمه رزينه
عذروبه انه دايمن حيل حساس = ومشكلتي اني طايحن في كمينه
الصبر يابن الناس له حد واقياس = ومن طال صبره ياعسى الله يعينه
لاضاق صدري سقت رجلي للطعاس= ابعد عن الضوضاء وجو المدينه
اسج بفكاري ليا هب نسناس= واكتب معاناة الحبيب الحزينه
لاباس ياقلبي من الهم لاباس = كلن من الدنيا مفارق ضنينه
هذي حياتي كلها اتعاس فتعاس= قمت ابحث الخافي وبيّح كنينه
ادعي عزيز الشان لاحل بي ياس= منجي من الطوفان راع السفينه
انه يعوضني بعد لفظ الانفاس = في جنة الفردوس من حورعينه [/poem]
ملاحظه
البيت الاخير ماكتبته الا بعد ماسجلت المقطع الصوتي للقصيده
وسلامتكم
كلمات الشاعر/ طامي النفيعي
مواقع النشر (المفضلة)