مانيب من شمر ولانيب تمياطي..اولى
بسم الله الرحمن الرحيم
مصافحه اولى
هذا اخر ما كتبت
وهي رد لشخص معروف
لا تحكم على القصيده الا اذا قريته كااامله
=========
كف الأذى يا ملاك الروح كفَّـه
اسرفت في عذاب القلب بإفراطي
تكلم قل احبك حرك لي الشفَّـه
دايم اعطيك خلك يوم لي عاطي
ألمّـح لك بالاعجاب و تاخذه خفّـه
وان تماديت ردعني حكمك الساطي
وانا واقف يا بعد حيي على الحفه
ما ابيك متسرع و لا بيك متباااطي
ابيك ترجع لي وابي تاخذ اللفـّه
ابي ترجع لي اضمك وسط ملقاطي
واللي يقهرك يا اريش العين سفـّه
وتر السفّ يستاهل اسلوبه الواطي
بعض البشر لاقدر وحشيمه ولا عفـّه
ما همهم في زلات البشر غير اغلاطي
متى الهنا يحن لي و يمد لي كفـّه
الى متى الدنيا ترفع رخيصين القراطي
والى متى الضيق معلقني على شفـّه
تهت بحياتي يا عرب وين مرباااطي
يومك قضيت من يستلم بعدك الدفـّه
وريتك طيب ربعي وشفت انحطاااطي
على الله يزين الحال وترجح لي الكفـّه
ولا انا خابر ما يفيدني نوح وعياااطي
انتظرت القدر يرسي بي على الضفـّه
والسراب اللي يلوح عوّد على الشاطي
يالله شل همومك يالقدر عني و ضفـّه
ترى عند الكرامه اصير مدمن ومتعاطي
صحيح اني هبيل و تصـيـبـني خفـّه
لكن عندي اللي تقوله مانيب خراطي
الكتاب العتيق اذا تربع على رفـّه
مثله ترا مثلي بإستقامة صراااطي
ألعب يازمن وخذ معي سبعين لفـّه
ماني ولد راشد اذا ما انهيت اشواطي
احرق وشب اللي تبي مني و طفـّه
محمد انا محمد ما تغيرت انمااطي
ان خضعت للي على دربي تصفـّه
حشا مانيب من شمر ولا نيب تميااطي
و ان هزمني زماني زف الخبر زفـّه
قل محمد ما عنده الا كذب و هياطي
تبعت السراب ارجي ناوي الضفـه
اثره مجرد سراب راسي على الشاطي
==============
وسلاااامتكم
اخوكم / محمد راشد التمياط الشمري
تحياااااااااااااتي
رد مع اقتباس
مواقع النشر (المفضلة)