قصيده اكثر من رااااائعه للمبدع / "حامـد زيـد " (غرام أحباب )
صباح / مساء الخير
قصيده رائعه للمبدع / حامد زيد
اعجبتني وحبيت اهديها لكل شاب عرف قلبه طريق الحب
........................................
عطيتكـ عشق من قلبي وسلمت لغلاكـ ارقاب
وغيرك يحترق قلبه ولا يقدر يحاكيني
أنا قبلكـ صدفت عيون لكن وش جاب اللي جاب
ترى كل العيون اللي لقتني ماتكفيني
رماني حظي العاثر عليكـ وجيت لك طلاب
ولا أنتي اللي عشقتيني ولا أنتي اللي عتقتيني
تعالي وأرحمي ذاكـ الخفوق المولع المرتاب
ماهوب لأجلي عشان الله يجازيك ويجازيني
تعدي في سما عشقي ولو عشقي خراب اصحاب
وصوني بالهوى نفسك قبل لا أنتي تصونيني
وشيليني على متنكـ خفوقا ضاريا منصاب
ومن فوق الغرام العذب شيليني وحطيني
ولا منكـ هقيتيني شجاع ومايطيق يهااااااب
أنا لكـ بالهوى والله مثل ماأنتي هقيتيني
أنا ماامشي ورى غيركـ ولو أنه يطق الباب
وترى عيبن علي أطعن ولو كثرت سكاكيني
زهـودن مايطـيـق الـدم لا دايـن ولا طـلاب
شجاع وعارفن نفسي وأظن أنك تعرفيني
غيورا ماعرفت أضحكـ مع الغدر أبرود أعصاب
أبيع عيوني الثنتين قبل أنكـ تخونيني
وأذا شـد الغرام أحط قلبي بين نـاب ونـاب
فرقى تكسر ضلوعي ولا عشقن يوطيني
أنـا رجـلا ولـي غيره واذا شفت الهوى كذاب
تثور بقلبي الفزعه ولا تـهـدى شياطيني
سؤالكـ لو يزعزع بكياني ماقبلت اعتاب
اجي لكـ واسئلك نفس السؤال اللي سئلتيني
عن العشق القديم ابوابكـ فيها كثير ابواب
بعد ذاكـ الحبيب اللي خدعني وانخدع فيني
ابي عشقن تحسب له كل نظرات العيون حساب
وابي قلبن على قلبي وابي دينن على ديني
وابي كلمة عهد توفي ولا تخلف بدون اسباب
وابي منكـ قبل لا انتي تصديني توديني
وابي دربن على العذال صعب ومتعب وغلاب
وابي نفس الطريق الصعب يبعدهم ويدنيني
ترى لو القلوب عيون ودموع العيون اهداب
حشى ماتنزل الدمعة لغيركـ لو تركتيني
انا اول من عرف قدركـ وانا توي صغير وشاب
وابي منكـ مادام انكـ عرفتيني تحبيني
مدام اني لقيتكـ في طريق اسمه غرام احباب
دخيل الله ومن بعد الله دخيلكـ لا تخليني
مدام كل من يحيى على وجه الـتـراب تـراب
عسى تنساني الدنيا مدام انتي ...ذكرتيني
.................................................
غزال ومـا يصيدونه
مواقع النشر (المفضلة)