بسم الله الرحمن الرحيـم
السلام عليكم ورحمة الله وبركاته
انا فاشل في المقدمات
لذلك بـ خش في الموضوع على طول
الألفيات
منعتها الإدارة لـ أسباب يشوفونها هم
ومن وجهة نظرهم انها صحيحة
وقلب المنتدى حموّد ماقصّر
راح ونزل موضوع استفتاء لـ الأعضاء عن إبقاء الألفيات أو منعها
وطلعت النتيجة بـ منعها
ومنعنا الألفيات مع اني كنت ضد هـ الشيء
لكن النتيجة طلعت عكس ماتمنيت
وبصراحة
من منعت الألفيات والمنتدى صاير راااااااااكد
وبقووووووووه
لـ درجة اني تمللت من المواضيع
أخش يومين ثلاثة وهي هي
ويالله يالله تتحرك المواضيع
والردود على المواضيع قلّت
صحيح الألفيات مالها أي فايدة
لكن فيه أعضاء يعتبرونها دفعة معنوية لـ الاستمرار والمشاركة والاجتهاد أكثر والانتاج أكثر واكثر << مدري ليش كأني أتكلم عن مصنع مو عن أعضاء
لو تلاحظون
المواضيع عدد المشاهدات فوق الـ 100 والردود ماتتعدى أحياناً 7 أو 8 مع ان الموضوع حلو مو كلها طبعاً لكن نسبة كبيرة من المواضيع على هـ الشكل
هذي نقطة
النقطة الثانية
الألفيات كانت مسببة نوع من الحميمية والجو الأسري
يعني تلقى الواحد يراقب اثنين من الاعضاء وأول مايوصلون الألفيه يروح ينزل موضوع ويجون ناس يهنون ومدري وشو
صحيح ان الأمر هذا تقريباً شكلي وماله أي معنى ملموس
لكن فيه ناس تعتبره شي مهم بـ النسبة لهم ولـ التواصل بينهم
وهم الأكثرية
وبـ صراحة
بدينا نفقد هـ الحميمية
والي صوتوا بـ منع الألفيات
أغلبهم من الأعضاء الي متواجدين دائماً في قسم التهاني وينزلون مواضيع ألفيات وأول ناس تهني بعد
وحتى المشرفين الي في القسم ملّوا من القسم
النقطة الأخيرة
ودي نرجّع الألفيات عشان يتحرك المنتدى زي أول
والرأي لكم
لكن هذي وجهة نظري
وإن شاء الله تلقى لها صدى عندكم
دمتم في حفظ الله
مواقع النشر (المفضلة)