خابر هجرك
الله يسعد اوقاتكم بالخير والمسرات
اقدم لكم هذه المتواضعه واضعها بين ايديكم
[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="groove,5,darkred" type=2 line=0 align=center use=ex num="0,black"]
خابرٍ هجرك لوتبعد بعيد = كلها يومين واتحدّى تطول
لوعليّ اريد ماتنقص تزيد = ياعديم القلب ماعندك حلول
تحسبني يوم تهجرني وحيد = لا وربي جازلي لوغبت حول
ماتبع المقفي ولا العقل البليد = صاملٍ والقلب من طبعه صمول
غرّك اللّي قال لك خلّك شديد = مانصحك بيوم ترجع وش تقول
ماتبعت الحق والراي السديد = مهرةٍ ماعسفت ظبيٍ جفول
صدق حسنك لو نحلّيته فريد = بس مهما صار ماصدّق عذول
ولوتعيش سنين في خضر الجريد = دورة الايام لو زانت تحول
يافقير الحب ماعندك رصيد = لو تريد تعيش وردك في ذبول
مايذوب الشوق لوذاب الجليد = غيمة الامطار دايم في هطول
صارت الفرقا لمثلك يوم عيد = واعلن الافراح وادق الطبول
واجلب الملبوس والثوب الجديد = واسترح ياقلب من ثقل الحمول
شاعرٍ ماعانده نظم القصيد = ورّنا هجرك ياشين الفعول
كلمة التحذير ياهاجر وعيد = ولوتعود القلب ماعنده قبول
وسلامتكم
ساحر البسمه[/poem]
رد مع اقتباس
مواقع النشر (المفضلة)