[frame="7 70"]
قالت لي من أنـــــت ..؟
قلت والوجه يرسم ملامح ابتسامه
وش تبين ليش هالسؤال .. ؟
قالت خلاص إنسى
أبي أسألك ليش انت بالروم جالس لحالك
ليش انت غامض قلي ليش
انا احس انك معقد
أكثر من مره ادخل واشوفك ساكت ما تتكلم
ما ادري ليش أحس أنك كلك على بعضك تناقض
قلت :
اسمعي منّي دقيقه
ابي احكي لك قصتي .. يمكن انك تعرفين الحقيقه
قصتي قصّه غريبه ... كلها جروحٍ عطيبه
قصتي ..
مثل البراكين الخامده .. فجأه تصبح ثايره
والحمم من قصتي تصبح متطايره
وما الومك
لو تقولي انسان غامض
وما الومك
لو تقولي اني كلّي تناقض
لانّي اعرف قصتي
اجتمع فيها التناقض
برد ودفا
حب وجفا
غدر ووفا
حتى صرت احيان .. احسّ الليل مثل النهار
عايش بنورٍ يجيني من كوابيس الظلام
والحلى صرت اذوقه مرّ حامض
كل هذا وباقي الوضع غامض
اسمعي
لو نظرتي في الصحاري
رح تشوفين السراب
والصحاري كلها خوف ومخاطر .. لكن
في حضنها تضمّ واحاتٍ لها احلى المناظر
اتركي عنكِ الصحاري .. يمكن انك ما تحبين البراري
بس بقولك طريقه ابيك تسوينها
في وسط ليلك طالعي لنجوم السما
وتابعي تغيّر وجيه القمر
كلها تعطي الدلاله والخبر
ان الظلام لعيونك عمى
والحقيقه عيونك ما تشوف ... بس .. تعكس ما تشوف
قاطعتني
ثم قالت : تمساح وطاح في الفلسفه
خل عنك الفلسفه
ذا كلامٍ ما راح نحصل فيه منفعه
وكل يوم وكل ليل ... انا جالسه اسمعه
في الشات من أغلب التماسيح لا صاروا يتميلحون
قلت: انا آسف
صحيح .. انّي تكلمت بفلسفه
كنت احسبك فاهمه
كنت احسب انك ذكيه تفهمين .. وتعرفين
ان الحب في قلبي دفين
قالت :
خلنا من هالكلام ..
كم عسى عمرك يكون ..
ليش كل الشباب .. اذا اتكلموا ما يسكتون .. ويهدرون .. وبمشاعرنا يتسلون
قلت:
انتي كلك اسئله
وتهربين من السؤال بأسئله
وكان تبغين الجواب ... حاولي حل المسأله
العمر ..وش هو العمر ..
العمر عندي كتاب .. صفحاته ايام... وفصوله سنين
كم كتابٍ صفحاته كثيره .. وفصوله اكثر
بس كلّه كلام في كلام
وكم كتابٍ كلّه فائده
رغم ان صفحاته قليله
وفصوله قليله .. متكرره
خريف وشتاء .. وشتاء وخريف
قالت : تبي الصراحه
انا ما افهم عليك
ليش تتكلم كذا
قلت :
بعد هذا وباقي ما فهمتي الكلام
احسن لي ولك اختصر كل ما قلت في كلمه
.. سلاااااام ..
قالت :
وين ... وين .. تعال
قلت :
حتى كلمه سلام ما فهمتيها
ســــــــــــــــــلام
احلى وأجمل تعابير الختام
احترامي وتقديري العابرون الى نهاياتهم مهاااااااا[/frame]
مواقع النشر (المفضلة)