أدري عذري ما يفيد
لكن بتأسف رغم اني جرحتك
بتأسف على كل خيانة بحياتك
برمي أعذاري يمكن تشفع لي
أبكتب بورقة حبرها دمعي انا خائن
أبكتب لك اشلون خنت من البداية
أشلون رسمت الجرح بحياتك
اشلون نثرت الشوك بدربك
ابقولك يمكن تنثري العذر في دربي
يمكن تجرحي جرحي وتسامحيني
يمكن بالعتاب تساعديني
عاتبيني واتركيني ثم حني عليّ وارجعي لي
لا تخليني بهالحياة خائن
علميني دروس الزمن اشلون ترويني
أبي منك أمان الصمت
علميني أشلون أوفي بحياتك
أبي منك الحنان لو خفت
اقتليني واشربي من دمي الخيانه
عذبيني بين صمتك يوم خنت الأمانه
لكن سامحيني بقلبك الطيب أمانه
أكتبي فيني أبيات وشعر
أكتبي خانني في زمن فيه انا حبيت
من كل قلبي له أوفيت
حياتي كانت له أقرب من رمش عيني
ضحكته كانت لي صورة من خيال سنيني
كنت وكنت وكنت لي أقرب من كتابي
أكتبي فيني ألم
وزيدي حياتي ندم
واغمريني بحنانك
واحضنيني بين جنحانك
يمكن اكون شمعة وطفت
أشعلي فيني النار ولكن لا تقتليني برحيك
واسكني فيني درب حبك
حياتي
دورت كلمة , حرف , عذر
للأسف ماعتقد بلقى أسى من جرحي لوفائك
خنتك بأول يوم عرفتك
ماعطيتك من حنان الدنيا كله
ماوفيت لك لما أحلم حلم مانتي فيه
خنت لما ناظرت للنجوم من دونك
خنت لما عشقت البيت من غيرك
خنت لما قتلني النوم بعيد عنك
خنت لما جفاني الضما من غير كاس يدك
خنت لما ارتويت وشميت الهوا من غير لمسك
خنت يوم سقيت النفس ضحكه بعيد عن قربك
خنت يوم مسحت الدمعه من عيوني ببعدك
خنت يوم شميت الورد من غير همسك
خنت ومازلت خائن حتى ألمس كفوفي بكفك واضمك
تعرفين اشلون خنتك ؟
خنت يامرسى من يوم عشقت الحب لأني أحبك
أخوكم
نديـــــــــ الالم ـــــــــــم
ومهما يطول الزمن 000 لا حبٌ يستمر 00 ولا آهاتٌ تدوم
مواقع النشر (المفضلة)