خلال الايام التي قضيتها وانا بعيدا عن شاشتي وكيبوردي اللذي مليان ببسي وشاهي تقول صاب عليه عسل سدر
اذا جيت تكتب كلمه تاخذ على الحرف الواحد ساعه على بال ما تجيب شاكوش وفاروع ((مسمار كبير يستخدم للنحت)) همن تقوم بدق الحرف حتى ينرعص ويكتب لك كلمه او بمعنى اصح جمله مفيده
عاد وانا ماشي من الرياض طالعن للمكه ونمر الطايف اول شي << اجل بتمرون الشرقيه اكيد الو محافظه هي الطايف
هذا يوم الجمعه اللي راح الجمعه القريبه هذي اللي دونها كم من يوم اليوم الثلوث وهي الجمعه اللي ردها تبيع تبيع تبيع بكره
وانا في سيارة ابو نسب << نسيبي
قمت اهيجن طبعا هو ملتزم ورجالن يصلي ويصوم ومطيع لوالديه << جايكم يخطب له
المهم اهيجن في صدري يعني مستحي منه يسمع خرابيطي
وانا قاعدن انشد << انشد مهوب اسئل انشد يعني اقول من النشيد
النشيد هو القصيده
طرا على بيت واقوم اركب عليه حجر الاساس للقصيده
المهم واحنا تونا طالعين من محطة الحوميات
اشتريت ببسي وسنكرز حنا ماشين عقب صلاة المغرب يوم الجمعه
واقوم اهيجن واكل الببسيه والسنكرز اخذ على جغمه جغمه يوم انتصفنا الطريق والقصيده تسلك معي قلت لو سمحت يابو ليلي المهلهل
قلت وقف باخذ لي زقيره ابي ادخن وانزل واقعد جنب رمثه واطلع البكت من سيقاني لان معي بكتين بكت عادي وبكت ملغم واقبع لي صاروخ عاد الله لا ويوركم ياشين الدخان وانت في الهواء يعبي راسك هوا وبطنك ينتفخ تقول في شهرك السابع شايلن بطنك منتفخ المهم يوم عمرت وخلصت واركب
ونشغل ونمشي والله اني ما اذكر لكن حول محطة ساسكو اللي بين ظلم والمويه
اكيد اذا ماكنت ذيك الليله منصمخ وخاااااااااااااااااااش جو
اني قلت له يا ابو بطوطه
قال سم
قلت وعدوك يسم
اسمع هالقصيده
حبيبتي تشرب علـى الريـق ببسـي
واليا تعشّت ماكلـت غيـر كتكـات
حبيبتي حطّت علـى العيـن ورْسـي
وماتلبس الا مـن جديـد الموديـلات
نحيفة(ن) عـن كـل عـذرا تنّسـي
في حسنهـا قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتـلـي بالطـويـلات
ياونتّـي ونّـات ســوّاق تكـسـي
زل النهار وماحصـل لـه ريـالات
والا مريض(ن) علّتـه شـي نفسـي
مافاد بـه كـي العـرب والقـراءات
لاشفتها كنّـي مصـاب(ن) ابمسّـي
مثل المهبّل قمـت اقطّـع إشـارات
وليا حكت كنّي من النـاس خرسـي
أطرش .. خرس .. لو دوّسنّه تريلات
فيها حلا الأسبان وعطـر الفرنسـي
وفيها دلـع لبنـان وعـز القطريات
حلوه مثل طعـم الكـرز والجالكسـي
مخلوط بالسكّر معه خمـس تمـرات
لوما تزوج (عجرم) وجاب (نانسـي)
يحق لي أتـزوج ( أبـلا عطيّـات)
لاقلت : شكراً ، قالت البنت : مرسي
بنت الأفندي ناظـرت لـي بغمـزات
يجلدنـي الاستـاذ لااهملـت درسـي
مايـدري أنـي واقـع(ن) بالبنيّـات
ابكي واقول ان البلا كـان ضرسـي
يااستـاذ تكفـى لاتنقّـص علامـات
انا وقعت اليوم مـن فـوق كرسـي
ولاحصل لي مـن حبيبـي زيـارات
قالت: أنا ليلى ، وبسمّيـك : قيسـي
عطني شعر واعطيك ضحكه وبسمات
قالت: تجي لابـوي ثـمّ(ن) تمسّـي
بس المهـر تاقـف عليّـا خفـارات!
قلت: اسمحي لي واعلنـي بـالmbc
تلقيـن غيـري يابنـيّـه حـثـالات
يشهد علـى ماقـول بيتـر وعبسـي
ونحّول ونامق بالرسـم والحراكـات
اليا حضرتوا يالربـع يـوم عرسـي
عانيّتـي منكـم كراتيـن كتـكـات
عاد يومني اقول الابيات هو يهز راســه ((زارن علي)) يعني ناقد علي
المهم ماعلمته اني مستبيهاااااااااااااااا <<< ركزو على الكلمه ذي
قال هي الك قلت الله الله
قال مشاء الله
المهم وصلنا الطايف وانا راسي بينفجر تقول ملغم بقنابل الهاااااااااون
عاد وانا في الطايف وتحديدا قدااااااااااااااااام مستشفى العدواني بوه شققن ناسي اسمها لاني يوم سكنا فيها ماقريت لوحتها كنت ابي سويسرا وابي الفرااش متصروع منكمخ ومنصمخ ابي النووووووووووووووم
وانا طالعن مع الدريشه اسف قصدي النافذه اقزقز خلق الله واللي عند المستشفى
وكل مامر هندي ولا باكستاني قلت له ياصديق كيف الحال
الناس تصورني تقول وش هالخبل اللي ساكن في العامره ذي
بعد كل هذا وذا
انا موضوعي مهوب هذا
هذي كلها مقبلاات للموضووووووووووع
جايكم في الموضوع
عاد طول الله بأعماركم
يومن عندنا كتاااااااااااااب كبار ومثل ما انتم شايفين كل يوم ينولد كاتب منرمق ومخضرم وكبير
امثال
قصيمي ملكي رحمة الله عليه وهو اللذي جف قلمه
و كاتم الاهات ندعو له بالشفااء واللذي ضاع قلمه
وكل الوفاء التى وارتها المنيه قبل ست سنوات رحمها الله
ولمووره التى بلعتها الرقه ((الارض))
ليش ماندون لهم دواوين خالده كي يرونها اجيال اجيال اجيال اجيالنا
ويعرفون اننا ماحنا بسهلين
الان مابقى سوى قلة من القلائلو
امثال
محمد رمضان << هجوومي
زاهدقدسي<< د.الاماكن
عبدو النجار << هلاليه نجد
متحت الفلاح << نورمينا
سميه سهير<< شيخة غلاها
نبويه صنهات<< اهات الحب
كمخة الحاره << نوااااااااااف
الدقسه والرخمه << اسير الدمعه أند نانسي عجرم خويته
وهو يحب خدامتنا لأني انا كاذب عليه اقول تشبه نانسي
بالله عليكم نانسي عجرم قصدي خدامه انطنوسيه خشمها افنس مدري افطس المهم انه كبر الرطبه تشبه نانسي بنت عجرم والله لتبطووووووووووون لا اندنوسيه ولا مندنوسيه تشبه هالنانسي اللي خذت علقول وسلبت عقول الاولاد << ماتجي
الشبااب الضائعون وياويلي ويلاه بس وايلااااااااااااااااه
عان والله اني ناسي الكتاب بحكم اني انعس حالينا بالاسوااااااااااااااااااااق
عندكم مرسى الشوق ملعون الصلايب وحمودي قليل الخاتمه مافيهم اللي خاواني في رحلتي اللي قمت العب في المويه اللي جنب الشقه من الامطار اللي جتنا بالطايف
كسحه ياحموودي انت ومرسى ماعندكم مطر زيناااااااا جانا بالطايف وعندنا كاتب صاعد وواعد الا وهو في اي بي
وغيره وغيره لايخطر في بالي احد(ن) فالكثيرون كتاتبه وعشاق للأقلام
ولديهم الكتابه الخاصه التى تعطي عزيزه القارئ<<مهيب عزيزه اسم بنت جار كاتم
عزيزه مثل يوم اقول انا عزيزي القارئ هم يصيرون عزيزين على الكاتب
يعني بكل بساطه
كل مهبول ومهبوله
ياخذون كم من موضوع
ويحاولون يسوون له تنمق وتلمق وتلميع كفر
ويستشيروني انا شخصياً بحكم اني مسجون في سجن الحاير ولدي الدهاء والحنكه والمكر والخداع البصري في غمضة عين
ليش مانكون اخوه ونكون يدا واحده
ونكسر الخوف الذي يحيط بمشاعرنا ونبداء بالكتابه المطلقه الصريحه ونكون عوناً لهذا الزمان
اروح للبر ولا اطلع اتمشى مع الاهل
اركب البنانشي ولا اتسوق مع الربع
العب سوني ولا اروح للديوانيه مع الربع
اموركم اليوميه خلوها عليكم
وكتاباتكم احنا نستثمرهاااااااااااا
مومكو شركتن كويسه
عاد انتم خلوكم شاطرين
وانا قسمن بالله معاد اشووف الدرب كله تساهيل
عيوني قامت تفتح وتسكر على ما اضن يعلبن ((فتاحي ياورده سكاري ياوردهـ))
او انهن يقلدن اشاره ضوئيه ناسي اسمها الفلتر اسم قريب من هذا
لنا لقاء ويتجدد لنا اللقاء بأذن الله على كل مايحبه ويرضااه
عزيزي القارئ الدلشه
عزيزيتي القارئه الكمخه
انتم طلعو كم سؤال من هذا الكتابات
وعندكم خطاء املائي طلعوه
وابي كل واحد يطلع سؤالين او ثلاثه او اربعه ويجاوب عليهم من نفس القطعه
لديك حرية الاختياار واذا تبي تطنش الموضوع الله يعينك خير من زار وخفف
ترا موضوعي مافي مصالة ولا مصاله حتى مصالة دعبوس شاكوش مهيب مثل مصالتي اناي امحاتسيكم
هذا الموضوع يختبر قوة ملاحظتك وذكائك
واحتروووووووووووووني لمتى اصحي الساااااااااااعه 10 ولا احدعش
ومتى اجيكم على النت اذا افطرت ودخلت 12 احصل ردودكم
يالله فمااااااااااان الكريم اترككم بحفظ الله
مواقع النشر (المفضلة)