هاذي اول مشاركه لي
[poem=font="Simplified Arabic,4,darkred,normal,normal" bkcolor="transparent" bkimage="backgrounds/19.gif" border="groove,4,gray" type=0 line=0 align=center use=ex num="0,black"]
مسحت في وجهي جميع المشاريـه
غلطات غيري واحتسب واحتملهـا
هذا زمان ان كـان مانتـب تداريـه
تشوفهـا دنيـاً تعـذرب جزلـهـا
كلٍ غدا يا حيـف مخلـف مساريـه
حتى الفعال اللـي قديمـه جهلهـا
من خوفتي لابطيت ادقـق مواريـه
يبين في نفسـي سبايـب زعلهـا
جنبت اعيشه واندفق فـي مجاريـه
لا خيـر فـي نفـسٍ تنـكـر مللها
هذا زمان وجيه مـا اقـدر اجاريـه
يوماً بنفس ابليـس يومـاً بدلهـا
يا عنك كـلٍ كنـه القلـب عاريـه
لهل الرديـه والخساسـه واهلهـا
والجيد اللي الطايله مـن محاريـه
استغلـث وسـوى سوايـا ثعلهـا
والا الردي حظه وفـيٍ يباريـه !؟
دايم يمـده... لـه يدينـه سبلهـا!
يا شين وقـتٍ يستحـث بجعاريـه
يشـوي كبـود اللـي تفهـم عللها
الصقر وان طار يتقنـص حباريـه
ينكس على القوبع وهي ما احتملها
هذا زمـان امطلسـمٍ حـظ قاريـه
ان كـان روحـه لتصبـر جبلهـا
والا فعـز الله يمـسـح عبـاريـه
لا بارت حظوظه وهـو قـد ختلهـا
صحيح ما سلم الذي فـي مذاريـه
ميـر ان روحـه لتغاظـي عدلهـا
والراي وان طال الزمن في ثباريـه
وشح العطاء والناس ما ابدت خجلها
قلها سلام الله علـى اول وطاريـه
علـى الاقـل كـلٍ يصحـح خللها
ماهوب مثل اللي تحـوف المكاريـه
صارت كبايـر عندهـم مـا مثلهـا
مليت مالـي بـه ولانـي بضاريـه
ولا نيب لايم مـن حياتـه عذلهـا
وانـا احمـد الله ثابتـاتٍ سواريـه
مهما كثـر ياللاسـف مـن خذلهـا
وان طال وقت رخوم مانيب شاريـه
اصبر وانا اجزم عاقبتهـا سهلهـا
وما دام قلبي ما ارتجى غير باريـه
يجلي همومٍ في ضميـري شملهـا
بعيش ضـاري واستمـخ لغداريـه
والغايبـه ماهـوب كـلٍ عقلـهـا
ولا بد ما يومـاً تزحـزح عثاريـه
وتوخذ مواجيب الحقـوق وعدلهـا
وصلاة ربي عـد ماشـي خباريـه
على الذي رومـا لصحبـه زهلهـا
واله وصحبـه والعزيزيـن جاريـه
وعثمان ومن في دوحة الله دخلهـا
وانهـي معاناتـي واقـدم عذاريـه
واذكر زمـانٍ راح واذكـر دولهـا[/poem]..........
آمل أن تحوز على رضاكم وإستحسانكم
مواقع النشر (المفضلة)