احمل اسف و العذر يابنت ممدود ****** بأبيات شعر ٍ جاتكم به ندامه
ارجوا ان تنال استحسانكم
يابنت انا ماسرت في درب منقـود
تجذبنى عروق الاصـل و الشهامـه
بـاب النذالـه عندنـا دوم مـردود
و درب ٍ على غير الشرف ما نهامـه
اشره على الطيب و من يبذل الجود
و يشره علي اهل الفخر و الزعامـه
نفسي معذيها عن الحقـد و الكـود
و الطيب لـه بالقلـب و الله شامـه
و اليوم ثالث ما غفا الطرف برقود
و لا غمضت عينى و عافت منامـه
من سبة ابيـات ٍ لفتنـى بلاهـود
دكت ظلوع القلب و ابلـت عظامـه
فيها العتب عن كلمةٍ مابها قصـود
قلته و لا ادري كيـف فكـت لثامـه
قلته و انا مانـى عليهـا بمحـدود
زلة لسـان ٍ و انعثـر فـي كلامـه
يابنت انا جيتك عليـل ٍ و مضهـود
و النار فـي جوفـي تقطـع لجامـه
احمل اسف و العذر يابنت ممـدود
بأبيات شعـر ٍ جاتكـم بـه ندامـه
يابنت يابنـت الـذي يـدرك الفـود
له منزل ٍ فوق السحـاب و غمامـه
فيك الوفاء يابنت دايـم و موجـود
و انا اشهد انه عالـي ٍ بـك مقامـه
فيك الفخر فيـك المعـزه بلاحـدود
فيك التواضع و اشهد انـك و سامـه
فيك الشموخ اللي كما زامى الطـود
و حتى الشموخ انتى له اليوم هامـه
فيك الشرف يابنت و ان قلت مولود
من عفتك و انتـى غذيتـى فطامـه
و ان قلت انا عقب الذي صار ملهود
ماغيـر ابـدل باليديـن استـلامـه
اصفق الكفين و الجسـم مرعـود
و الهم شـدد فـي خفوقـي حزامـه
فينى تعاسه مالهـا حـد و بنـود
تحكـم ضوابطهـا و زايـد عتامـه
فينى صغير ٍ ماعرف فرح وسعـود
يتيـم و دموعـه تهامـل غمامـه
فينى كبير ٍ من عنا الوقت منكـود
جور الزمان احرق فـؤاده وضامـه
فينى شجاعٍ هالـكٍ صـار مفقـود
و فينى طريـح ٍ يرتجـى للسلامـه
فينى وصل فينى مـوده و مـودود
فينى جفاء فينـى عقـاب و حمامـه
يابنت ياللي فاح في حرفـك العـود
جاك العـذر بالبيـت يحمـل ندامـه
و من تاب كنه ماله ذنـوب مالـود
يغفر له المولـى و يحسـن ختامـه
رد مع اقتباس
مواقع النشر (المفضلة)