سلالالالالالالالالالالالالالالالالالالالالالالالال الالام
اليوم جايب لكم مغامره فريده من نوعها
مغامره ولا مغامرات عدنان ولينا << أخلص علينا
ندخل بالموضوع
يوم الخميس اللي راح ... أخذت موتر الوالد ... ( جيب )
ودخل في راسي اننا نروح نطعس فالثمامه
فكرت اني اخذ معي كم عضو ..
اول شئ مريت يتيمة الشوق .. طقيت الباب .. طلع لي السواق حقهم ..
..انا .. السلام عليكم
السواق : وعليكوم سلام
انا: صديق وين يتيمه << ماعرف سمه
السواق : ايس مين هاذا
السواق شكله مدلخ ... وانا فكرت اخذه على قد عقله
انا : ماعندكم الا بنت وحده بالبيت نادها لنا قول حبر ينتظرك عن الباب ..
السواق : بعد جهد جهيد فهم .. دخل ... انتظرته ربع ساعه .. وجاني يقول ..
يتيمه قول قول لحبر انا في نوم <<< تصريفه ..
ههههههههههههههه
انا فهمتها ... قلت شكل البنت مغرزه قدام المرايه تظبط في شكلها بما ان اليوم خميس واللي مايخربها يخيس << الله يعينك بس
قلت مافي الا عبسي ... اللي هو فيصل فديته ..
رحت لبيته ... دورته ولا حصلته
وبعد 7 دورات على بيتهم طلع لي اخوه يقول فيصل رايح يقنص << قلت بنفسي الرجال ينقص وانا جايه ابيه يروح معي يطعس من زين وجهي ...< استح وارجع بس :21ar:
هههههههههههههههه
قلت نخلي ابو عبس في شغله الرجال مو فاضي..
قلت شكلي بطعس وحداني .. << ياحرام
وقفت عند محطة ابو هيثم .. وشريت لي هولستن تفاح وتوكس
ويوم جيت ابآكل التوكس ذكرت العضوه توكس الله يذكرها بالخير
واول مخرج وانا راجع ... رحت لها ... لقيتها حاشرة لها هنود والعجره في يدينها ..<< خفت منها قلت شكل الجيب بيرجع هي تسوقه وانا في تابوت
هههههههههههههههه
نزلت قلت توكس عشى ماسر << من الخوف ..
قالت لي الهنود ذولي يتحشرون بالصغار << كنت أقول في نفسي وانتي وش دخلتس
شكلها كانت طالبه حرش .. << من الخوف ماحبيت اخذ واعطي وبعدين اكون انا الضحيه لما بعد النقاش
ههههههههههههههه
قلت لها خليكي من الهنود وخاويني قالت على وين .... قلت نبي نروح نطعس الجو شئ ومايتفوت ..
فكرت شوي << كانت ترفع العجره وتضربها على يدها بشويش << يعني انها تفكر
خخخخخخخخخخخخخخ
قالت سم واعتبره تم ...
المهم ركبنا ومسكنا الخط ... قالت لي توكس ليش مالقيت الا انا << يقول بقلبه ان طاعك السوق ولا طيعه
قلت تعرفين خوت الغالين امثالك تنشرى << أأأأهـ يامكري
خخخخخخخخخ
المهم وصلنا للثمامه الا وهي مليانه عالم ... كلهم يطعسون << كأنهم دارين اني بجي اليوم ..
طاحت الثمامه من راسي والتطعيس كله كرهته
ورجعنا على اننا ناخذ كم فره بالرياض لين نطفش ..
المهم وحنا راجعين ... لقينا سياره كلها شباب .<< شكلهم خارج التغطيه
المساكين قعدوا يتحشرون << بلاهم ماعرفوا ان توكس معي ..
كنت اقول بقلبي بيجيكم ماجاء الهنود <<خخخخخخخخخخخخ
توكس تحملت عشاني لكن يبدو ان الصبر نفذ اشرت بيدها قالت لهم وقفوا << راحو فيها
الشباب وقفوا .. انا قلت لتوكس عشان خاطري لاتنزلين انا اتفاهم معهم
جيت لأول واحد فيهم سلمت عليه << بيهدي الوضع ..خخخخخخخخ
قال وش عندكم تتحشرون
قلت انا حنا :9ar: قسماً بالله ماتحرشنا << الخوف يلعب دوور
اقول للي اكلمه نصيحه لاتسمعك اللي وراي وتروح في خبر كان ..
التفت وراي الا توكس جايه بالعجره ... اقول لها ياتوكس عشاني هدي الوضع لاننام الليله بالتوقيف
< بعد جهدٍ جهيد هدت ورجعت ... im0
اللي كان يكلمني شكله فهم الوضع وهدا << بمعنى اخر بلع العافيه ..
اشتد الكلام بيننا كلنا .. وبدت الهوشه .. هنا تطلع مهارات توكس ماخلت واحد في حاله حتتى انا جتني كم ضربه بالعجره ولكن .. لازم فكل معركه يجد جرحى<< ايه ايه :1ar:
بعد الهوشه وبعد مارجع الوعي لي قمت اناظر حولي الا والشباب كلهم متمددين على الأرض.. <<الفزعه كانت جاكي شان مو توكس im1
خخخخخخخخخخخخخ
المهم انا فقدت توكس .. دروتها ولا لقيتها قلت بس البنت راحت فيها ..
رحت انادي توكس .. وينك .
المهم انا اسمع احد يناديني .. ادوره ولا لقيته ...الصوت مره قريب مني لكن ماشوف احد ..
اخر شئ انبهت لأحد يشد ثوبي من تحت .. نزلت بعيوني الا هي توكس قلت وش فيك قالت لا بس الكعب انكسر <<< كل هالزعاطه واخر شئ هذا طولك
خخخخخخخخخخخخخخخخخ
انا ماودي اضحك عليها لأني خايف يصير مصيري مثل الشباب رحمة الله عليهم ..
نزلت وشلتها بشعرها وركبتها فالسياره .. وحطيت تحتا وساده عشان تشوف الطريق
خخخخخخخخخخخخخخخخخ
وهذي هي قصتي والمغامره كاملة بدون تزييف<<< ايه صادق :23ar:
ملاحظه ... أرجوا من جميع ماذكرتهم بالموضوع عدم الزعل لأن الدعوه كلها مزح في مزح .... :confused:
مواقع النشر (المفضلة)