نافذة حول ثقافات الشعوب.. ( أشلون عيدكم )..!!!!
.
السلام عليكم ..
وش رايكم نتعرف على بعض عادات الشعوب المحيطه بنا .. يعني بالعربي كل واحد يسدح لنا طريقتهم في العيد .. يعني برنامج يوم العيد الأول .. من صلاة العيد لين يطلع قدامه عبارة THE END ..:8ar:
وفيه بعض الناس يطلع لهم Game Over .. :54ar:
بحكم أني متواضع .. ببدأ بنفسي ..
يبدأ يوم العيد عندنا من الصبح .... <== لا ياشيخ !!
.. نصلي العيد زينا زي خلق الله .. بعد لا تقولون لي وشلون صلاة العيد حقتكم .. صحيح أنا هجومي على سن ورمح..., لكن في هالأمور زيي زي عامة الشعب. :8ar:
بعد الصلاة أجيك أسحب الخطوه للبيت .. طبعاً في الطريق أحاول أتصدد عن جيراننا البعيدين ماني رايق لأمهم هم ويا سلامهم .. أجل فيه واحد يلزم في يوم العيد ..!!
فاضي لك أنا .. !:8ar:
المهم إذا وصلت البيت سلمت على أخواني ونجيب قهوه و حلويات شوي.. ونحتري لين يجي الوالد الله يحفظه .. واذا جا سلمنا عليه <== لا ياشيخ !!.. :8ar:
المهم نجلس لنا يجي نص ساعه مغير تعليق في خلاقين هالمبزره .. عاد ديني ودين اللي يحطون لمبزرتهم ملمع على الخد .. اللي اذا سلمت على البنيه صار خدك تقل لوحة نيون ... !!:8ar:
بعدها نتوجه مع العائله الكريمه حفظنا الله في حلنا وترحالنا .. إلى استراحه .. المهم يجتمعون هالعوائل في هالاستراحه من الصبح إلين يطفي الحارس الكشافات تالي الليل .:8ar: . أول مانجي نسلم وحركات وأنواع الابتسامات الصفرا .. وبعدها نتعيد ذبايح بلى عيد بيوت بلا هم .. وبعدها اللي يبي يسرح مسراحه بكيفه بس ترى فيه عشا .. أنا شخصياً أطلع قبل الظهر أصلي جمب بيتنا وأفقع أمينها نومه لين العصر .. والعصر أرجع للاستراحه ..
ما أقول الا الله يعظم أجر هالبزران .. صجه ولجه من الصبح ليييييييييين تالي الليل .. وشلون مايجيهم النوم مدري !!:8ar:
المهم نكمل .. اذا جا تالي العصر بدو يتوافدون علينا الأقارب من خارج عايلتنا.. للتهنئه <== لا ياشيخ .. أشوى أحسبهم جايين يحصلون ديون ..!!!:8ar:
المهم على هالحال وتريقة شيبان.. ماتطلع الا يوم العيد يقال لهم فرحه .. اللي يستلم لك يهيجن .. واللي يستلم لك تعليق على خلق الله .:8ar: . ومن هالسويلفات .. عاد مايزبط الوضع الا جا العشا عشان نتعشى . ونخلص !!
... الله يخلف علينا يومنا مبزره من ندخل للعيد لين نطلع محد سأل علينا .. يامبزرة هالوقت الله يرجكم حسّو بالنعمه .. ترى النعمه زايله ... ,
برايفت:
7
اللي عنده سويلفات عن يوم العيد وهو صغير..
يقولها لنا....يالربع لحد يستحي...
ترى محد ماسك عليك ممسك.... :8ar:
@@@@@@@@@@@@@
المشاركة الأصلية كتبت بواسطة شويه هباله
مواقع النشر (المفضلة)