السلام عليكم ورحمة الله وبركاته..
حييييييييهم الـ ع ـرب..
مرحباااااااااا السااااااع..
فديت انا عيون اللي جالس\ـه تـ \يقرا موضوعي..
شحااالكم..اعلوومكم..ان شاء الله بخير..
بصراحه اليووم ماعندي سالفه..والنت مايشبك عندي..<<----شابكه من صباح الله خير.فـ قلت اجلس واطقطق ع الكيبورد شوي واتذكر ايام اول..
الله يسلمكم بقولكم كم موقف صار لي من وانا صغيرونه >>كلش عاااد يـ العيوز..هع..وهم كم موقف محترم وانا عيوز..هع والاحتفالات والصرقعه..
اذكر اني يوم كنت صغيره يعني ما اتعدى الست او سبع سنين..كنت اسبوعياً اروح للحلاق واقص شعري..وتقريباً يومياً..يعني ما اخليه يحلق شعري كله..يخلي اجزاء ماقصها..بس ما تكون واضحه..واذ اهلي عيوا علي اجلس اصييييح فـ الحوووي..هع..طبعاً كنت دلوعتهم آن ذاك..هع
¤.•¨`•. ● عذوووب ●.•¨`•.¤
كنت استنى خالي اسبوعياً[يعني يوم الربوع] فـ الشارع يجي ويوديني السوق وياه..المحل حقه..وهم يوديني عند ربعه..وكنت داااااجه..
¤.•¨`•. ● عذوووب ●.•¨`•.¤
كنت استنى يوم الربوع والخميس بفارغ الصبر عشان اروح بيت جدي..كنّا انا وعيال خالي نتفق شو بنسوي قبلها بيوم يعني يوم الثلوث حنا مخططين لكل شي راح يستوي..هع..وياااويله اللي ينسى شي من اللي اتفقنا عليه..نخلي الشله كلها ماتكلمه..ويروح يجلس مع الكبار..المهم..كنا ناخذ الدباب حقهم..ونطلع الشارع..ومن حاره لحاره..ماكنت البس عباه مع ان كان عمري مايتعدى الـ 15..هع..>>>بالله الحين جم عمرج..
المهم كنت اللبس بنطلون جينز..وتي شيرت مع كاب..وماكنا نطلع الا فـ الليل..كانوا يسمونا الخفافيش..
¤.•¨`•. ● عذوووب ●.•¨`•.¤
مره كنت رايحه للسوق انا واختي والوالده..المهم الله يطولي بـ أعماركم..واحنا طالعين من المجمع حنترت الا اشتري آيسكريم..طبعاً ماتحركت من مكان الا وانا شاريه الايسكريم..واختي اخذت..امي راحت للسياره وقالت روحوا اشتروا وارجعوا بسرعه..والمهم..واحنا طالعين..كانت اختي تبي تعدل حجابها..وما انتبهم للباب اللي بيتصكر..هع..ومن حظي النحس اني كنت امشي وراها..ومستناسه اني انتصرت وشريت الايسكريم..ماوعيت الا واللي صاقعه فيني ومطيحه الايسكريم حقي..رفعت راسي الا اشوف اختي الدلخه,,كانت تب تصقع بالباب بس ينقال انقذت الموقف ورجعت ع ورا وانا اللي اكلتها..طااااااااااح اسكريمي..وااااااااااء..
¤.•¨`•. ● عذوووب ●.•¨`•.¤
يوووووه..ذيك المره كنا رايحين شله للراشد..انا واختي والوالده واختي الثانيه..وخالتي..وبناتها..وهم خالتي الثانيه..مع بنتها..كنا رايحن نشتري فساتين لـ حفله تخرج..كل وحده معها كيس فستانها ومبسوطين انهم اشتروا وافتكوا...الا انــــــــا!!..كنت شوي واصيح..ما اعجبني شي..المهم دشينا مون سون..ورحنا جهت الفساتين.هع..وانا كنت متلثمه..وخالتي والوالده كانوا يقولون عذووب[كانوا يقولون أسمي بس بدلع]الزبده ان هذا اخونا فـ الله طفش من كثر مايسمع اسمي ولا شافني..قال..وينها دي>>>يقول اسمي.هع..
انا هنا من كثر ماكنت منحرجه حدي صار ويهي اشارة مرور..هع..وسمع تعليقات البنات علي..من جد فشللللللله..الزبده لما شافني وريح قلبه..ابتسم وقال..بشويش خيتو مابدي ياكي تخجلي عادي بس انا كنت بدي شوفك لـ طلعلك الفستان اللي بيناسبك..ريحي اعصابك خيتو..هع..
هنا انا فقعت ضحك..الزبده طلع لي فستان واعجبني..وهذي المصيبه انه اعجبني..خخخخخ..
وحنا ندفع للفستان كان وقت صلاه وصكرواباب المحل..عشان محد يدش..وانا كنت مبسووووبطه لان لقيت لي فستان ومابتوهق..الزبده وانا طالعه قال لي اخونا فـ الله***>>ناداها..طبعاً انا التفت عليه..ابتسم وقال مع السلامه..ابتسمت له وقلت مع السلامه باي..هع..
واللي كان عند الباب يبتسم..انا ع بالي هندي..ابتسمت له..وانا طالعه قال لبس العافيه يا ***..
تدرون شو حسيت وقتها..كأن احد صاب علي ماااااي باااااااارد..هع..
الزبده طلعنا من المحل..ومامداني التفت ع يميني الا وذاك الشخص اللي لاصق فيني وعطس فـ اذني..يعني من قوة الصدمه ماقدرت اتحرك..بنت خالتي قامت تضحك..لفيت عليه واعطيته نظره حس انه صار حقير قدام ربعه..مشينا الا هو يمشي جنبي وقال..آآآسف وربي ماكنت قاصد..ماشفتك بالاصل..>>>احتقرته وكملت طريقي..
خخخخخخخخخخ
¤.•¨`•. ● عذوووب ●.•¨`•.¤
كنا رايحين للرياض..مع نفس الشله اللي فوق بس خالتي مع بنتها ماكانوا ويانا واخوي هو اللي مودينا..كانت سيارتنا مخفي..وهذا احسن شي..هع
رحنا للفيصليه..واختي الصغيره ماكانت تمشي..وماخذين لها عربيه..اختي ماتحب تجلس..تبينا نشيلهاااا..كنا مسوين ادوار عليها..هع..
بنات خالتي ينقال جات فـ بالهم فكره..انهم يقعدون فـ العربيه والثانيه تدفها..سووها الحركه ان وحده جلست والثانيه دفت..وانا كنت امشي وياهم..لان السيب اللي كنا فيه فاضي وماتوقعت ان اللي يبيعون فـ المحلات سعوديين..ومو سعودين شباااااااااب..هع..
وانا كنت امشي..اسمع تعليقات الشباب..اذكر واحد حق محل جوالات قال وانتي ليه ماتركيبن معهم..والمحل الثاني كان حق مجوهرات قاموا يضحكووون..بعد هـ الفشله..رجعنا لـ اهلنا الي كانوا فـ محل عطور..طفشنا شكلهم مطولين..قلت خلونا نروح لـ محل الجوالات..ورحنا اول مادخلنا قام يضحك..سئلته قلت فيه نغمات قال لا مافيه..سئلته عن جوال..الفيصليه2..موجود قال ايه موجود..قلت له بكم..قال بعطيك اياه ببلاش بس تاخذين فيني فره بـ العربيه..احتقرته بس ابتسمت وقلت له..اكيه العربيه روح اركبها محد حااايشك..قام وقال لا لازم انتي تدفيني..خخخخ..الزبده جا اخوي..واخونا فـ الله سكت ولا نطق بحرف..مايرد الا يه ولا لا..جلسنا نضحك عليه انا والبنات..حتى اخوي قام يضحك..
¤.•¨`•. ● عذوووب ●.•¨`•.¤
الفيصليه..رايحين نتغدا..كنت انا وبنت خالتي اخر من يمشي..وكانوا يمشون ورانا ولدين واحد ماشاء الله عليه كان ملياااااااان..والثاني كان عكسه..كنت انا اغني بصوت واطي..قام اللي ورانا يغني..وكان صوته اعوووذ بالله يفشل..التفت عليه وقلت ..لا حووول ما حنا ناقصين ناس تعتزل او تنتحر..قام خويه يضحك..هو قال لحظه لحظه وين بتروحون..هنا حنا سرعنا شوي تقدرون تقولون كنا نهرول..>>>ركض بس ع خفيف..
قال اخونا فـ الله المليااان..عاااااااد انا مقدر الحقكم..بشويش امشوا..جلسنا نضحك عليه.. التفينا عليه وابتسمنا لهم ومشينا بسرعه..وحنا لافين رفعت ايدي سلاام..
¤.•¨`•. ● عذوووب ●.•¨`•.¤
رحنا للمملكه لـ محل زارا..وكنا مستغربين من الاولاد اللي كانوا يبيعون..اهو ادري انه عادي بس مجرد استغراب لا اكثر..كانوا قمه فـ الاخلاق..بس هم كانوا ينكتون..اختي الكبيره تبي اختي الصغيره تشوف عليها البدله قياسها ولا لا..جلست تدورها ومالقتها..جاها واحد من الشباب وقال اقدر اساعدك..قالت جالسه ادور اختي الصغيره..قال وهو يضحك..يمكن تلاقينها مندسه بين الملابس..هههههههههههههه..
¤.•¨`•. ● عذوووب ●.•¨`•.¤
كنت واقفه بجنب احد الكراسي بـ مجمع..وكنت اقدر اشوف اللي تحت يتمشون..وهم اشوف اللي راكبين بـ الدرج المتحرك..ولفت نظري واحد يدخن..قلت يؤيؤ التدخين مضر بـ الصحه..رفع نظره لي وابتسم..وكان في ايديه كوب كوفي تقريباً فاضي..>>>تقدر تحكم بحكم انا تطالع من فوق ويبين شو فيه..قام واخذ الزقاره وحطها فـ الكوب وابتسم..
¤.•¨`•. ● عذوووب ●.•¨`•.¤
مره كنت مسويه عزيمه لصديقاتي فـ البيت.. بـ قطر..و بيتنا يتكون من اربع اراضي ..ثنتين مبنيه فيها البيت ووحده بركة سباحة والثالثه منعزله وهي عباره عن مزرعه..فيها حمام وفيها ارانب وهم فيها كلب..>>>الله يكرم اللي يقرون..وفيها حيوانات اليفه..وكان فيها ديوانيه..طلعت انا والبنات لانهم كانوا بيمشون يروحون بيتهم..وصلناهم لسيايرهن وردينا انا وبنت خالتي مع بنت عمتي..وثنتين يقربن لي بس من بعيد شوي..كانوا مخططين يباتون عندي طلعنا فوق مع الوناسه والصرقعه انتبهنا لصوت الكلب ينبح..قالت وحده من البنات خل ننزل ونشوف شو فيه..قلت انا الحين الساعه 1 ونص شو ينزلنا..المهم بعد الحنه..نزلنا كلنااااا طبعا كنا لابسين بجامات بحكم اننا راح ننام..كااان ايام مطر..اخذت جاكيتي وياي..وهم البنات..نزلنا وشفنا واحد من الشباب جالس عنده..البنات قامن يقولن من هذا..ماقدرنا نميزه..قربنا شوي منه..اهو مايشوفنا لان كان مغطي علينا شجر..انتبه الولد ان فيه حركه!!..قام وهو متجه صوبنا..البنات ركضوا وخلوني انا متوهقه جاكيتي علق بالشجر..حاولت افكه..ما انفك الا والولد خلاص شوي وهو واصل..الحمدلله قدرت انحاش بس قبل ما اوصل لمدخل البيت زلقت وطحت ع ظهري..من الالم مافتحت عيني..حسيت بـ ايد دافيه محطوطه ع راسي..حاولت اميز الصوت اللي كنت اسمعه..بس ماقدرت..رجعت وغمضت ..شوي وفتحت عيني..شفت ولد عمتي..ميزت شو كان يقول..قال ***>>طبعاً يقول اسمي..سلامات سلامات..عسى ماتعورتي..من الفشله غمضت عيني ..وحسيت وجهي احممممر..حاول يساعدني اني اقوم..وصلني لمدخل البيت وجلسني ع الدري..وقال لي لحظه..راح الديوانيه وجاب فوطه..قال امسحي ويهج..شوي والا اشوفه فاتح عينه كلها..تصروعت انا..قال..اوب اوب..اكو راسج يصب دمممممم..خفت من جد..شوي واصيح..قام يضحك..وقال لا امزح وياج..ها في شي يعورج..قلت له لا..وانا مفتشله..عقد حواجبه وقال وهو معصب..شو كان مطلعكن برا فـ هـ المطر..>>>فعلاً كان فيه مطر..قلت هااااه..لا بس سمعنا صوت الكلب وقلنا نشوف شو فيه..قال حصل خير يالله روحي دشي داخل وناموا ما ابي سهر..خخخخخخخخ..طالعته وقمت تو بدش الا قال تصبحين ع خير يالخفاش..عصبت عليه..وكنت ابحذف عليه شي بس مالقيت قام يضحك وراح..وانا دشيت ورحت غرفة الغسيل..وغيرت البيجامه اللي كانت خرسانه ماي..وطلعت فوق..واسمع ضحك البنات..اكتشفت انهن كانوا يطالعوني من الدريشه..ل وووووووو ل..
¤.•¨`•. ● عذوووب ●.•¨`•.¤
الله يسلمكم كنا رايحين للبحرين..شللللللللللة بنات..ابسلوتلي امهاتنا معنا بس مسمينها طلعة بنات..خخخخ..الزبده..ولد خالتي كان مودينا..وفي الجوازات كنت اسلم ع اللي واقفين..بحكم ان السياره هب مخفي..وواحد من اللي سلمت عليهم كان يكلم فـ الجوال وفي ايده ملف..من الصدمه اللي جاته طاح الملف..وطااااااااااارت الاوراق..خخخخ
¤.•¨`•. ● عذوووب ●.•¨`•.¤
قطر..وماادرك ماقطر..فديييييت اهلها.. كنا معزمين نروح لها..اول يوم رحت ماجلست فـ البيت..طوووووول وقتي فـ الستي..طبعاً مانقدر نطلع بدون امهاتنا..كنا متفقين بـ البيت اننا راح ندش السينما..كلمنا السنما واستفسرنا عن الوقت ..المهم الله يسلمكم الفلم يبدا الساعه سبع وربع..احنا وصلنا هناك الساعه ست ونص..وبعد الدجه مع الامهات قلنا بروح السنماااااا..لان وحده قالت الساعه سبع الا ربع..هنا احنا ارتبشنا قلنااا لاااااا الحين بيبدأ الفلم وماشفناه من البدايه..المهم وطيرااااااان ع السنما..رحنا لـ روم 12 اللي راح ينعرض فيها الفلم..واعطينا الرجال التذاكر ودخلناااااا..دخلنااا والفلم كان شغااال..وحده مننا قالت يؤ زين جينا بدري ع الاعلانات..كملنا مشي لي وصلنا مكانا..لقيناااااا فيه شباب جالسين!!!!!!..شووو السااااالفه..قلنا اوكي ورحنا نفس المكان بس الجهه الثانيه..امداني انا اقعد بحكم اني آخر وحده فيهن..جااااا الرجال اللي اخذ تذاكر واهو يضحك..قال اسمحن لي خواتي الفلم هذا ع النهايه..انتن فلمكن بعده..انا ووحده من البنات..ع طول..كركركركركركركركركركر..فطسناااااا ضحك..الزبده طلعناااا..واحنا وجهينااا حمممره من الضحك والفشله..رحنا درنا ع المطاعم وتحرشت انا ووحده من البنات بكمن حلوه..خخخخ..امي كلمت وقالت دخلتن الفلم..قلنا لا بعده مابدء.. قالت اوكي حنا ماشيين بنروح البيت..كلنا بصوت واحد..الله يستر عليكن..خخخخخخخ..
الزوووبده..بعد السوالف والضحك رحنا للفلم..<---- واخيراَ خخخخخ..انزين دشينا للفلم..ورحنا محلنا..هع هع..وبدوا الناس يهلون..الزبده ان فيه شباب مصرقعين حوالينااا..في نص الفلم جت اغنيه..>>[عوكلو]<< الفــــلم هذا رهيييييب..الزبده ان الاغنيه رقصتني وانا جالسه اررررررقص..والشباب من الرقص اللي هم جالسين يرقصونه يضحكون ضحك..واناااااا معهم..خلصت الاغنيه..ورجعنا هدووووء..<من جنبهااااااا هدوء..خخخخخخخ حتى من الضحك دموعنا تنزل..وااااااااااااو..وواحد من الشباب اشتط مع الفلم ويقوم يفصخ الشماااااااغ..احم احم..بس بجد الفلم رهييييييييب..
^
^
^
عــــــــوكــــــــل..
¤.•¨`•. ● عذوووب ●.•¨`•.¤
كنت مواصله صار لي ثلاث ايام مو نايمه عدل..وكنت اداااوم واروح للمدرسه..وداااااايم هناك اتصرقع بس فيني النوووم..ارد البيت هلكاااااااانه..وآخـــر يوم اللي هو ثالث يوم..كنت طالعه ابروح للبيت..داااااااار راسي..غمضت عنوني..ومن الغباااااء الزااااايد..ماوقفت..كملت طريقي..ماوعيت الا انا هااااااااابده!!..وااااااااااااااااو..قمة الاحراااااااااج بس اللي كانن وياي تداركوا الموقف وقوموني..جت المرشده الطلابيه!!..يؤيؤيؤ..من خوفي جلست اصيييييح..<----ومن قوة الطيحه..سئلت شو صاير..وحد من الملاقيف قالت بسرررعه استاذه عذوب مواصله ثلاث ايااااااام!!..المرشده الطلابيه ع طوووول فتحت عيونها..شو ثلاث ايام..ليييييييش..يووووووووه ابوك يا النشبه الحيييييين..انا فيني نووووووم!!..ابي انااااااام..واهي جالسه تعطيني محاظره..فاضيه لها اناااااا..الزبده شافتني اني مو معها استحت ع وجهها وقالت بكره ما ابيج جايه المدرسه الا وانتي نايمه كويس..قلت ايه ايه طيب..راح انام كويس..<---- حتى وانتي نااايمه..انزين طلعنااا من المرشده الطلابيه ماوعيت الا اللي جايه وضامتني حتى ماقدت اتنفس..يؤيؤ شنووو!!..وصلوني لـ السياره والبنات يتوعدون لي اللي بتكلم امي وتقول لها..واللي راح تخلي ابوها يكلم ابوي..واللي تقول انا جايتج اليوم..واللي واللي واللي..ياااااااكثرهن..
¤.•¨`•. ● عذوووب ●.•¨`•.¤
يوم من ايام العطله كانت عندي بنت عمتي..وكنا طوووول اللي سوالف ووناسه ما انتبهنا الا والمذن يأذن الفجر..يؤيؤيؤ..كل وحده تطالع الثانيه..لحظه صمت..وشوي..كركركركركركركركركركركركر..صلينااا ونزلنا تحت..ماشفنا البشكارات..يوووووه احنا جوعانين..وتعيجزنا ننزل لـ البيسمنت..دشينا المطبخ <<----ينقااااال بيسوون فطور..بس والله طلعت اعجبكم سويت بيض..واااااو عذوب انجزت شي..<< ----انكتب فـ كتااااااب التاريخ..خلصنا فطرنا ورحنا للصاله فووق..شوي الا الوالد قااايم..شافناااا..ع طوووول شو صاااير عذوووب..شو مهببين انتي وياها..طالعت بنت عمتي وسكت داريه ان ابوي لو درا اننا مواصلين بيهزئنااااااا..قالت بنت عمتي متداركه الموقف..هاا..ايه خالي صلينا وماجانا النوم..قلت ايه صح يبه!!..طالعني ابوي يعني ترى مو مصدقكن..راح الوالد ونزل تحت..دق علي وقال سوي لي كافي..قلت ان شاء الله من عنوني..سويت له كافي ورحت له..قالي عذوووب تراني مو مصدقكن ادري انكن مواصلات..سكتت ونزل عنوني..قال عقااااااب لكن مافيه نومه..قلت له..لااااااااا واللي يرحم والديك..ضحك ابوي وقال انتن ماتدرون ان عندنا عزيمه اليوم..قلت هاااا؟؟لا ماندري..قال احسسسسن..ان نمتن ماراح تتهنن فيها..فـ احسن لكن لا تنامن..وراح عني وخلاني دمعتي ع خدي..طلعت فوق لبنت عمتي وقلت لها..شوي وتصيييييح..قامت الوالده..من بعد ما الوالد اتصل وقال لها السالفه..واهي اول ماشافتنا..كسرناااا خاطرها..جان تقول لنا روحن نامن شوي شوفوا اشكالكن تقول ساحرات..رحنا ننام بس هيهااااات عذوووب تنام وفـ البيت عزيمه..ماجاني النووووووم..طفشت بنت عمتي وماخليتا تنام..جلسنا نطلع شو راح نلبس..الزبده بعد العزيمه..رحمنا الوالد وقال..ان عدتن هـ الحركه ماتلومن ا لا نفسكن..خخخخخخخ شوفوهن بالله عليكم مو سااااحرات تقول مانامن صار لهم شهر..وقاموا الاولاد منهم والبنات يضحكوووون علينااا..واااااااااااااااااااااء..
¤.•¨`•. ● عذوووب ●.•¨`•.¤
هذي سالفه من سوالف البر..كنت انا ومسكين قلبك مع منسدحه بـ لفه..<< ---نك بنت عمتي..انزين بعدنااا شوي عن الخيااام..وكانوا معنا الورعااااان!!..قلت انا لازم نأدبهم لانهم نشبوا لنا..احنااا مانبيهم يجون بس حكم القوي ع الضعيف..الله يسلمكم انا معروفه ان تمثيل عـــدل..اعجبكم بـ التمثيل يعني ادقن الدور عدل..المهم..وكناااا راكبين فوق العرقوب تقدمت انا شوي وطحت جلست اصيييييح واصاااااارخ..آآآي رجلي تعورني حيه قارصتني مدي عقرب آآآآآآآآي رجلي تعورني..الورعان خااااافوا بس مابينوا..جا واحد منهم ومعه الكشاف..حطه ع ويجهي وشااااف دموووووووعي!!..الولد قال من صج هذي متعوره..ويرووووح رطض عند خيمة الرجااال..عذووب تعورت عذووووب تصيح..عذووووب قرصها عقرب..لحقوا عليهااا..الرجااال كل واحد قام يركض..انا شفتهم كذا خفت..بس كملت التمثيل..لما وصل اخوي وولد عمتي ..شافوا رجلي حمرا..ودموووعي تنزل والورعااااان يصيحون وياي..حتى مسكين ومنسدحه خافن!!..الزبده اخوي شالني وركبني بـ موتر ولد عمتي..اخوي لس بجنبي وجلس يطالع رجولي..<<----- دكتووووور العايله ماشاء الله عليه بس للعلم ان عمره كان 17 سنه..قال لا سليمه ان شاء الله مافيها شي..الرجااال رجعوا يشوفون شو صار علي لان الشباب ماودوني عن خيمه الحريم..طلع في رجلي رضه..وورمت من الطيحه..صارت زرقا ع خضرا..<<---- الحمدلله جت ع كذااااا..ولحد الحين محد يدري انها تمثيل الا مسكين ومنسدحه..
¤.•¨`•. ● عذوووب ●.•¨`•.¤
خخخخخخخخخخخخخخ..اما هـ الموقف فررررش طااااااازه..الله يسلمكم امس كنا رايحيين الظهران نودي الورعان يسبحون ..المهم مافيه الا اخوي بـ ثاني ابتدائي..واختي الصغيره سنتين ونص..انا جالسه مع اخوي..ومسكين مع اختي الصغيره..من بعد ماخلصوا لعب بـ البركه..ووناسه وتنقز..وتسبح..طلعناهم..اختي الصغيره متعوده ع مسكين..المهم تركت اخوي يلبس ورحت اشوف شو صار ع مسكين قلبك..لقيتها متبهدلها مع اختي الصغيره..قلت ابصورها بـ الجوال..وخرت مسكين قلبك..وتسندت ع الجدار..وشوي اللي انا اضحك واهي تصارخ..خخخخخخخخخ المسكينه فتحت الماي عليها لما تسندت..خخخخخخخخخخخ
¤.•¨`•. ● عذوووب ●.•¨`•.¤
CuT!!!!
بصراحه تعبت وانا اكتب..خخخخخخخ..<<-----سبع صفحات بـ الـ WoRd....
اتمنى انكم استااااانستوا وانتوا تقرون المواقف اللي صارت اللي والاهم من ذا كله..اني قدرت ارسم البسمه ع وجهكم..
فماااااااان الله..
مواقع النشر (المفضلة)