.../ سعوديات ! في مهب الريح ,,,

[راحيــــــــل]

"

مرحبـــا ,,
الله لا يصبحكم ولا يمسيكم الا بكل الخير يارب im3
اعزائي احبائي فلذات اكبادي :*
طوال فترة تواجدي في عالم النت
كانت تمر علي صور لـ بنات سعوديات
وكنت اندهش حقيقه
واقعد افكر وافكر وافكر
اقول ياربي
الصور ذي منين جات ...؟!
معقوله ناس ماتخاف ربها نشرت صور البنات الضعيفات ؟
ولا البنت عطت ثقتها لشاب وطلع للأسف نذل ونشرها ..!!
الف احتمال و احتمال يجي على بالي
وفي النهايه اتعوذ من الشيطان
واقول يالله انك تسترنا فوق الارض
وتحت الارض
ويوم العرض
طبعا الكلام هذا كان قبل سنيتن تقريبا ً

اللحين طبعا الوضع اختلف
صرنا نشوف صور تحس انه البنات متقصدين يتصورون بالوضعيه هاذي عشان ينشرونها في النت <---- gif22
زززززي مثلا ً

هاااااااااااااذي



تحسون صورة الملك عبدالله جايه بالغلط بينهم



علم المملكه تأكيد ع الهويه السعوديه



ياربي وش ذي العصاقيل :12ar:
مايبون اسلفهم كم كيلو من عندي :28ar:



لحوووول
حتى في الباص



من زين الايادي عاد







:9ar:

انقلبت الايه
وصاروا للأسف هم اللي ينشرون هاذي الصور لهم ...
ما يخاااااااااافون .......؟!
كيف ينامون الليل ذولا وصورهم في كل جهاز؟؟؟
مافيه وحده منهم عاقله تقول يا بنات بلااش هبل ؟
شرااايكم انتم ؟؟؟؟
ليه باعتقادكم يسووون كذا ؟؟؟؟؟
وربي فضحونا في الـ FaceBook وفي flickr
اللي تصور شفايفها واللي تصور يدها
يمه يمه بس

[-{ سآحبه ع الدونيا]

[align=center]/

صباح الـورد

كثير كذا ولا ادري وش الفايدهـ من هـ الحركات

ايام الاختبارات النهائيـه

كل وحدهـ جايبه جوالها وجالسين يصورون زميلاتي

ويقولون لنا انا وصديقاتي تعالوا نصور مع بعض

قلت انا هذا اللي ناقص والله

ترى حنا في السعوديـه افرضي الصورهـ طلعت من هون او هونيك

أولا ً حرام خشتي او خشتك تطلع

ثانيا ً اهلي بيموتوني ياهبلـه

قالت وحدهـ منهم عادي هذا جهازي انا وخاص فيني محد بيجيه تطمنوا

وردت وحدهـ من صديقاتي تيب الجهاز ماراح يكون معك دايـم

يعني ممكن تبيعينه ويقدر اللي اشتراهـ منك يطلع الصور

أو ممكن ينسرق جوالك وينشر الصور اللي فيـه

واقعدي بها بعدين

^^
طبعا ً هذي الزبدهـ من اللي صار

ولا اول مرهـ يصير هـ الشي ولا اخر مرهـ

وبعضهم يغطي وجهه بـ شعرهـ ويصور

مع ان فيه بنات من هيئتهم تقدرين تميزين ان هذي فلانـه والا عـلانـه

مو معنى انها اذا غطت وجهها ماراح يباان شي او محد بيعرفها

اتمنى يكبرون عقولهم شويتين im3

وبعدين مجتمعنا ياحبـه لـ القيل والقال

حتى لو جات بنت واخذت صورهـ لـ صديقتها ونشرتها

ماراح يجي في بالهم ان اللي صورها صديقتها وبنت مثلها

بيقولون ايووهـ اكيد اللي صورها رجـال im3

وبعدين يافضيحتها هي واهلها

وتاخذ لها كم كـف مع كم كوع

هذا اذا ماذبحوها وكل هذا على اساس شكوكهم ان اللي صورها رجـال

ودوري من يتزوجها هي او خواتها

احس اني شطحت بقووهـ

شكرا ً آنسـه راحيـل

[ :25ar: ][/align]

[Clouds]

راحيــــل ..
وش نقول وش نخلي ..

يعني الواحد يضحك يستغرب يصيح كلش يطري علية ..
هالموضوع طراة سالفة صارتلي بأجازة عيد الفطر ..

كنت بدبي وكنت بسوق والله ناسية وش اسمة .. بس على ماظن مول الامارات
واقفة عند سلم كهربائي وانا صادة لفت نظري برق اجهر عيوني من السلم ..
التفتت الا 3 سعوديات وحدة عباية عالراس وثنتين عالكتف
وكانوا مغطين وجيههم بغطاوي غليظة بس شدتني يديهم كانوا لابسين الماسات تلمحين لمعتهم وانتي
بأقصى الدنيا .. gif22
شفتهم اقبلوا لمي سكرت الكام و وصديت انخرشت الصراحة قلت اكيد بيقبسون يحسبوني صورتهم : (
رحت وقفت عند امي وجوا قربوا قالوا : تفضلي معنا .. انا طارت بوهتي !
وين اتفضل ؟
قالت : امممممممممم ججججججججلسة خفافي شوي < كذا يالله طلعت الكلمة منة !
قلت : لا مشكورة ..
قالت : يالله .. بتوسعين صدرك يالله تعالي معنا !!
صرفتهم امي .. وبالحالة مشوا من عندنا ..
استغربت : ورى انا ياخذوني من بين كل هالعالم !!!!

على مشيتي من مكاني كانوا بوة مجموعة خليجيات جالسين وقفوني وقالوا :
انتي سعودية ؟
قلت : اية
قالوا : غريبة .. مامشيتي معهم !!
قلت : ورى عاد وش الغريب ؟
قالوا : انتم يالسعوديات مايعوق معكم .. من تغطون الوجة تنسون ربكم اللي خلقكم !!!!
انصدمت !!
قالت : تنكرين ! شوفي ذا اللي وقفتك تو .. فلانة بنت فلان .. im1 ..
شفتي شلون لا بسة عبايتة ! .. تدخل من ذا الباب < باب الصالة حقت الجلسة ..
تنسى كل ماوراة .. وهاتي يارقص وردح وشرب .. وجايبة اليوم المطرب .........................

كل ذا الكلام وانا واقفة وساكتة انربط لساني انصدمت من النظرة الماخوذة عنا

حسبي الله عليهم بس ..

طولت .. بس هالسالفة جت هي وهالموضوع بوقت واحد
راحيـــل

[جنون إنسان]

السلام عليكم ورحمة الله وبركاته



راحيــل

مراحب فيك

ارحب من ارحب مرحبا في العالم

يعني مرحبا كبيرة وبس im3

والله لا يصبحتس ولا يمسيتس انتي ومن تحبين وتعزين واخواني المسلمين الا بكل مغفرة ورضى من الرحمن الغفور


جبتيها عـ الجـرح


بقولتس شي ياخيتي

أول زمان

من حوالي 15 سنين الي تلبس نقاب هذي عليها العين

والي تلبس البرقع هذي مستتره (( اقصد البراقع القديمه مو براقع الحين الي تطلع كتف الوحده من فتحة البرقع حقت العين )) << مقبول بالشرح


طلع لنا بعدين اللثمة

والبرقع الي فتحة العين حقته تطلع كتف الي وراها

فصارت الي تلبس نقاب هي المستتره

الحين طلع لنا نقابات واشياء تخرع


ولثم حركات

بعضهم كنهن سلاحف النينجا

وبعضهن كنهن زورو


وحده شفتها ذاك اليوم بمحل حلويات

كنت أكلم الوالدة التفتت فجأة الا ذي بوجهي

صرخت بوجهها من الروعة

قلت احسبتس حرامي << من قوة ام اللثمة الي حاطتها

زهقوا من هالأشياء كلها

بدو يرمون النقاب والبرقع واللثمة


وصار حجاب بس

وماطولوا

بعضهن احسبهن شغالات الحين لابسة عباية والشعر مفرود على الكتوف والامسوية كدش بسم الله علي وعلى الي حولي صاروا يخرعن

^
^
^
^
تحسين كلامي هذا ماله علاقة بموضوعتس صح؟! ،، لكن في الحقيقة انا اشوف ان له علاقة قوية



بعض البنات الله يهديهن من قوة التقليد

وقوة الهبال

وقلة الوازع الديني

ماكفاها انها تمشي بدون حجاب او بدون غطى عـ الوجه

ويشوفونها بس الي في الشارع


صار عندها حب ظهور

يبون يصيرون مشهورات اظاهر

وبعضهن لا

يشوفون ان الوضع عادي والسالفة مافيها شي

وشلة بنات يصورون مع بعض ومحد شايفهن ولا عارفهن

ونسوا ان عالم الغيب والشهادة يطّلع على كل شيء ويعلم ظاهر الأنفس وماتخفي الصدور


والأخطـر من هذا كله

ان فيه فئة معتبره هالأمر انه من باب التطور

وكفاية تحجّر ،، خلينا نصور مثلنا مثل باقي العالم


والرسول صلى الله عليه وسلـم قال في مامعنى الحديث : (( تتبعون اليهود والنصارى ولو دخلوا جحر ضب لـ دخلتموه ))

وهالزمن القابض على دينه كـ القابض على جمره

نسأل الله السلامة




انا بصراحة طولت في الرد لكن موضوعتس حيل أعجبني وتحمست فيه مدري ليش



يعطيك العافيـة خيتو $222


برايفت راحيــل

[mark=FFFFFF]ماتحسين ان ردي أطول من موضوعتس [/mark]im22

[¶ بــآريــس ¶™]

الأعمال بالنيات

وهم ما كشفوا وجيهم يعني عادي




[align=right][mark=FFFFFF]هم كذا يقولون وش اسوي لهم [/mark][/align]