[poem=font="Simplified Arabic,5,deeppink,bold,normal" bkcolor="black" bkimage="" border="ridge,4,deeppink" type=1 line=0 align=center use=ex num="0,black"]
على الهون ياقلبي ترفـق علـي بالهـون=لا يطغى عليك الحب وتضيـع فالطوشـه
علامك ياقلبـي كلمـا صادفـك مزيـون=صاير كنك مدخل شقـق آجـار مفروشـه
لا يتعبك برقٍ ساريٍ في عروض مـزون=تعـدى وكفـك منـه ماهيـب مرشوشـه
ياقلبي هذا وقت المصالح وتـدري شلـون=شف النـاس كـلٍ قيمتـه قيمـة قروشـه
معك ألف تسوى ألف معك دون تسوى دون=وكـلٍ علـى عملتـه قيمـتـه منقـوشـه
كثيريـن وأعرفهـم يحبـون ويخـونـون=لأن النوايـا الصافيـه فيـه مغشـوشـه
ونادر ما تلقى فيـه واحـد مـن المليـون=يحافـظ علـى سـر المحبيـن برموشـه
ياقلبي كفاك اللي حصل وأصح يامجنـون=ياخوفـي تعلـّـق شـي ماتقـدر تنـوشـه
قد جربت حب اللي تركني وأنا محـزون=ماراعى ظروفي والحشـى منـه مبروشـه
من أسباب حبه جاني الضغـط والقولـون=على ويش نتعب والغـلا ينقلـب هوشـه
دع الحب ماله طب مافيـه كـود طعـون=أخـذ مـزةٍ مـن ذاقهـا بـرد نشنوشـه
تغانم جديـدك بأولـه وأظهـر المكنـون=أخـذ مـا تهيّـا قبـل يربطـك دنبوشـه
وخـل الهيامـا اللـي يهيمـون ويعانـون=يفصّل لهـم مـن خامـة الهـم دشدوشـه
.
.
للشـاعر/ محمـد بن شديـد [/poem]
مواقع النشر (المفضلة)