> ._][_ الفـــاتنـــــــــه _][_. >
[align=center]السلام عليكم ورحمة الله وبركاته
اقدم لكم هذه الفاتنه عسى ان تحوز على بعضاً من رضاكم ..
لكم الأن ما اردت ان اقوله ..[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
متحشمه بالليل في وقت الاسحار = في ساعة(ن) فيها الخلايق نياما
في حارة(ن) ماكن حيٍ بها دار = أمن وأمان وبيتها له مقاما
وقف على بابه بنظرات محتار = احتار من نظرات حب وسلاما
قلت السلام (أهيم) و(احب) و(أغار) = ياعيون (عز الخيل) وقت الزحاما
قالت من أنت وشتبي مابعد صار = بيني وبينك حب ولا خصاما
قلت المحبه مالها وقت واعذار = وخلت (شيوخ القوم) مثل اليتاما
في عينك اليمنى مكاتيب واشعار = والثانيه فيها قلوب الاناما
في ذمتي ماشفت مثلك بالاقطار = ياشهر زاد الوقت عذب الكلاما
يا(جوهره) يا(در) يا(قوت)( محار) = ياريحة العنبر وريح الخزاما
في وصفها غطت على كل الامهار = ومن حسنها كل(ن) رمى للثاما
وفي صوتها تسمع موسيقه وقيثار = الحان (بت هوفن) جعلها مقاما
ظني حبال الصوت خلقت من اوتار = اليا هرج لحظه عن( الفين عاما)
شعره على ظهره كما شمس وستار = ستار ليل ولمع نجم بظلاما
واهدابها جتني تبيح بالاسرار = ياويل حاله دام عشقه حلاما
وخشمه كما سيفٍ جذب كل الانظار = واقول سبحانه تكمّل وساما
وخده كما وردِ نبت وسط نوار = موتي وموته مثل ليل الجهاما
ومبسمه خاتم بمقياس وعيار = ومن الحلا والزين زاده بشاما
ومن الشهد تخجل (كلودا )و(سيزار) = كنه بيمشي فوق بيض الحماما
وعليه عنقٍ للبشر صار تعبّار = مالوم قلبي في وصوفه هياما
ورمان (نحره) فدوته كل الاعمار = زاهي جماله مثل بدر التماما
ورجله شكاويه من الخصر لاسار = كنه يدور الخصر وسط الزحاما
لا لف (جسمه) قلت دار الفلك دار = انشهد ان أيات ربي عظاما
وملبوسها (ديزاين إيلي) بالازهار = مايلبسه الا عظيم الفخاما
و(ديور) في جسمه نسى رد الاخبار = وعطور (جيفنشي) تروّح عداما
ومكياجها (ريميل) يكتب بالاقرار = لاشفتها تنسى حديث إلاماما
ولو شافها (هامور) مليون مليار = قرر يجيب (سويسرا) في شماما
ولو شافها (حاتم) و(كسرى) و(مختار) = صمّل يقوم الحرب لاجل الزماما
محد(ن) يشق غباري اكبار وصغار = ياعيون أصايل والحجاج العلاما
شاعرك (فارس حر) (خيال)(صقار) = يهديك قلبه يوم جاك الغراما
شعّار وادري دوم للشعر شطّار = تفتل وتنقظ والهدف بالغماما
ابحفظك وابني على قصرك جدار = حيث(ن) حبك شل كل القواما
ارحم حبيبٍ جاك يرقى بسنجار = يوزع الونات شرقٍ وشاما
اسوقلك قافي كما سيل وامطار = والا الوعد بكره بيوم القياما[/poem]
[align=center]وسلامتكم
[/align]
رد مع اقتباس
مواقع النشر (المفضلة)