مقالب الزملاء في زوجات زملائهم
[align=center]السلام عليكم ورحمة الله وبركاته
الله لايمسيكم ولا يصبحكم الا بالخير المهم او الزبده خخخخ
بقولكم سالفة اربعه شباب مع بعض من اول يوم دراسي في المرحله الجامعيه حتى اخر يوم ترى البدايه بكتب فصحى بعدها بكتب بالعاميه خخخخخخخخخ
^^^^^^^^^^^^^^
المهم الاربعه اتفقو وتعاهدوو ولا واحد يزعل من الثاني من اي مقلب يجيه من زميله الثاني المهم اسمائهم محماس
وضرغام ومناحي والرابع ينادونه ابو عراده ابو عراده هذا قصير وفي اي مكان يقدر يدخل ويسبب قلق الثلاثه
محماس وضرغام ومناحي اتفقو على ابو عراده (نذاله ) (خخخخ) طبعا كانو يدرسون في جده في يوم من الاياام
دق جوال ابو عراده الا ابووه يقووله راح اجيك انا وعمامك عندكم في جده ننام عندكم هالليله ونمشي الصباح (جايين
من مكـه ) قال اووكيه جهز القدوع والقهوه وظبط الامور جى ابووه ورحبو فيهم والعلووم والاخبار قال محماس وش
رايك ياعم تشووفون معنا الزير سالم مسجلينه في شريط فيديوو قال ايبله ياولدي شغله خلنا نشووفه قال محماس
لبو عراده الشريط موجود في الفيديوو قال ابو عراده ايه, طبعا محماس غير الشريط وحط شريط ثااني شغل الشريط
وقال انا بروح اجيب الشاهي طبعا محماس حط ثوبه في فمه ونعاله الله يكرمكم في يده وهج هرب الا الشيبان
يصارخووون ياعيال لعنت الله على ابليسكم لاحوول والا قوة الا بالله وش ذاا ياعيال < محماس مشغل شريط خلاعـه )
طبعا ابو عراده مسكه ابووه وساوا فيه الارض ابو عراده تحمل المقلب وتحمل الضرب رجع محماس ولا سوى فيه
شيء ابو عراده
******************************
الدور الحين على ضرغام . طلعو الشباب على الكورنيش يتمشوون مثل ماقلت لكم ابو عراده قصير الباقين ماشاء
الله تقوول كمال اجسام مسكوو ابو عراده وفسخووه وطلعووه مع دريشة السياره وخذ ضحك وتهزيء فيه من العالم
*******************************
الدور على مناحي . مناحي دخل على الدكتوور وكان عليهم اختبار وقال للدكتور ترى ابو عراده توفى البارحه
في حادث المهم الدكتور زعل عليه , ابو عراده وينه ؟ مربووط في الشقه (ههههههه) المهم انتهى الاختبار والكل في
الجامعه وصلهم الخبر ان ابو عراده توفى يجي اليوم الثاني الا يشووفون ابو عراده موجود بينهم . طبعا ضاع عليه
الاختبار هذي مقالب الثلاثه في ابو عراده (الاتفاق بينهم ماحد يزعل من اي مقلب وابو عراده كان عند الوعد
والعهد ) ( بس مانسى اللي صار له ) ناوي شر(ههههههههه)
**************************************************
راحت الايام وجات الايام خلصوا الجامعه وتخرجوا وتوظفوا الشباب
تزوجوا الثلاثه ماعدى ابو عراده (ياعمري يابو عراده )<خخخخخخ>
***********
محماس موظف في الشرقيه و اهله معه دق عليه ابو عراده قال انا في الشرقيه وابي اسلم عليك واسولف معك قبل
اروح للديره تقابلوو في البيت حق محماس جى في اليوم الثاني ويطلع محماس مع زوجته للسووق نزل محماس يصرف
من الصرافه وترك السياره تشتغل وزوجته فيها (ابو عراده يراقب الموقف ) بشكل سريع ركب السياره ابو عراده
وهرب فيها وزوجة محماس فيها قعدت تصارخ ابو عراده فهمها السالفه وقال انا فلان وانا اللي جيت عندكم امس
وشربت القهوه عندكم وتعشيت وهذا مجرد مقلب لا اكثر ولا اقل لا تخافين وراح احطك في بيتك بس توعديني باخذ
عليك عهد ماتدقين على زوجك الا بعد ساعه قالت اوكيه حط الحرمه في البيت وحط السياره عند الباب وطلع دق
على محماس طبعا محماس كان متفشل < فضيحه > الحرمه والسياره < كارثـه >(ههههههههههههه) طبعا محماس
مادق على احد لجل لاينتشر الخبر لانها تعتبر عيب في حقه . المهم قال ابو عراده وش فيك يامحماس صوتك ماهو
عاجبني مابين شيء محماس في البدايه قال ابو عراده وينك بجيك الحين وصف له محماس الموقع وصل ابو عراده
وقال له محماس السالفه كلها قال ابو عراده خلاص عشر دقايق بالكثير وانا بعطيك خبر خلك في مكانك لاتتحرك
ابو عراده راح من عنده ودق عليه قال حرمتك في البيت وسيارتك عند الباب وانا اللي سويت كذا قال محماس
والله بذبحك وقعد يهدد قال ابو عراده هذا جزء من اللي سويته فيني (خخخخخخخخخ ) بس ,,,
وانا مكانه اذبـحه ( يلعن ابو الفشله )
************************************************** ***
الدوور على ضرغام وضرغام موظف في جده واهله معه دق عليه ابو عراده وقال ابي اقابلك واسلم عليك لاني
ماشي باكر الديره وافق وتقابلوو جى من باكر دق ابو عراده على ضرغاام وقال ابي اعطيك اغراض قبل اسافر
وينك ؟ قال ضرغام انا في العمل قال ابو عراده انا عند البيت بعطيها اهلك وامشي على طوول للمطار قال ضرغام
اوكيه راح ابو عراده ودق على زوجة ضرغام طبعا زوجة ضرغان عندها خبر ان ابو عراده راح يجي ويعطيها اغراض
ويمشي المهم دق ابو عراده قالت من عند الباب قال انا فلان ابي اعطيك اغراض سلميها لضرغام قالت خلاص حطها
عند الباب حط ابو عراده الاغراض وطلع صووت لجل تتاكد انه حط الاغراض هذي ومشى فتحت زوجة ضرغام
الباب الا وابو عراده ناط عليها وش تتوقعوون في ايده ؟ (هههههههههههههههههههههههههههه ) علبة ببسي عائله
هزها الين هز ام العبيد داخلها وفك العلبه في وجه الحرمه ويغرقها ببسي ويهج ويهرب (ههههههه) دقت زوجة
ضرغام على زوجها تبكي وتبلغه وش صار دق ضرغام على ابو عراده وهدده قال انا مجنون اقعد انا مسافر الحين
وعلى فكره هذا جزء من اللي سويته فيني <خخخخخ) بس ( يلعن ابو هيك مقابل ويلعن ابو هيك ميانه ) <ههههههه>
*************************************
الدوور على مناحي . مناحي في جده وموظف ومع اهله بس هالمره ابو عراده مابلغ مناحي انه موجود ولا قال
ابي اقابلك ولا شيء ابو عراده يبي يوصل لزوجة مناحي بس ماقدر قعد يراقب مناحي في طلعته ودخلته بس
ماقدر يوصل للحرمه فكر مالقى الا حل واحد ( عياله ) طلع مناحي في يوم خميس مع زوجته وعياله لحديقه طبعا
العيال راحو يلعبوون في الالعاب بشكل سريع اخذ الولد واشترى له العاب وحلويات لجل لايصارخ اخذ الولد معه
للشقه وقعد 24 ساعه بدوون مايدق على ابووه او يبلغه طبعا مناحي دق على الشرطه والخبر وصل الشيبان والاهل
في الديره والحريم يبكوون المهم ان اهله واهل زوجته وكثير من عمامه طلعو جده لجل يوقفوون معهم في
محنتهم بعد مرور 24 ساعه دق ابو عراده على مناحي ومسوي نفسه ماسوى شيء طبعا سأله وش الخبر هذا اللي
وصلنا ليش ماتنتبه لعيالك .. قال ابو عراده خلاص خلال نص ساعه برد لك خبر بدق على ظابط من اخوياي واخليه
يشدد التفتيش وانشاء الله راح نحصله اخذ ابو عراده الولد وراح لنفس الحديقه وشاف عائله قاعده. قرب منهم وقال
لو سمحتو ابيكم تمسكوون ولدي عندكم هذا بس دقايق ابي اروح دورة المياه الله يكرمكم وراجع قالوا اووكيه راح
ابو عراده ويهج من عندهم ويدق على مناحي ويقوول رووح للحديقه اللي ضاع الولد منك فيها قال مناحي ليش قال
روح ولدك موجود فيها راح مناحي ويحصل ولده مع العائله طبعا سألهم كيف وصل الولد عندهم العائله وصفت له
ابو عراده في القصر والسرعه ولون البشره بكل تاكيد عرف ان ورى كل هالسالفه ابو عراده ودق عليه وتكلم
عليه قال طلعت الشيبان من الديره ونشرت الخبر في كل مكان وهدده قال ابو عراده هذا جزء من اللي سويته
فيني (خخخخ) بس
************************
الشباب الثلاثه ينتظروون زواج ابو عراده بفارغ الصبر لدرجة ان الثلاثه راحو لبووه وقالو حنا مستعدين نتكفل بكل
شيء اهم شيء يتزووج ( وسلامتكم )
*****************
ادري انها صارت قصه ماهي سالفه حبينا نشاركم بالسالفه هذي اتمنى انها تعجبكم او على الاقل تكتشفون مدى
الصدق بين الزملاء او الاصدقاء واعذرووني اذا ذكرت الفاظ ماتليق بمستواكم لكن السالفه تحتم علي اذكر كل
شيء فيهااا
اخوكم مـ..بـ..عـ..ثــ..ــر [/align]
مواقع النشر (المفضلة)