لاتنشدين يالبيه يابومنيف

**كحيــــلان** · 24-06-2011, 02:40 PM

،

لاتنشدين الغصن وش فيه يداوي
مليت اجاوب كل من صاح نشاد

هاذي مواري علتي والبلاوي
وهاذي مواري دمعتي حزن وحداد

هاذي جروح مبطيه يا مضاوي
دايم عليها تنزف جروح اجداد

جرح عطيب وازرق الدمع كاوي
وليل الشقاء يضرب على خافق باد

جرح الزمن اصبح لقلبي مخاوي
مثل الرفيق اللي عن الدرب ماحاد

اسير قلبي في همومه شقاوي
كني سحين سيق للموت منقاد

لاعاد له ضحك ولاله غناوي
ولاله مع العالم تباشر واعياد

بين الضلوع يجر صوته خلاوي
يغني جروحه شقى هم وسهاد

،

كل الود:25ar:

**Alameer’’..** · 24-06-2011, 08:34 PM

كحيلآن

شكرآ لك من القلب على الابيات

صح لسان شاعرهآ

تسلم على النقل المميز

مع التحيه :25ar:

**أميره الكل** · 06-07-2011, 11:16 PM

ماأروع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده .

**لهفة الخاطر** · 08-07-2011, 12:39 AM

كلمات اعجبتني من الصميم :24ar:

الموضوع: لاتنشدين يالبيه يابومنيف