[align=center][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبيك في كلمةٍ لو هي خطا تغفر لـي الزلـه=
وردتك ظاميٍ وان عز وصلك بااقطع حبالـي
أحبك ذا ترى أول كلامـي .. وآخـره كلـه=
ولكن وش يضر اليوم لو تدري عن احوالي
وخذ ما جاز لك من هالحكي واللي تبي خلـه=
انا لا قلت ما في خاطـري والله مـا بالـي
ظلال العاشق جروحه ومن ما يتبعـه ظلـه=
أمانة يا شعاع الشمس لا تغضب من ظلالـي
وتقدر تطوي الدرب البعيـد وتقـدر تفّلـه=
ولكن صعب تمنع في الهوى صبري وترحالي
وتقدر تغمد السيف الرهيف وتقـدر تسلّـه=
ولكن عنـد خـلاّق البريـة علـم الأجالـي
متى عمرك سمعت بعاشق قد مات من غلّـه=
هذاك الحاسد وراعي الهوى تتلفـه الأمالـي
حبيبي من يعزك في الهوى ما تقـدر تذلـه=
ترى قربك يزيدك بالغلا وان عفتني غالـي[/poem][/align]
[align=center]للشاعر // بدر بن عبد المحسن[/align]
مواقع النشر (المفضلة)