هنا انا و هناك انا .. اجل انا وين ؟

[باك..]

العن ابو النت على من ورد النت على بيل قيتس اللي متكي في بيته و يعد الدراهم من ظهورنا << اللي يسمعك يقول مايستخدم النت الا انت و جهك

لو بيل قيتس داري عن وضع النت و عن انه راح يكون مرتع لمصالة و السماجة في يوم من الايام لقتل زميلة في الغرفة قبل لا يسرق فكرته (اللي هي النت)
تسذا اغلب الافلام ان خوية اللي في غرفتة يسرق افكارة و ابحاثة و ينسبها لنفسة
يلعن ابو الزمالة ياناس و يلعن ابو هيك بشر جاحدة لرابط الصداقة
حتى ان هالايام يقولون ان رابط الصداقة ماتفتحة الا ببروكسي

على طاري الصداقة (خششها بالغصب ) مدري انا اللي بس ملاحظ و الا الكل ملاحظ ان النت هالايام ماعاد يوكل عيش زي اول ...
اول ندخل النت على شان نستانس و نقابل اصدقائنا الانترنتية و نفل امها طهبلة و همنا الضحكة
و اليوم صار النت ضيقة صدر و ملعنت خير و تدخل على شان تتهاوش و تكدر على نفسك ثم تطلع و انت تلعن الساعة اللي شريت فيها لاب توب و الا حتى جهاز مكتبي

يا اخوان انا قاعد افكر اني احذف برامج متصفحات النت من جهازي و اقضيها افلام

حتى الاصدقاء الانترنتية تغيروا ماعادهم مثل اول (ماتلاحظون اني ماسك على ايام اول ) ذيك الايام كانوا اصدقاء بحق و حقيقة و الحين صاروا بتوع مصالح
يعني تبي مني شي اجل انا ابي منك شي و كل شي عن شي الا صدق وش هو هالشي ؟

حتى ايام اول تغيرت ماعاد هي مثل ايامنا الحين ..
قبل براد و هبوبن تهبهب عليك من كل جهه ماتدري وين تلقي يم البراد
و الحين قلبت علينا الايام و صارت سمومن شابة ماغير تشويك شوي مابقاء الا نتعلق في اصياخ

حتى انا تغيرت عن ايام اول ...
قبل كنت توني كتكوت صغير و مقبل على الحياة بوجه بشوش و ابتسامة تعلوا محياي
و الحين بادي اصير حقير صغير و ملكع و فاهم كل شي ... المشكلة مهيب هنا ليتني اوقف عند هالحد ...
مير انا قاعدن احس اني اتطور (يعني زيي زي البوكيمونات )

وش السالفة ياقدعان هو احنا اللي نتغير ؟ و الا الزمان اللي يتغير ؟ و الا صدق اننا بوكيمونات ..!

كتبة باك في لحظة تغير و تتطور (و الله يستر من القادم)

لكسر الخمول هنا فقط لا غير

[بهواك انا]

واللة موضوعك فرفووووووووووش درجة اووول ابدعت بححححححق.
ووكلامك صحيييييييح ووجناااااااااااااااااااااان
تسلم ضحكت سني.. جعل الفرحة ماتفارقك

[merci]

زيييييييين زيييييييييين
فيه أحد يحس إحسآسي
ياخي تصدق الحين أخش النت بس أشيك ع المنتديات أجلس أتنح فيها ونادر جداً ما أحصل شيء يستحق أرد عليه
مدري هو أنا صرت سآمجه أو الناس صآروآ سآمجين
لا جد والله يعني من أول لادخل علي أحد وأنا ع النت يتحمد ربه ع العافية طول الوقت أكركر وأضحك وهبال الحين معقدتن هـ الحجان وأطالع بـ تناحه
حتىآ صداقات النت الحين واحد بـ الميه تحصل صداقة تفتح النفس
لعنبو بليس وش بلآ الناس صآرت تسذا..؟!
حتىآ شغلة اللكاعه ياشيخ
قسسسسسسم بالله أحس إن النت حطم أبو البراءة اللي أنا فيها
لعنبو بليس غديت خبره في كل ماهو ممنوع ومحرم
أحياناً يسولفون أخواني بـ سالفة وأنط أشارك معاهم والسالفة سالفة عيال بحته ألاحظ إن أخواني يناظرون أمي ولسان حالهم يقول ماودتس تاخذينها تكشفين هي بنت صدز ولا فيها تشوهات
الوكاد..
خلك مثلي الحين أشبك النت عشان أحمل أفلام والمسن أوف لاين ألين ألقىآ أحدن يجوز لي
وخذ لك فرة ع المنتديات كانك صحيت والفلم باقي فيه ماتحمل شي
الوكاد..
أنا أفدىآ اللي أخترع صورتك الرمزية بدونه مدري وش بنسوي
برب تحملت حلقة سوبر ناترول الجديدة

[أميـ الورد ـرة]

ههههههههه
هاي بوكيمون في اي مرحلة انت واي نوع
حسستني انك من زمن جدتي
اسلوب رائع و كلمات غاية في الرقي << فاهمة غلط

[فيرست ليدي]

وين انت ماهي مثل وين انت دايم
وين انت هالمرهـ عن الفـين وين انت<<شطحححه

مدري بس كل اللي اقوله ان كلامك صحيح ميه بالميه وتستاهل الفايف ستآآزر