بسم الله الرحمن الرحيم
السلام عليكم ورحمة الله وبركاته 000 $222
اخواني اخواتي تعرفون ان اسمى شي في الحياه الصداقه ومافي احد منا ماعنده صديق
واللي ماعنده صديق اكيد انسان غير سوي
ببتدي بموضوعي واسال الله ثم منكم تعينوني
انا لي عدة صديقات من داخل وخارج المملكه بس لي صديقه اعتبرها صديقتي الصدوق
احنا قريبات بس من بعيد طبعا صداقتنا ابتدت من ايام الطفوله من كنا في ثالث ابتدائي
طبعا عمر الحين هي تخرجت من الجامعه وتوظفت وانا بحكم الظروف ماكملت دراستي
كانت تربطنا علاقة صداقه نادره في هالايام الكل كان يحسدنا عليها من اهلي واهلها والمقربات
كنا مثل مايقولون روح في جسدين نسافر مع بعض بعض الاحيان ونتسوق مع بعض وكنا نشتري
اغراضنا مثل بعض حتى الاكل ناكل مثل بعض طووول هالسنين عمرنا مازعلنا بعض او اختلفنا
على اي شي المهم السنه اللي فاتت 1428 شهر ذي القعده اختلفنا ولاول مره في تاريخ صداقتنا
لاني انا عصبيه جدا جدا قلت لها كل وحده منا تروح بطريقها اللي بيني وبينج انتهى
للعلم اني عصبيه الا اني عمري مازعلتها
طبعا هي زعلت وصارت ماتكلمني ونا بعد بس انا فقدتها وقلت لازم ارجع لها لان هي الصديقه المقربه
لي بعد شهرين من هالمشكله امها صارت مريضه وتنومت بالمستشفى يوم سمعت اتصلت بصديقتي اطمئن على امها وكلمتني عادي وطمنتني على امها وبعدها امها سوت عمليه وقلت فرصه عشان ارجع المياه لمجاريها مثل مايقولون يوم طلعت امها من المستشفى رحت لبيتهم بس للاسف صديقتي استقبلتني استقبااال بارد جدا وكنها اول مره تشوفني لدرجة اني ماتحملت سلمت على امها وجلست شوي وانا مقهوره وعقبها مشيت على طووول وسوت امها عمليه ثانيه ورجعت اتصل ردت علي وطمنتني ان امها بخير وبعدها صرت اتصل عشان اطمن اكثر بس صارت ماترد علي نهائيا خفت عشان مااسيئ الظن قلت لايكون لاقدر الله صار لامها شي اتصلت في اختها قالت امي بخير وطلعت من المستشفى انقهرت بس طوفت الموضوع بعدها بفتره اختها قالت لي اختي سافرت لمكه
قالت انا دامها سافرت لبيت الله اكيد قلبها بيصفى من ناحيتي وكنا طبعا السنه اللي قبلها مسافرين مكه انا وهي رسلت لها مسج اسلم عليها وانها تنتبه لنفسها وانها اكيد بتذكرني هناك لاكن للاسف ماشفت اي رد منها هم بعد عذرتها وقلت يمكن ماعندها رصيد او او او الخ بس لاسف ماشفت اي رد
طوفت هالموضوع ومن القهر عاهدت نفسي على قران اني ما ارسل ولا ادق مهما كانت ظروفها
بعدها في رمضان رسلت لي رسالة تهنئه ورديت عليها برساله قاسيه قلت لها انتي لو انسانه تقدرين الصداقه وعندج قلب كان رديتي على رسالتي وانتي في بيت الله لو سمحتي انسى رقمي نهائيا
بعدها هي بتسافر للحج ورسلت لي رساله تسلم علي وتطلب الحل وفرحت لها و وكتبت لها كلام حلو وان شاء الله حج مقبول واني انا بعد بسافر الحج توقعت ترسل تسلم علي بس لاسف ماشفت رد
المهم في كل هالاوقات كانو خواتها المتزوجات يتصلون علي يوم يرحون عندها هناك وياخذون اخباري مره قبل فتره قلت لاختها انا بجي بزوركم وفرحو قلت فعلا راح ازورهم واكسر الحاجز
بس الليله اللي قلت بروح فيها صارت لي ظروف وماقدرت يوم ثاني شفت اتصال لصديقتي نفسها وطرت من الفرح دقيت عليها قلت انتي متصله قالت ايه احنا كنا نتمشا وشفت سياره مثل سيارتكم وقلت ابيج تجين تجلسين عندنا والبارح انتظرناج وماجيتي قلت لها ظروفي بس الجايات اكثر
بعدها قفلت لا اهي اتصلت ولا انا اتصلت بعدها باسبوع صارت حفلة خطوبه لاخوي اتصلت فيها شخصيا اعزمها ردت علي وقالت انا نايمه بالمستشفى مع ولد اختي قلت لها مايشوف شر وجلست اسولف معاها نصف ساعه بعدها قلت لها بكلمج بكره او انتي كلميني يوم ثاني ماشفت اي اتصال لها
دقيت عليها كذا مره ماردت خفت ان الولد صار له شي لاقدر الله دقيت على اختها ام الولد قالت الولد بخير وهي طلعت من المستشفى انقهررت وربي لدرجة اني بكيت بكى حار حسيت دموعي حرقت وجهي والحين احس نفسيتي تعبانه جدا بسسببها
ابي اعرف ؟؟؟؟؟؟
ليش تتعامل معي بالطريقه هاذي
هي تلعب باعصابي ومشاعري ولا هي مريضه نفسيا
اذا هي بعدها زعلانه ليش مرات تكلمني ومرات تسحب علي وكنها ماتعرفني انا حاولت بشتى الطرق ارجع صداقتنا لاني من النوع اللي ماينكر العشره ابد سوء التفاهم اللي بينا كشف لي قناعها طول هالسنوات ماكنت اتوقع انها حقوده وقلبها قاسي للدرجه ذي معقوله في بشر كذا
معقوله في قلوب ماتعرف الحنيه وتنسى العيش والملح والعشره بكل بسااطه
تكفووون عطوني حل مع هالبنت هاذي محتاره بامري انا ؟؟؟؟؟؟؟؟؟؟
ملاحظه ؟؟؟؟
ترى زعلنا على سبب تافه يعني لا انا سبيتها ولاجرحت مشاعرها بس ماتوقعت اني اكون غبيه طول هالسنين ولا اعرف الانسانه اللي انا مصادقتها ؟؟؟؟؟؟
انا اسفه طولت عليكم بس دخيل الله اللي يقراء موضوعي يقولي حل شنو اسوي لو تردون علي باختصار 0000
لكم مني ارق التحايا واسمحو لي 000 $222
مواقع النشر (المفضلة)