الدمع حبر القلم وإحساسي حروفه
..........اكتب ولا أحدٍ سوى أوراقي يواسيني
غريب وقتي ويامغرب اصدوفه
....................أيام أضحك بها وأيام تبكيني
ياما تحملت هم الحب وجحوفه
........وياما جرحني الهوى وأعطب شراييني
ياسيد الناس يامن زادت وصوفه
............ياعمري اللي مضى يامقبل سنيني
وراك تبخل علي بالطل والشوفه
............ومن أول أعطيك حبي وأنت تعطيني
تعال يمي وخل البعد لظروفه
...................لاعاش حب يفرق بينك وبيني
نعيش ليل الهوى وتزفنا دفوفه
........وأطوي عذاب السنين وتشوفك العيني
مواقع النشر (المفضلة)