من المجالس , الشوارع , الأسواق , العمل , المدارس والجامعات , الإنترنت , المناسبـات العامه , ومن الأخبار والمواقف الي نسمعها وتصير لنــا < ( بسبب الأشياء الي مرت إسترجلت كتابة الموضوع )
بكل امانــه وصراحــه مجتمع صعب يوصف أو بمعنى أصح ( ماعرفنا له ملــه )
حتى أثبت لكم بعطيكم أمثلــه < اعتبروها هي المقدمه والخاتمه والزبده :
وبعدها اكيد المجــال كلــه لكم ولأفكاركم im3
/
_تجلس مع شخص يناقشك ويتكلم معك بكل حماس ان الي يجيب سواق لأهله مو رجــال وان فيه وفيه .. إلخ
وبعد فتره تلقى نفس صاحب الكلام جايب سواق ومخليه يودي محارمه ومن دون اي محرم .
^
( يعني هو وأهله منزهيين ولا وش السالفه بالضبط )
_ شخص ثــاني يطعن بأي بنت تلبس على الكتف ولا من العبايات الجديده وان الي تلبسها(مو متربيه) ويحط كل شي على أهلهم الي رضوا ان بناتهم يلبسون كذا.
واذا احد صادفه بالسوق قام يتصدد عنــه ( لأن اخته او زوجته لبسها أخس من الي جالس يتكلم عليـه )
^
( هذي الرجوله )
_ شـاب يتكلم بكل تقيه بالإنترنت (عيب .. حرام .. مايجوز ) ينصح ظاهرياً البنات ويحذرهم من ( الذئاب البشريه im22 ) ويسب بالعلمانيه والليبراليه ودعاة تحرير المراه
وهـو ماتواجد ولا جــا إلا عشــان يشبك مع وحــده.
^
حلال لــــه ولا هو تشبيكه مباح im22
_ موظف يكون مع خويــاه عــادي يضحك ويسولف ويسب برئيسه انه يتصيد اخطائه هو وخويــاه
دارت الأيام وصار هو ( الرئيس ) وصار يستقعد لخويــاه بالأشياء الي يعرفها وكان يسويها معهم.
^
بدون تعليق هذا .
_ زوجـه تتكلم على كل وحده تضغط على زوجهــا بالطلبــات أو ماتعطيه اهتمام زي اهتمامها بنفسها أو عيالــها
وهي مخليه المسكين ياخذ بدل القرض عشر قرووض وكـل وقتهـا عزايم وأسواق.
^
( نقدر نقول يستاهل )
_ أحد فئات المجتمع مسوين انــهم هم الرجال وهم بس الي عندهم ( المرجله ) يهايطون بينهم وانهم قبيليين وسلوم وعادات واصل ويسبون اي احد غيرهم من ناحية تربيه واخلاق.
تلقى أحد عيالهم بالإستراحات ( شكشكه ) والثاني مبهدل خلق الله وماخلا احد ماتمشكل معه.
^
( هذي مرجلتــهم )
_ داشر راعي تفحيــط ومشــاكل ماخلا شي ماجربــه .. مل مـن كل شي جوه اثنين قالوا له كلمتين:
شوي الا وتسمع انه صار بالهيئـــه.
^
( مااقدر اقول شي ) im3
_ فئات كثيره من المجتمع تمنع ان الحرمــه تشتــغل بسوق نسائي وانــه بدايه لشي كبير.
ونفس المجموعه محارمهــم يشترون ( ملابس داخليه ) من سوري ولا هندي او لبناني.
^
( حرام الحريم بينهم وحلال رجال يعطي الحرمه على مقاس .... )
_ مواطن ينصح الناس بالسياحه الداخليـــه وانـها زينه لهم ولأهاليــهم.
واذا جت اجازته قش عفشه وسافر برى هو وأهلـــه.
_ مـواطن يسب بالحكومه وانه مقصره مع انه مو محتــاج مادياً ولحم كتوفه منهم.
ثاني يوم ماسك سرى بمعروض ( سلف ).
_ مسؤول ضد الواســـطه بكل انواعهــا ويتمنى انها تنتهي حتى كل واحد تصير له فرصه.
هو كل ماخلا أحد من معارفه إلا وسكــب اموره.
_ مطوع يدعو للبر بالوالديـــن ودايم يحرص النـــاس ويذكــرهم جزاه الله خيــر.
وأمــه المسكينـــه تتمنى تشوفه لو مره وحده بس بالإسبوع.
^
( مشغول جزاه الله خير مع الإخوان )
/
اشيــاء كثيره غريبه وعجيبه نشوفها بمجتمعنــا السعــودي
والأمثله أكثر من كذا ولو بكتبها كلها يبي لي صفحـات كثيره.
يعني وبكل أمانه مو مجتمع متنــاقض !!
يكفي ان نفس المجتمع فيه كذا مسمى ( مطوع .. داشر .. عاقل .. علماني .. متخلف .. بدوي .. متشدد .. متفتح .. صوفي .. بزرنجي .. بناتي .. بويه .. خكري .. إلخ من المسيمات )
اي احد تجيه يعدد لك الي فوق .. طبعاً هو طالع منـها ع اساس أنـه ملاك يعني.
/
أخيراً:
يهمني انه يوصلـكم ان الموضوع بعيد بإذن الله عن التعميم .
وأكيــد أستمتع بمناقشتكم مؤيدين أو معارضيــن.
المـــايك لــكم
$222
مواقع النشر (المفضلة)