اللـيـل راح
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
{الـلـيـل راح}
الليل راح أولابقاغـيرساعه=وأناعـلى مـركاي مـركـوزكـوعي
كوعي عـلى مركاي راكز إذ راعه=في مقعـدي مافـيه عـندي إربوعي
غـيرالسهـروالهـم مابه جماعه=وحـيـد لوإني إبوسـط الجموعي
سهـران في ليل عـلي طال باعه=وأناقـصرعـن كل مـقـصود بوعي
الليل يجـبرني وأنا أقـول طاعه=طاوعـت سهـرالليل ماهـوإبطـوعي
مـن حـرماقاسـيت مابي مـناعه=غـبن أوحـسايرفي محاني إظلوعي
أصارع العـبرات والـقـلـب لاعه=طاري غـلا ه اللي طـراله يلوعي
روح بها للحـب شـوق أولاعه=مـن فـقـد خـلي صارقـلبي ولوعي
قـلب الولع ياسعـود غاد ي رعاعه=يـصـفـق ضميره واختـلف كل نوعي
أخلف إظنونه وأمـحـل الود قاعه=ماأسـقاه مـظـمي خافـقي بالوجوعي
أوجع إفـوادي مـن عـن الشـف صاعه=صوع القـنص للريم بأرض إقـطوعي
يوم إلفـقـوه إبخد سرمد صعاعه=قـطع الخلا ماد وجتبه إنجوعي
فـيه السراب إيغـرلامع شعاعه=بيد سباريت خوالي إصقـوعي
بيد سـرامـيد تقانب إسـباعه=تيهة غلا يه فـيه تمت إسـبوعي
بين الحزن والهم راحت مـياعه=روح عـلى جمرالظليمه تموعي
ماعـت أوذابت مانفعـنه إظلاعه=هـد ف المحاني رايحات إمشوعي
يد قهـن قلب شد يد إلتياعه=خلا ه يصفـق ود خـل قـطوعي
صفـق الرعـد بالمـزن لجة إقـراعه=مـن لجـته خطرعـليه الوقـوعي
ياقـلب مابك عـقـب هـذي طماعه=فارقـت مشهاتك أولا بك إطموعي
خـلك عـلى مافـيك مابك نفاعه=راحـت عـليك أوخـبت مابك إنفـوعي
راح الوليف أبعـد صعـيب إرجاعه=إسمع أوخلك للنصايح سموعي
إسمع كلا مي واستمع بالوقاعه=خلك فهيم أوخوذ مني إطبوعي
طبعي صبورأوكل مابي قـناعه=أقـنع لوإنك ماأنت منهم قـنوعي
مركـب غـرام الشوق يقـبع إشـراعه=فـيه المشاعـربالخـيانه إشروعي
خان الغلا خلي أوبالرخص باعه=حـرج عـليه اللي إبرايه خـنوعي
باع الوداد أولا قـبل به شفاعه=لواخساره مايبيلي إشفـوعي
ماتنفع الغـيضات واللا الجزاعه=مادام بياع المود ه جـزوعي
ياهـيه ياللي فـيك طبع الخلاعه=مع السلا مه لا تعـود إرجوعي
أشهد شهادة ه فـيك فـن أوبراعه=في خونة إعهودك شجاع بتوعي
ليلي قـضى ماباقي غـيرساعه=وأناعـلى مـركاي مركـوزكـوعي
{ناصرالجابر}
[/poem]
رد مع اقتباس
مواقع النشر (المفضلة)