::
::
::
صباح / مساء الخير
لقلوبكم النقيه معانقه جديده
هكذا اتت دون تصنّع او تكلّف
اتمنى ان ترتقي الى مستوى الذائقه
.
.
.
.
.
.
.
[poem=font="Simplified Arabic,5,darkblue,normal,normal" bkcolor="white" bkimage="" border="double,9,black" type=2 line=0 align=center use=ex num="0,black"]
نزفـت حبـر القلـم فـي اوراق مسـودّه = حتـى خيـال الفكـر بالحـرف يمطربـي
وايقـظ سكـون القلـم واستخـدم الشَـدّه = عـلّ الحـروف إتعـذر ماهـي تعذّربـي
على عروض وبحـر ماهـو بحـر جـدّه = احسّ بـه فـي ضلوعـي قبـل يشعربـي
اسمع كـلام الهـوى والزيـن لـي مـدّه = وانا بعيد(ن) عنـه فـي سلمـي وحربـي
الين شفـت الجمـال اللـي وصـل حـدّه = عنده يقف كـل هـرج(ن) ينفـخ الذربـي
واذكـر قصـور الحـلا وتصيـر منهـدّه = ويضيع دونه حسـاب الجمـع والضربـي
كـل الـدروب // لغـلاه إتجيـه منحـدّه = من دون زينـه تسـاوى البعـد والقربـي
مالـوم كـل الحـروف ان جتـه منهـدّه = ومالوم حلو السهـر لـو طـال ساهربـي
على الذي صارخ(ن)في الزيـن مـن قـدّه = دستور يالساحـل الشرقـي مـع الغربـي
من زود غنجه يضيـع المـزح مـع جـدّه = كـنّ الغنـج والتدلّـع // يشربـه شربـي
الزين لـه بـس // غيـره جانـب القـدّه = كيف القماري تجي مع جانـب الخربـي ؟؟
ماهو سنا الشمس تشرق من طـرف خـدّه = الاّ // غشا الليل نفحـة ضـو واجهربـي
والموت في العيـن يذبحنـي مـن اللـدّه = اذا نظرني // يضيـع العقـل مـع دربـي
اجمع وصوف الحـلا وتضيـع فـي سـدّه = تلومنـي فـي جمالـك// يـوم هستربـي
ماقول هو صعب بـس الصعـب فـي ودّه = شبّيت نـار الغـلا // والشـوق جمّربـي
دفـاع قلبـي // كسـر هجمـات مرتـدّه = بالخطّه اللـي // تكسّـب قمّـة الديربـي
قدّيت ثوب الهـوى واسرفـت فـي قـدّه = وان لاح سرب(ن) على الآفاق من سربي!!
اذكر جنون(ن) وعقـل(ن) راح فـي يـدّه = واذكر جمال(ن) رفعنـي // ثـم دحدربـي
البحر معروف // في جـزره وفـي مـدّه = ومجداف نبضي و شوقـي لـك تكسّربـي
صون الولـه والغـلا مـع باقـي العـدّه = باقي امور الهوى // تجـي مـع القربـي
وان كنت يازين ناوي لـي علـى الصـدّه = الله يرحم ابـوك /// تحـلّ عـن دربـي [/poem]
وسلامتكم
نواف المطيري
2 / 1 / 1427 هــ
مواقع النشر (المفضلة)