أولا اهني جميع الفائزين في مهرجان إم إرقيبه
..
هنا متواضعه بمناسبة فوز إبل سعد بن غازي العضياني
أتمنى قبولها ولو بقليل ...
:
:
[poem=font="Simplified Arabic,6,darkblue,normal,normal" bkcolor="transparent" bkimage="backgrounds/40.gif" border="double,4,gray" type=1 line=0 align=center use=ex num="0,black"]
مبروك يابو سلطان فوز المغاتير=عفرن عليها من يسار العمودي
عفرن ليا جت فالمزاين جنت خير=تستاهل التتويج ولابه نشودي
من موتري مريتها حزة عصير=وقامت على راسي تزاحم ردودي
في وصفها تحتار كل المعايير= ما ظن من وصفي عليكم باجودي
لكن .. على درب المناعير بسير=وكل الوصايف من حلاها شهودي
عفرن سنود الراس هزعا أباهير=جرد الرقاب اللي طوال وسنودي
طوال الغوارب والاذاني مواخير=وساع النحور وزاهيات الخدودي
حرش(ن) وبرها اللي عليها مداوير=رثم الخشوم ولا لحقها نقودي
يازين مرتعهن في خايعن غير= قفرن خلا ماجاه واطي وذودي
لا جاك من نجد المسمى تباشير=من باكر الوسمي عليها يعودي
جعل السحاب اللي مزونه مزابير=اللي خياله شاهد(ن) له رعودي
يسقي لنا جرد الفياض المفاقير=يروي سهلها والهضب والنفودي
وتشوف من نبته زهور ونواوير=وعود النفل تلعب عليه الورودي
وينزاح همك لانويت المشاوير=من فوق جيب(ن) صانعينه يهودي
إمن البريمي تو جابوه تصدير=وارد خليجي نازح(ن) للسعودي
إي والله العضيان من دون تقصير=وباقي عتيبه ماعليهم بزودي
ربعي هل الطالات وقت المعاسير=رجالهم في موقفه له صمودي
لارفرف البيرق قدم الطوابير=شجعان خلقه فالمواقف إسودي
فينا جروه مانهاب المخاسير=الشاهد الله مانحب البرودي
وفينا على خوض المعارك مناعير=ولنا على رقي المراجل صعودي
الضيف والطرقي لاجونا مسايير=نطرب لهم ونحط كبش وقعودي
والنار مشبوبه وتصلى المباهير=وعود الغضى تصلاه نار الجدودي
فعلك ينومس ياأبيض الوجه بالخير=ولا له على باقي عتيبه جحودي
وختامها مني تحيه وتقدير=إعداد ماهبت ذعاذيع نودي[/poem]
/
\
/
رفاع بن سعود
:
:
:
:
مواقع النشر (المفضلة)