على نيتـــــــه قلبـــــي!!
[align=center]
قصيده مختاره
بصدق مشاعرها
وحسن ترتيب أبياتها
وشاعرها الذي لا أعرفه
فتعلو معي لنستمع لما قاله
* * *
جرى الهم بعروق المعذب من الحرمـان
جرى الهم ياويلـه مـن الهـم بعروقـه
من اللي يثمـن ياهـوى حرقـة الفنـان
تضيق الصحارى في سما من فقد شوقـه
ذليل الهوى طير(ن) وهبه الولي جنحـان
تمره رياح الغـدر تسـرق لـه سبوقـه
وعليل الجفا مسروق نومه من الاجفـان
تصور قليـل النـوم والكبـد محروقـه
نهاره دجى والليل مـادار بـا الحسبـان
لو انه عمى ما لاعـه الحـب وطروقـه
ولا شاف عذرا(ن) طبعها الغدر والنكران
يذوق العنا من يسكن الغيـد فـي موقـه
تصون الهوى مده لمـا تكثـر الخـلان
تغير على كيفـه وش الحـب وحقوقـه
كثير العذارى يعجبه بـا الفتـى شيئـان
جمالـه ومالـه لا طباعـه ولا ذوقــه
يحاكن بعضهن عن مدى حسنـه الفتـان
تغنـى بشكلـه لـو جرحهـا بمنطوقـه
تبي من يطرز له خيوط الذهـب فستـان
مديله غريب وشـرط ماهـي بمسبوقـه
ويجلب لها الالماس من قاصـي البلـدان
لجل تصبح بعيـن الصديقـات مرموقـه
على نيته قلبـي يحسـب انـه الغلطـان
تحمل عذاب وغـدر وجـروح مفتوقـه
تصور بان الغيد زهـرات فـي بستـان
يحاكن خيوط الشمس في حـزة شروقـه
مليئات با الاحسـاس منطوقهـن الحـان
لهن روح في شرع الهوى دووم مسروقه
يحبن بكل اخـلاص ويعاملـن باحسـان
يعشقن جمال الروح مـا يهتـون بوقـه
جمال المحـب بالوفـا معشـر الخـلان
بدون الوفا خسـران عاشـق ومعشوقـه
محبه بدون اخلاص جنـه بـلا سكـان
تمايل غصونه تبكي الورق مـن فوقـه
وسلامتكم
تحياتي
\
/
\
/
\
/
\
ألأعماق
[/align]
رد مع اقتباس
مواقع النشر (المفضلة)