ايش الحل في نظركم
color=#0000FF]6]السلام عليكم ورحمة الله وبركاته 00
بما انه الاداره اشترطت ان المواضيع مستقبلا تكون من هموم ومشاكل الاعضاء
انا حبيت اطرح مشكلتي عسى القى لها حل وبصراحه بادره طيبه من الاداره اللي اقدمت على هالخطوه على الاقل تكون مشاكلنا وهمومنا قريبه من بعض ومن واقع حياتنا اليوميه
ببداء بقصتي بس اتمنى الاقي ردود وحلول تكون صائبه مافيها اي تهور
مشكلتي هي 000
احنا ساكنين في بنايه والبنايه تتكون من ثلاث ادوار وكل الناس اللي فيها ناس محترمه وعوائل معروفه ماعليهم اي كلام ولا فيهم اي عيب دايما عايشين كن احنا في بيت واحد محد يقصر عن جاره ونتبادل الاحترام وكل الود للجار اللي رسولنا عليه افضل الصلاة والسلام وصانا عليه
المهم احنا ساكنين بالدور الثالث
وفي لنا جيران بدور الثاني احنا ساكنين قبلهم بثلاث سنوات وهم صار لهم سنتين
ماعمرنا شفنا منهم اي سوء بس في يوم وانا نازله من البنايه على الدرج وبحكم ان البنايه هادئه
والكل فيها محترم انا نزلت وماكنت متغطيه لان نادر جدا جدا نلاقي جار بالصدفه على الدرج
انا في يوم نزلت وفي اااخر الدرج لقيت جارنا اللي بالدور الثاني لمحني ونا كنت رافعه الغطى
انا استحيت وبسرعه تغطيت وخاصه ان جارنا هذا انسان ملتزم ومتدين حتى دار براسي شنو بيقول
عني وخاصه انه انسان ملتزم ومتدين وصرت اتجنب ان هالخطاء مايتكرر المهم
من يومها هالجار صار يتصل على بيتنا ويتحجج بي شي يعني يبي الوالد او يبون يستعيرون شي من
عندنا طبعا احنا بيتنا واحد ومافيه فرق ابد وصار الرجال بين يوم ويوم يتصل على الثابت يتحجج بي
شي او انه يضرب جرس الانتر فون واحيانا انا ارد لان مانخلي الشغاله ترد وحتى بالانتر فون صار
يحاول يطول بالكلام ونفس الشي على الثابت طبعا انا اكلمه رسمي جدا وبختصار ومااعطيه اي مجال
الحين انا مندهشه ومستغربه شلون جذي وليش هالتصرفات ادناها الليله اتصل على الثابت وماكان
فيه غيري انا والشغاله وحجته هالمره يبي مفتاح السطوح والسطوح طبعا لسكان البنايه لاي غرض ي
يحتاجونه قلت له انا راح ارسل الشغاله تعطيك اياه وقفلت الخط
يعني برايكم شنو اسوي اخبر زوجته صعبه وراح يكون فيها شكوك وخراب بيوت
اقول لاهلي هم بعد محتاره واخاف تصير مشاكل الجميع بغنى عنها
والله ماني عارفه شلون اتصرف لدرجة صرت اتجنب ارد على التلفون والانتر فون
بسببه ابي رايكم ومشورتكم لاني والله محتاره وليش رجال متدين تطلع منه هالاشياء
معقوله صار التدين ستارللافعال البطاله ؟؟؟؟؟؟؟؟
وسؤالي هو ؟؟؟
1- اخبر زوجته
2 اخبر اهلي
3 ولاا اتجنب الرد على اي جهاز
4- ولا اوقفه عند حده وشنو اقوله
اسفه طولت عليكم بس فعلا محتاجه مشورتكم 00$222[/color]
تحياتي لكم جميعا $222
مواقع النشر (المفضلة)