بسم الله نبدأ
الطريقة والمقادير مع بعض ~
أولا مقادير خليط الكيك
كوب دقيق + نص كوب كاكاو بودره مره + ملعقة صغيره بكنج باودر + ملعقة صغيره ملح
ثلاث أرباع اصبع زبدة بحرارة الغرفه + ثلاث أرباع كوب سكر
بيضة + ثلثين كوب حليب سايل بدرجة حرارة الغرفه
* اخلطي >> (الدقيق + الكاكاو البودره + الملح + البكنج باودر) وخليهم على جنب
* في خلاط الكيك >> اخلطي الزبدة + السكر >> مدة دقيقة او حتى يبهت لونهم
>> بعدين اضيفي البيضة واخلطي حتى يتجانسون
* اضيفي عليهم نص كمية خليط الدقيق واخلطيهم زين >> بعدين اضيفي الحليب السايل
وإذا اختطلوا كلهم >> اضيفي باقي مقدار خليط الدقيق واخلطيهم سوا واتركيهم على جنب
وهذي بعد ماخلطناهم كلهم مع بعض
ثانيا الحشوة ~
100 جم جبنة فيلادلفيا + 2 ملعقة كبيرة سكر بودره + فانيليا سايلة أو بودره + 2 ملعقة كبيره شوكلاته غامقة مقطعه قطع صغيرة >> مو تبشرينها لا قطعيها بالسكين لقطع صغيره مررا
وأنا استخدمت الشوكلاته الخام
* نخلط مقادير الحشوة كلها مع بعض حتى تروح كتل الجبنة
* في اوراق الكب كيك >> حطي شوي من خليط الكيك بعدين حطي تقريبا ملعقة من الحشوة
بعدين خليط الكيك
وكل ماكثرتي من الحشوة تصير احلى
* دخليها الفرن لمدة 20 دقيقة .. مايحتاج اكثر
ثالثا الجاناش ~
100 جم شوكولاتة خام ومقطعة صغار
نص كوب كريمة خفق
نص ملعقة صغيرة نسكافية
* سخني كريمة الخفق حتى تقارب الغليان ثم ارفعيها من النار >> واضيفي الشوكولاته الخام والنسكافيه >> وحركيهم سوا حتى يذوبون بالكريمة واتركيها تبرد شوي عشان يثقل الخليط
* وصبي الخليط على الكب كيك وزينيه باللي تحبين
أنا هنا زينته بالفراوله الطبيعية ولك حرية الاختيار في التزيين ..
وهذا الشكل النهائي
.
.
.
مواقع النشر (المفضلة)