كل عام وانتي بخير فتوونه
1 - متى بديتو الصيام وآيش هي المواقف الي صادفتكم في ذيك الفترة < أكيد بتكون فترة طفولة؟
انا بديت الصيام من اولى متوسط
وعندي موقف مع اخوي اللي اكبر مني بسنتين ولازم نصوم فمره كنا مفطرين
وحدنا يوعانين ففطرنا وأكلنا بدون محد يدري شربنا مااي بس كنا مووت يوعانين
اخذنا خبزه من الفريزر وحريناها بالكوايه
واكلنا خبز بجبن
ونقول للباقي ترانا صايمين ونسوي حركات الدوخه الصيام
2 - كيف هو شعوركم قبل الآذان بخمس دقائقوآيش هي العاده التي تقوم بها في مثل هذا الوقت تحديداً
يؤيؤ شعورنا توتر شديد بالذات اذا كنت ماخذ محاضرات وقتهم متأخر ارجع للبيت قبل الاذان بساعه واروح اوقف عند باب المطبخ واطق بايديني اقول يلا يلي داخل ضبطوا الاكل
عشان اغثهم 00
بس الحمدالله دوام الجامعات هالسنه بعد العيد ونااسه
ومن عوايدنا الحمدالله اخواني كلهم متزوجين ماعدا واحد اللي اكبر مني ابو خبزه
وكل يوم الفطور على واحد ولازم الاكل بيتنا والاحلى بعد لما يجتمعون عمامي
احس نستانس اكثر ولا بعد الغبقه عندنا واذا فليناها بالونااسه السحور بعد
يازين ذيج الايام
3 – إذكر عاده من عادتك الرمضانية سواء كانت إيجابية أو سلبية
عندي عاده ماادري احسها سلبيه وايجابيه
من عوايدي لازم اختم القرآن بأي طريقه خلال اول اسبوع الاول من رمضان
وبعدين اقراه على حسب فراغي ولا أكمله
ثانكس عالموضوع الرايق ذكرتيني باشياء
مواقع النشر (المفضلة)