جرحك وسكينك وغدرك وبلواى
أخلصت لك بالحب وخليتك أمنـاى
وحبن على شانك مقره أضلوعـى
خليتك أغلا أنسان فى عمر دنياى
ووفيتلـك يلـى تبيـن الركوعـى
واليوم طعتى كل ماقالـوا أعـداى
حتى عرفتى ماخفى فى أسبوعـى
فى سنين غبرا رافعن كف يمنـاى
وماهمنى شربى وزادى وجوعـى
والحين جيتى نادمه قصدك أرضاى
مانى على خبرك بكذبـك قنوعـى
أنا قنوع النفس والصبر مركـاى
وعزاى أقول أن الامل هو شموعى
يابنـت والله لوتعرفيـن هقـواى
ماتطلبين المعجزه فـى رجوعـى
جرحك وسكينك وغدرك وبلـواى
متخاوياتن مع بعضهن أجموعـى
أموت وأحيا ماتوسـل أفرجـواى
روحى ولك ربعك وأنا لى أربوعى
شيلى تفاكيرك وعيشـى بفرقـاى
قلبى وقاسـى ماتهـزه أضلوعـى
يابنت أنا اللى بالشدايد لى الـراى
لاقلـت الحيلـه تبيـن طلوعـى
مادام راسى عايش أتشيله أعضاى
ماهمنى قسـوه زمانـن يروعـى
أمشى على ماتطلبه جرت أخطـاى
دام الفضا واسع الاقـى أفروعـى
وقبل أنتهى ودى أذكـرك ذكـراى
بدرى على مثلك يغيـر أطبوعـى
وبدرى عليك أتغيرى رسم مبداى
وتبطين والله ماتحقـق خضوعـى
رد مع اقتباس
المشاركة الأصلية كتبت بواسطة ابوقلبين
مواقع النشر (المفضلة)