مشكلــــــــــــــــــــــــــــــــة صبــــ القهـــــــــــــــــــوة؟؟!!
مشكلة صب القهوه
السلام عليكم
هالمرة عندي مشكله نقدر نقول عنها انها مشكله اغلب البنات والعيال
ألا وهي مشكلة ( صب القهوة .. وما ادراك ماصب القهوه )
قبل لا اطرح المشكله واظهر الحقائق والخفايا واكشف الاوراقim5
خلوني اسألكم سؤال : ليش لاجونا ضيوف لازم نشربهم قهوه ؟
ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟
ليش وليش ولمازا هزا يحدس ؟؟؟؟؟
يعني تجيني امي وتقول : بعد المغرب بيجونا حريم .
اقولها : منب طالعه لهم مالي نفس .
تقووول : تراهم مهب ميتين عليك بس مين اللي بيصب القهوه ؟
يوووووووه صارت عندي حالة نفسيه من صب القهوة
لاني اذا باصب القهوة لازم اول البس وطبعا عشان البس قبلها ابلللط ساعة
قدام دالوبي اختار خلقنّه من بين خلاقيني ..
هذا غير المكياج يووووووووووه مشوااااااااااااااااااااااااااااااار im6
شي ثاني وهو اني ادخل على الحريم وانا ماسكه القهوه مدري احط القهوه
على الطاوله وادور اسلم !!!!!!
والا ادور اصب القهوة واسلم بنفس الوقت !!!!
والا ادخل اسلم بعدين اروح اجيب القهوة !!!!! :39ar:
بعدين انا مدري اصب بالدوووور من اليمين والا اروح لاكبر وحدة !!
سـألت امي هالسؤال وقلت بكل غباء : ماما اصب بالدور والا لاكبر وحدة ؟؟
وصدف ان مر أخوي وقال : صبي بالدور تدرين ليش !! عشان الحريم
كلهم صغار مايكبرون خخخخخخخخخخخ
قلتله : يعني عادي محد يقول هالبنت هبله ؟؟؟
>>>>>>>>> هالسؤال يدل على الهباله الملازمه للعقل
قال اخوي : لا .. انتي ما ينشره عليك لانك هبله ؟؟
خخخخخخخ ياحوبيله اخوي يستخف دمه >>>> يشتمها وتضحك له
نرجع لموضوعنا :39ar:
صب القهوة شي مو حلووو ات از نت نااااااايس images9
لاني اصير اطامر بين الحريم ومايمديني اخلص الا فيه وحدة خلصت فنجالها
وتأشرلي امي .. صبيلها .. يعني من جد عذاااااااااااااااااااااااااااب
هذا غير لامني صبيت لوحدة واقولها : سمي . تقول : لا مابي images9
اقول بيني وبين نفسي : هاهاها تحسبيني بأترجاك .. شربتيها والا عساك هاهاها
بس يجي صوت امي ويحطم علي متعتي واحلااامي
: ( وش بتس ماتقهويتي ؟ طيب اخر فنجال ... )
ياربييييييه .. وتجلس امي تحايل فيها وانا واقفه آكل هواء images9
( وجعن يوجعك انشالله .. مدي ايدك خوذي الفنجال والا قسمن لا اصبها عليك :confused: )
7
7
هذا انا اقوله بيني وبين نفسي :23ar:
-
والشي اللي يقهر بعد انه لاصارت وحدة تسولف
بنص السالفه تأشرلي اختي ( وحدة خلصت فنجالها قومي صبي قهوة )
اقوم انا أأشرلها بعد ( ليش ياعمتي !! وراه ماتصبينلها انتي ؟؟ )
ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل
مايضرها لو صبرت شوي .. خلاص بتموت اذا ماصبينالها على طول
لا نكون تشتغل خدم عند ابوها وانا مدري
عاد كله كوم واذا جوكم ضيوف فاضين كووووووووووووووووم
يجلسون يعزمون على بعض والله ان تاخذينه انتي لا والله انتي
طيب وانا اللي واقفه محد فكر فيني :18ar: .. والا عشان اصب القهوة صرت صفر على الشمال
اصابعي مولعه من الحرررارررة وهم جالسين يعزمزن على بعض
وقتها يجيني شعور اني ودي اصب القهوه على روسهم واقول لا انتي ولا انتي
محد بيشرب قهوة .. خلالالالالالالالالالالالالالالالاص
والا لاجت وحدة تميلح وتقوم تمسك الدله وتحاول تفتحها وتناظرني
يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال
واروح لمها واقول : ( هاتي عنك ) . تقول : ( لاه عادي ) ..
اقطعي واخسي تراني منب اترجاك هاتي الدله اقووول
بس تبين تصيرين اخلاق قدام الحريم ..
وععععع الللللللله لا يعيده من موقف شعووور مووو حلووووووو
شي ثاني لا مننا قلنا (( تفضلوا العشااااء ))
آآآآآآه و آآآآآه ثم آآآآآه مدري وش يصير فيهن !!! :18ar:
والله العظيم ترانا قلنا تفضلوا للعشاء !!!
يقعدون يسولفون ولااااااااا على بالهم وكل وحدة تحط بمخباتها مو بس حجر
الا اثقااااااااااال وجبااااااااال وتلال وبحوووووووور
وعبال مايمشون او بالاحرى يتسحبون من الصالون الى غرفة السفرة
يااااااااي طيب اذا ماتبون تتعشون وش مجلسكم لوقت العشاء ؟؟ im6
((( سؤال مههههم يطرح نفسه )))
عاد انا جتني فكرة اننا نقولهم قبل لا يجهز العشا بنص ساعة :39ar:
تفضلوا للعشاء >>>>> يازينك ساكته
والا مايقومون الا لما اروح عند وحدة وحدة واقولها تفضلي
ماباقي الا ابوووس رجولهم واترجاهم تكفون تفضلوا للعشاء
مير ودي اترجاهم واقولهم لا عاد تجون لمنا انا مااحب العزايم اللي ببيتنا
اكرررررررره العزايم اللي ببيتنااااااااااااااااا اكرهاااااااااااااااااااكرهاااااااااااااااااااااكره ااااااااااااااااااااااا :53ar:
والا قولوا لأمي مو لازم تجي تسلم علينا
خليها على راحتها >>> من جد يازينك ساكته im5
-
-
هذي معاناتي مع صب القهوة ,, :frown: :35ar:
اترك المايك لكم للتعليق والتفحيط بهالموضوع ..
واللي مايعجبه هرجي لا يرد مو لازم نعرف رايه لانه غلط
>>>> ياسلااام يعني اللي مايعجبه هرجتك صار رايه غللللللط
>>>> نعيد ونقووول يازينك ساكته ...
ووووووووووبا1111111111111111ي:34ar:
المشاركة الأصلية كتبت بواسطة سحــــايب شــــوق
مواقع النشر (المفضلة)