فهموهاا
احببت اشارككم بهذه القصيده
وسّعوا لي ياجماعه وافسحوا لي فالمجال =
داخلي نار القصيده يشتعل طاروقها
والله انى ما بلاي الا طموحي للطّوال=
والنجوم العاليه تغري بلَمع ابروقها
البلا يوم الحجاز يهيم فى روض الشمال=
والبلا يوم الشمال تغيب عن معشوقها
خايفٍ من زود حبه تنقشع عنه الجبال=
ثم ينزح من وطاه ويرتعي مع نوقها
وخايف يابحر جده تركب امواج الرمال=
من حنينك للحبيبه .. والحيا .. ونفودها
تزدحم فيك المشاعر والوساوس والهبال=
ول ّ يانار الغرام الّي تزيد احروقها
والله انه من حَموله بين عمّان وخَوال =
واليدين الطايله لاشك دون احلوقها
حالف ٍلاغلي ثمنها بالدراهم والريال =
والبكار الوضح. لجله ..حالفٍ لاسوقها
وحالفٍ مااكويك ياغتره ولا احط العقال=
قبل نور العين يرضى .. ماتضلي فوقها
وحالفٍ ياهيل ما تطبخ على صفر الدلال=
وقبل شوف اللى هويته ..حالفٍ ما اذوقها
اصعدي فوق السحابه وامطرينى بالوصال =
واسرحي ثم امرحي ثم احسني منطوقها
وابرقي ثم ارعدي هــا ثمّ قولي لي: تعاال=
والله اني فى حَرَاك الرجل قمت أتــــوقها
علموا ست الحلا ست الغلا ست الدلال=
بنت من يَشري المَراجل يوم يَغلا سُوقها
علومها فهموهاا كان ما نسيت طلال=
كان باقي فالعيون هنااااك فـ أعلى موقها
انشدوا ثم انشدوا ..زيدوا ..و الحّوا فالسؤال =
. يمكن تعرفون شمسي وين غاب شروقها
وعلموا الشاعر (........ ) وعلموا كل الرجال=
وعلموا قوم القصــــــــيد اللي رفيع ٍ ذَوقها
وعلموا ( ....... ) وغيره من صناد يد العيال =
وعلموا (....... ) وكل اللى يعَرفّ طروقها
واتحفونا بالقصايد وافتحوا باب الخيال=
وارّووا احروف الكتابه بالحبر فاعروقها
مابقى فيها ركاده لانقاش ولاجدال =
واشبعوا جوع المعانى من نخيل اعذوقها
وسلاااااااااااااااااااااااااااااااااامتكم
طلال العتيبي
رد مع اقتباس
المشاركة الأصلية كتبت بواسطة شكيب ارسلااان
مواقع النشر (المفضلة)