مرحبا يا احلى اعضاء :189[1]:
امس وانا اسولف مع صديقتي عن حياتنا جتني فكرة الموضوع
اكيد كثير ناقشوا هالمشكله قبلي وكثير دوروا عن حل
لكن مو قاعده اشوف شي تغير
ليش دايما نحب شي ونختار شي ثاني او نسوي شي ثاني سواء بارادتنا او لا
)(ازدواجية المعايير)(
في كل حياتنا:
بداية بالشخص الي يحب الانسان الهادي والي باله طويل بينما هو اصلا طبعه عصبي ومايتحمل أي شي
نقول "الطبع يغلب التطبع" بس ليش ماتصير زي ماتحب ليش ماتصير زي الناس الي تحب شخصيتهم وتحاول تتقرب منهم
ويمكن هذا يفسر لنا تجاذب الاضداد
دايما نقرب من الناس الي عكسنا لاننا نحب هالشي فيهم ولاننا مفتقدين هالشي وللاسف مالنشتغل على نفسنا عشان نغيره
وفي اختبار المستقبل
دايما نحب مجال ونكون ناجحين فيه, ونكون طموحين مررره .. بس لما نجي فالجامعه نختار, نختار شي ثاني تماما
ممكن بسبب اهلنا او الظروف تفرض علينا زي شروط القبول في الجامعه والاختبارات التحصيليه الي اعتبرها تعجيزيه نوعا ما
ممكن في مجال التعليم الظروف تجبرنا على شي احنا مانحبه
بس ليش مانغير الظروف ليش مانخليها شي ايجابي يساعدنا بدل ما يحطمنا
ليش لما نتوظف خلاص هذا اقصى طموحنا .. كأنك ضمنت مستقبلك خلاص ويبدى الروتين الممل
ما نفكر نطور انفسنا..ونرتقي بمستوانا التعليمي .. او حتى ندرس في المجال الي كنا نحبه ونتمناه وانحرمنا منه !!!! ليش؟؟؟؟
وفي الزواج كمان
سواء الرجل او البنت .. البنت مثلا تتمنى انسان طيب وحنون ويحبها وممكن تكون تحب انسان فعلا ودايما تقول انا ماتهمني الفلوس...
بس لما تجي تتزوج ممكن ماتختاره عشان ظروفه الماديه او مشاكل النسب والاصل !!!!
حتى الرجل ليش يحب ويرتبط بعلاقه ويكون مؤمن ان العلاقه هذي صح وانه مستحيل يلقى زي هالبنت او يرتبط بانسانه غيرها .. بس لما يفكر في الزواج سبحان الله كل هذا الكلام يتغير في لحظه ويخلي اهله يدورون له على بنت من معارفهم
وحتى لو ماكان يعرف بنت .. لما تعجبه بنت, يحب البنت الواثقه القويه الجريئه بس لما يجي يتزوج يبغاها تكون بسيطه وحتى تعليمها ومركزها الاجتماعي لازم تكون اقل منه !!!! ليش؟؟؟
آسفه اذا كنت طولت في موضوعي بس حبيت احكي عن الموضوع من كل النواحي واذكر امثله من واقعنا في الحياه :11ar:
ولي عوده عشان اشوف رايكم واجوبتكم على ليش ؟
شكرا مقدما على وقتكم وعلى رايكم أيا كان,,
ريووومه ..
مواقع النشر (المفضلة)