السلام عليكم ورحمة الله وبركاته
كيفكم ؟؟
[align=justify]تخيل تمد على واحد ببسي وتقولة امسك ,, ويقولك لا مشكور مابي .. تقولة يا لوح امسك ابي اعدل شماغي وبعدين رجعه هههههههههههه ياشينها شيناهـ
مشكلة اللي يفهم غلط ويقعد يهاوشك ,, معي وحدهـ في المسن تبي تفتح موقع .. المشكلة ما تعرف شي ,, يعني زين يوم انها تشارك في المنتديات اصلاً عشان تفتح لها موقع اصلاً .. المهم قالت لي دخلت على موقع استضافة وقالي اكتبِ اسمك واسم ابوك واسم العائلة ورقم الجوال ورقم تلفون البيت واسم المنطقة واسم الحي واسم الشارع ورقم البيت < وقسم بالله طلب كذا .. .. المهم قلت اقولك انا فاتح لناس مواقع ما طلبوا علي كذا كل اللي طلبوهـ تحويل الفلوس .. قلت بكم بيسوون لك الموقع ؟ قالت بـ 950 ريال .. قلت اقول حولي لي 200 ريال وافتح لك موقع ومركز تحميل ولا يكثر .. حولت لي 300 على اساس بمسك الموقع دعم فني شهر بـ 100 ريال .. يلعن ابو جوها تقولي ابي افتح قسم اقول وش اسمه تقول لا علمني كيف افتح القسم ابي اتعلم .. كل شوي على هالحالة .. بغيت ارجع ميتها واقول طيري من راسي انتي يبيلك معهد كامل .. قلت اقول يا بنت انا مشغول ابي اتابع فلم مناحي واول ما يخلص ابي اعلمك كل شي ..
انا بس قلت كذا اسمعوا انواع الشتم والسب والكل شي دنيئئ بمستوى صرخة بعير .. قلت لها وش فيك ؟! قالت ما تستحي على وجهك وانا احسبك محترم طلعت موب كفو ياللي ما تربيت الشرهه علي واثقة فيك .. لكن يصير خير .. قلت طيب قولي وش قلت انا !! .. قالت تجس نبضي يوم تقول لي فلم اباحي ؟! قلت يلعن ابو تفكيرك شوفي المحادثة فوق أقولك فلم مناحي = فايز المالكي !!! يالتسلبة .. " هذا الكلام البارح " للحين ما ردت علي متصلة بالمسن وساكته
.....................................
كنت واقف عند محل شاورما الساعه 1 ونص الليل مسكرين المحلات وفاتحين بس دريشة صغيرة .. وقفت وكان قدامي واحد ينتظر من اليوم .. المهم قاله التركي وش تبي ببسي ولا حمضيات على اساس يجمع طلباته ويسجلها .. قال ابي ببسي بااااااااارد .. راح التركي وفتح الثلاجة وطلع اثنين ببسي وحط واحد على الطاولة واخذ الطلب وطلع عند الدريشة .. راح خوينا في الله طلع الفلوس اللي معه وقال كم الحساب ؟ قال التركي موب لك ذا للي جالس بالسيارة .. يا إني ما قدرت امسك نفسي رجعت للسيارة وقعدت اضحك im22 يلعن ابو الحركة اللي كذا
.....................................
انا قبل سمعت سالفة اللي يمسك شنطة امه ويقول لها اكفششششششش معك فلوس يستهبل .. واخر شي تطلع موب امه .. طبعاً السالفة ذي معروفة وكثير تصير .. انا واحد من اللي طاحوا في الحركة ذي
....................................
كنا واقفين عند مغسلة السيارة انا واحد من اخوياي وكان في واحد حاط في المغسلة اربع سيارات وحدهـ له والثلاث لعيالة .. وكان مرفع الرجال شوي .. وفرحان ان عياله على ان اعمارهم بين 18 - 21 .. وكل واحد راكب سيارة ويقول الحمد لله الله رزقنا وما حدنا على الناس .. وكل ما خلصت سيارة قال لواحد من عياله ايه رح الله يستر عليك عطها للصاجة < بصوت عاااااااااالي .. المهم قعدنا نضحك عليه .. عاد جاء وقتي الحين يوم راح ذا يشرب ماء واقعد اقلدهـ وحنى ماشين نبي نطلع من المغسلة على رجولنا .. قلت ايه عطها اطلع < بعد بصوت عالي .. يوم طلعنا الا والرجال في وجهي .. قلت ابشرك موترك خلص وانا انحااااااااااش im22
............................................
وبس دوركم لحد يجي يضحك ويقول ما مريت بموقف ويقعد يستظرف يسوي ثقيل [/align]
مواقع النشر (المفضلة)