(( مـقـدمـة ))
السلام .. ارحبوا كلكم .. ورجاءا كل واحد ينثبر مكانه ويقضب أرضه. لا أحد يقوم ويقول لي خشمك ! يالربع خشمي وانا حر فيه . لا أحد يقول لي يمناك نعنبو داركم ترى الكلام البايخ هذا ما أحبه. يرحم أم أمكم فكوني من هالرسميات ترااها واصله معي ,
كل واحد ينطق ورى شاشة كمبيوتره ولاب توبّه، لا أسمع نفس خلوكم مثل طلاب رابع جيم لا دخل عليهم مدرس العلوم العصبي!!
وجع !! ضربه !! اعنبوا بليسكم يالسعوديين ليش انتم ملاقيف كذا؟. سمعتوا طاري هجومي منزل له موضوع جيتوا مدرعمين..
8
<== مريض بداء العظمة
يتبع..
7
... كأنكم دوريات تلاحق محشش.. يوم لف المحشش يمين لفيتوا مثل الدوريات وراه يوم خذ شارع الخدمه حاولوا يحدونه الدوريات وهو اللي يصبخ في ذيك الصبه ....الخ (( بعدين أقول لكم قصة المحشش والدوريات )).
اوف عليكم.. ياساتر لهالدرجة فيوز الثقل مفصول عندكم .. اركدوا اركدوا بشويييش ترى الركاده يمدحونها
<=== إلا ورى ماتنثبر انت وتقول سالفتك وتخلصنا.!!
ا.هـ
<== ا.هـ منك بس :8ar:
----------------------------
((معليش مقدمة ثانيه ))im8
اخواني الشيون السباايك ..اخواتي الطخمات بعد عمري .. هالموضوع طويل نسبيا وفيها طلعات ونزلات معويه وتشعبات مرجانيه .. يعني اللي اتصاله مهوب دي إس أل يطلع منها واللي يرحم والديكم. ترى من الحين علمتكم ,, مهوب لا طلعت بكرة فواتيركم تقعدون تدعون علي كأني وزير الانترنت
<=== ياحمااار اسمها وزارة الاتصاالات السعودية
المهم تراني داخل على الله ثم على خششكم اللي اللهم عافنا كأنها قواطي صلصه منعفجة .. لا مليتوا من القرايه او تعبتوا .. ارجوكم ماتوقفون واصلوا ولاتكسرون بخاطري وخاطر هالموضوع المسكين . اعتبروها بزر يتيم ومرت ابوه لاعنتن خيره ويستحق الشفقه . اعتبروها رجال ماله الا رجل وحده وعنده ثلاث فتحات في خشمه وسره مسدود ويكسر الخاطر .. اعتبروها بقرة جالسه بالزاويه لحالها مافيها حليب وخوياتها ماغير يدهرن حليب ويغايرونها ..
<====( ياخي عليك اسلوب يخلي الواحد يصيح خلاص خلاص بنقرااها )
يعني باالطول بالعرض أبي روايتي أو موضوعي ينقرأ كامل. أو رجعوها لي وأظف وجهي انا وياها .. لاتفسدونها وتقرون نصها وترمون الباقي ..
<===== اعنبوا بليسك خبزة ذي مو قصه !!
هو موضوع له شهرين عندي بسطح المكتب كتبته بمستند مغبر ..قفلت معاه..قال لي صرّف هالموضوع لا ألعن وجهك...؛
يعني بالطول بالعرض كملوها .. بالطول والعرض اقروها ... وبالطول والعرض الهلال يهز الارض..؛
بسم الله ونبدأ الموضوع
<===== بدري الله ياخذك انت وراسك
"رواية حب" ...مـُنعت من الأسواق وصفوها الخبراء بأنها ثورة الأدب العربي ..( يعني اغسل يدك تكتب مثلها). ... ووصفوها علماء الفسكلوجيا بأنها اخر ما ستنتجه القلوب من صيحات الحب المخلوطة بالتضحيه والخيانه ... ووصفوها كبار السرابيت بأنها الدافع الأكبر في تحريضهم لعمليات الفاحشه والتعديات الجنسيه كانت السبب في منح نجيب محفوظ جايزة نوبل للآداب بعد ان نسبها له مير مانقول غير الله يرحمه ويستر على عباده ... انا اللي قاهرني انه متخرج من مدرستي يعني طالب عندي شلون يلطشني بهذي الطريقه ؟!! لكن شرهتي على نوبل التسلب يعطي جايزته لواحدن ..... الله يرحمه بس ماودنا نحتسي بظهره
وكلامي ذا ماهو من محض الإفتراء بل معي الأدله الدامغه التي تثبت ان نجيب محفوظ كان اكسل طالب يدرس عندي بكلية الهندسه وهو اللي لطش روايتي التي حازت مثل ما اسلفت على جايزة نوبل التسلب
بتاريخ 5/8/1985م ..أتتني تزكية لروايتي من مخظرم الفن الأدبي انذاك الوقت( كآتم الآهات) تغمده الله بواسع رحمته مع ان خاتمته كانت شينه وهو متكي في المجلس يشرب خمر (عرق) .. ويسمع فريد الأطرش الهوى هوانا يا هوانا وهذا اقتباس من تزكيته لروايتي
إقتباس:
8المشاركة الأصلية كتبت بواسطة كاتـم الآهــات
8
فرعونيه في عينك يا لوح :8ar:
وتزكيه ثانيه بعد جاتني من الناقد الحشاش (خجول) وكانت بتاريخ 17/9/1985م
إقتباس:
كفو كفوو يا خجول.. انت والهيلا هوب اللي لابسه:8ar:المشاركة الأصلية كتبت بواسطة خجول
مع العلم ان تزكياتهم ماهي مزوده في مقداري شيء.. لكن حبيت اعطيهم شوي من اضواء الشهرة.
7
<=== رجع له المرض اللي فوق.:39ar:
8
..فكم تعرض كاتبها إلى العديد من المسائلات والانتقادات سواء في التلفزيون أو في الصحافه بسبب جراءة الطرح وإثارت أشياء... شبابنا في غنى عنها..
... فقد تهافت عليها الناس من كل حدب(ن) و صوب << يقصد الروايه ... بما فيهم بوش وبلير وحسني مبارك والبشير وقرنق وكوفي عنان وملك البحرين ـــــــــــــــــــــــــ واسامه بن لادن والظواهري والديحاني ولطيفة المجرن وعيوني حزينه وابو شلاخ البرمائي.. كانوا ماسكين سرا قدام مكتبة جرير وصراخ وهواش ومطاققه للصبح كلن يبي ياخذ نسخته وتفاجئوا يومن جاء السكيورتي بعجرته توه صاحي من النوم صايم قرفان من روحه ومسّكـهم الباب بحجة ان الرواية ممنوعة ...
قالوا مالها إلا الانترنت نشوف ذي الروايه ويدرعمرون للمقهى ..
بس للأسف رئيس هيئة الإتصالات استقعد لهم في الصفحه ويقول ابن امه يدخل ويقرى ذي الروايه ...
فأصبحت روايتي حبيسة الأدراج في مكتب وزير الإعلام اياد مدني كجمغلي كيف حالو...؛
س1 - تبغون أكتب لكم "الرواية" ولا لا...!!
@@@@@@@@@@@@@@@@@@
مواقع النشر (المفضلة)