قصديه للشاعر مهند الخالدي في مدينتي عنك
قصيدة متواضعة لبني خالد عنك أثناء زيارتي لها قبل عدة سنوات
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابو فهد والنفـس تحتـاج تلطيـف=عسّيت ابقطف جوع مشمش وخوخه
شرّقت والدنيـا قـدور وتصاريـف=بسود السحاب اللي به المزن زوخـه
واقبلت حـول النايفـه والمشاريـف=والقلـب هلّـل واتعبنّـه شـروخـه
جيت الديار اللي ترّبع بهـا الكيـف=دار(ن) على العدوان ماهي رضوخـه
شرق الجزيره خابر(ن) لي مواليـف=ديـرة خوالـد بالمراجـل طنـوخـه
ديرة (عنك) يزهى بها الخيل والسيف=ديره لها التاريـخ يبكـي شموخـه
فكري تراجـع والخواطـر مراديـف=والراس صاب الراس تسعين دوخـه
نفسي عليهـا جاوبـت بالغطاريـف=والحال فيهـا مـن فرحْهـا كفوخـه
ماضي مجيد وحاضر(ن) فيه تشريف=رحت آتذكـر لابتـي مـع شيوخـه
اللي معرّف مايبـي اليـوم تعريـف=ايامنا يا (عنـك) شفقـى صروخـه
اشتاق لك شوق النجر لقْبل الضيـف=ويشتاق لك قبـل الحبـاري فروخـه
تاريخ حافـل مابـه ادنـاة تزييـف=ولاهي بعد حـالات شعـري نذوخـه
العز وش هالعـز ؟ لـولاه ماشيـف=يا(عنك) نفسي من غلاتـك طفوخـه
يابو فهد والروح من غيـر تحليـف=روحي على نـار المفـارق طبوخـه
حالة مشاعر قلتهـا بغيـر تحريـف=وكل(ن) حسب ظنه قصيـده ينوخـه [/poem]للشاعر الكبير وشاعر الشمال / مهند الخالدي
رد مع اقتباس
مواقع النشر (المفضلة)