[align=center]السلام عليكم ورحمة الله وبركاته
قصيدة الشاعر خالد محمد العتيبي
في مدح الرسول -صلى الله عليه وسلم- قصيدة توصف بالأكثر من رائعة لذلك حبيت أطرحها نصياً حتى نتعمق في القصيدة أكثر وأكثر ونتعايش مع أبياتها التي نبعت من عاطفة صادقة تجاه أشرف من وطأ الثرى نبينا وحبيبنا محمد بن عبدالله -صلى الله عليه وآله وصحبه وسلم-
.:: نص القصيدة ::.[/align]
[poem=font="Times New Roman,5,royalblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
دعت سمر الجدايل وانتخت بالقذلة الهلة=تبي مني عروس للقصيد ازريت لاغويها
ويوم إني لقيت لها الخلود وجيت أبوصل له=تنحرك الكلام إللي فهقها دون مغليها
خضع لك رأس مسبوق القصايد وانحنى كله=وأنا بك شاعرالدنيا ومشغلها وماليها
يذكرني رحيلك مجلس باق على حله=مداهيل الرجال إللي تنومسنا مواطيها
هنا سليت سيف يوفي الثارين من سله=هنا علقت رمح يطعن الجوزا ويطفيها
هنا بينت مصحفك الكريم ودلنا دله=معك نبدا مواعيد الكلام وننتهي فيها
هنا ساقيت غصن من غلا كنا تحت ظله=نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة=عمايمها سحاب وابله باقي مواظيها
رجال لو تشوف الماء غدر ما شربته لله=نبت عشب الرضا يا سيدي بأول مغازيها
هل التوحيد وكنوز العلوم ونصرة الملة=رجال يضحك التاريخ لولها وتاليها
هنا ماضيك ورياض الخليل إللي رعى خله=شربنا عذبها مدري لعبنا في مغانيها
هنا تخنقني العبرة وأنا أكتب يا رسول الله=على قبرك نسيت الناس حاقدها وحانيها
وأبو قبر يتيه من الفخر بالبيد وتجله=على حسد تبين من سمايمها وصاليها
ويهناك الوفا قبر يضمك في ثرا تله=ما دامه بين فردوس الجنان وبين منشيها
وأنا لامن ذكرت فراقك إللي في يدي غله=نسيت إن الليالي شيبتني من بلاويها
على بعد الزمان إللي يعقد الحبل ويحله=ليامني ذكرتك طاحت الدمعة وراعيها
سلام الله ما هز الصبا نسرينه و فله=على الطفل اليتيم إللي عطى الدنيا معانيها[/poem]
[align=center]ودمتم بكل خير[/align]
مواقع النشر (المفضلة)