السلااااااااااموووووووو عليكووووووووم
يالله حيهم
يا انا مبطي ماشرّقت فيذآ
المهم << ماعندوه وقت
بقولكم سالفة
تخبرون انو انا انسان ذكي فوق العاده
وهذا شي طبيعي وبديهي جداً <<<
وتعرفون ان الواحد ينزنق أحياناً مادياً
وفي يوم من الأيام
حاولت أستخدم جزء بسيط من دماغي الفلته
وأفكر وأفكر وأفكر وأفكر
ماسألتوني أفكر بـ وشو
أسألوا
يالله أسألوا
ترى وقسم ما أكمل
خلاص أحسن
عنّــــــــــــــــكم ما سألتوا
عناد والله ان أتمّ سالفتي
قعدت أفكر في حل لـ الأزمات المادية
وجتني ميمتي الله يخليها لي ويطول بـ عمرها عـ الرضا والصحة من الرحمن
وقالت ودني لـ محل كماليات بـ حارتنا قريب
تبي أشياء ضروري ومستعجل
وأوديها
وألتفت يمنةً ويسره
ومير وأعيد الإلتفاته
مير وأكرّها <<< يعني أكررها
مير وتجي عيني على هاك السطل السماوي
يشبه لـ لون الخط الي أكتب بوه دايم << الزبده
مير وأشتري هـ السطل
وأخلي أمي تدفع قيمته مع باقي أغراضها<<< لزوم الجمركة
الزبدة << يا هـ الزبدة الي عيّت لاتجي
وأجيب السطل وأحطه بـ غرفتي وقررت اني كل يوم لمّا أرجع لـ البيت أشوف الريالات الي في جيبي وأحطها فيه
الريالات بس
وآخذ على نفسي عهد أني ما أصرف ولا ريال من الي أحط فيه الا بعد ثلاث شهور
وكنت كل فترة في خلال هـ الثلاث شهور
أفتح السطل وأجمع كل خمسين ريال في ربطه
ومرّت ثلاث شهور
وكان وقتها اكتتاب بنك إنماء
ويحين موعد فتح السطل
وفتحته
تدرون كم لقيت فيه في خلال هـ الثلاث شهور؟!!
1468 ريال
وانا الي أنهبل
وآخذ هـ الألف وأكتتب فيها
وأصرف الباقي
وأبدأ أعيد الحركة من جديد
وأحتري الثلاث الشهور الثانية تنتهي
وانتهت فعلاً
قبل العيد بيومين
قلت خلني أشوف كم فيه من ريال وأتقضى بها لـ العيد وأخلي الي في حسابي يقعد
ورحت وشفتها وطلع العدد 18 رزمه وشوي ريالات زيادة ماكملت الخمسين
وكل رزمه فيها خمسين
وطلع المبلغ 933 ريال
قلت حلو
أروح أطلع ثيابي من الخياط وأعطيه 300 ريال
وأروح لـ السوق أشتري لي جزمه الله يعزكم وملابس داخلية
بعدين قلت في نفسي
تخيل ياعبدالله انك تروح لـ الخياط وتطلع ثيابك وتعطيه 6 رزم
300 كلها ريالات im22
أبوووووك يا الفشيـلة
قلت ياولد مر عـ الصيدليات والمحطات والبقالات وعطهم الريالات لأني أخبرهم يدورون الصرف
وأحط الفلوس في كيس وأمر راعي الصيدليه وأدخل عنده
قلت : السلام عليكم
قال : وعليكم السلام
قلت : لو سمحت اخوي انا عندي ريالات زايدة وودي بدالها آخذ ورقه وحده يعني بدال خمسين ريال ريالات خمسين ريال ورقه وحده ،، انت محتاجها ؟!!
قال : أيووووووووووه ،، هات كل الي عندك
قلت : لا الي عندي كثير
قال : 50 ،، 60 ،، 100 مش مشكلة هاتها يابني
قلت : انا عندي 900 im3
قال : إيـــه،، لا يابني مش لـ الدرقه دي ،، هات 200
وعطيته ومشيت متجه حفظني الله ورعاني لـ المحطة
مير يجي واحد مراهق يسوي بـ السياره كوذيه كوذيه كوذيه بين السيارات ويلف علي بيصدمني مير ألف أنا على سياره بغيت أقشعها
شوي الا قال راعي السيارة الي بغيت أقشعها : قااااااااااق على جنب ياراعي الأكورد
طلع مرور سري
وقفت وجاني وانا مكاني مانزلت
ونسيت الدراهم
راح بالي على الرخصة والاستمارة
كلهن منتهيات ومطوفات
وحتى بطاقة الأحوال منتهية << ليش عايش أجل
المهم
توه بيكلمني الا ويقز الدراهم مغزغزه في الكيس
قال : أنزل أنزل أنزل << ولسان حاله يقول هذا حرامي كبير وأكيد إذا مسكته بـ يرقوني عريف أول
نزلت وأخذ الكيس وفيه 14 رزمه وشكلهم يرّوع
يوم شافهن
وهو الي يتحطّم
قال : ياخي لو ان حنا بـ وقت دراسة كان قلت انك سارق مقصف ،، وش الريالات ذي؟!!!
قلت له : ها ها ها ها ها ها << بـ استهزاء لأنه تطنز على عرق جبيني << أها بس
واستطردت الحديث : هذي ياخي مجمعها من فتره واليوم قاعد أصرفها عشان بروح أتقضى لـ العيد
قال : من متى وانت مجمعها
قلت : من 3 شهور
قال : والله
قلت : نعم
قال : ياخي والله شكله مبلغ مو سهل ،، كم بـ الله ؟!!
قلت : هذي 933 ريال
والي قبلها 1468 ريال واكتتبت فيها بـ إنماء
قال : ريالات
قلت : إيه
قال : انت حضرمي
قلت : لا موب حضرمي انا سعودي وهذي بطاقتي
وماعطاها وجه
ويسحب زقارة ويتكي على كبوت السيارة ويسألني : ياخي هـ الريال طلع يسوى وحنا أول مانعطيه وجه ،، كيف أسوي مثلك ؟!!
قلت : مرّ أقرب محل أبو ريالين خذ سطل وجمّع فيه الريالات الي تجي بجيبك كل يوم وخذ عهد على نفسك تفتحه بعد مدّه محدده ،، ويطلع لك مبلغ محترم
قال : والله يا أبو عابد فكرتك ذي خطيرة
قلت : تمون يوم تقول أبو عابد
ويناظرني نظره حقيرة حسيت اني قطو دايخ من الشبعة
قلت : أمزح ياخي ،، وبعدين هذي فكره كثير ناس يسوونها
قال : بـ التوفيق أجل ،، من الليلة بـ أبدأ فيها
وأمشي من عنده ماسألني لا عن الرخصه ولا غيرها
وأناظره في المراية وانا ماشي وأشوف الرجال متنّح ويهوجس im22
مايستفاد من الموضوع :
1/ الي يجمع الريالات ويمسكه شرطي يفكونه بسرعة << وش تبي انت
2/ أي واحد يروح مع أمه لـ محل كماليات وأبو ريالين يلقى خير ،، بشرط امه الي تحاسب عنه
3/ لاتحقرن صغيراً مدري وشو ،،، إن الباعوضة تدمي مقلة الأسد <<< نسيت البيت im3
4/ وقسم اني مو حضرمي
5/ شريت عطري بـ 430 ريال وعطيت راعي المحل 8 رزم وثلاث عشرات im22
6/ ورى ما أنهي الموضوع وأزلب وجهي
سلاااااااااااااااااااام
images11
مواقع النشر (المفضلة)