قصيد حامد زيد (التمثــــــــال)
التمثال
عفا الله عن خطا غدر الخناجر والضلوع ابطال
بسامحك وتركك تحت الظلام لحالك لحالك
دخيلك وفر دموعك ترى هدر الدموع ذلال
وترى مافي احد يصبر بصبري بغربالك
انا عيب علي انقض كلامي والرجال افعال
واذا قلت اقطع حبالك تراني بقطع حبالك
عشان اكسب هدب عينك تجرعت العذاب اشكال
وليتك ترأف بحالي عشان أرأف بحالك
مسوي في حياتي شي مايوصف ولاينقال
حشا حتى العدو وهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت العتعب لجلك وانا حملي يهد جبال
رحلت من الغذاب وما وقفت الاعلى جالك
علامك كل ماجيك متواضع جيتني تختال
معاك اليا متى بصبر وصبري معك يحلالك
مثل ماقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
انا محد بجابرني اساير معك هالمنوال
ترى ماني تبع لك ولاني بصغر عيالك
انا جيت اعشقك نبض ومشاعر مااعشقك تمثال
اناجيت اسكنك واحيالك وابقى فيك وابقى لك
انا جيت بظما عاشق تعب يطرد سراب اللال
انا جيت استفز رضاك من فرقاك والجا لك
انا ماهمت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما اخاف تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انهفقد بمحبته (رجال)
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
انا صعب ارضي غرورك واضعف قبالك
بعد ماحققت عيني فــ بعدك للرقاد امال
اعود للسهر يا خوي فال الله ولا فالك
ببدل نظرتك فيني واجي لك كل يوم بحال
بكون اقرب من ثيابك عليك ولا تهيالك بلمك وانثرك واجمعك وارجع انثرك باهمال
بخونك وازعلك وأرضيك وازعل منك وارضى لك
ابا ارسم بالثرى وجهك وبدفن صورتك برمال
أبا اشكي للعرب فرقاك واضحك عند عذالك
أهديك الوصال فراق واهديك الفراق وصال
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
ابيك تذق فجالي وانا بذوق فنجالك
نصيحة واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولاـ وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لاانته ولا غيرك ولا عشرة من اشكالك
اهداااااء خاص الى ي ؟ ش
رد مع اقتباس
مواقع النشر (المفضلة)