النسيان !!
حلوه نعمة النسيان !!
ننسى الفرح اللي كان
والحب والحزن والأشجان !!
ننسى الحبيب والعاشق
ننسى الترانيم والألحان
ونعيش حب جديد
نبدل فيه السجن والسجان !!
الحكايه بسيطه
نحظر على ( إيميل )
وللجديد نظهر ونبان !!
ونعيد الكلام
نفس الكلام بس نغير الألوان !!
ونغير التوقيع
والخط الكوفي الرفيع
ونزيد الصور
وننتظر على أحر من الجمر !
هي قالتله :
أنا من دون الشباب حبيتك !!
جاوب وقالها :
وانتي ويا القمر تومان !!
كذبه تتبعها كذبه
حتى الأسامي مزوره في أغلب الأحيان !!
ليش ماعقبت على موضوعي !!؟
ليه مامسحت دموعي !!؟
ليه وليه أنتي ماكتبتي
على صفحتي فنان !!؟
وليه مادخلتي معاي الالعاب ؟؟
وليه كل يوم تلاعبين فلان !!؟
وفي حقته الخاطره
كنت سحابه ماطره
وليه نسيتي تكتبيله ( أختك ) !؟
وليه قلتيله غيّر ( نكك ) !!؟
وليه ماحطيتيلي ( قلب أحمر ) !؟
من زين شعره .... الله اكبر !!
أكيد تحبينه !!
أكيد بكره لماسنجرك تجيبينه !!
وتحظرين على ( إيميلي )
زي اللي حظرتي عليه زمان !!!
وبكره حضر وماحضرت !!
أرسل مراسيله !!
ودموعه بللت مناديله !!
قال لها : فين الناس !؟
وبأبرد إحساس
ردت عليه وقالت :
موقلتلك حلوه نعمة النسيان !!!؟؟
مواقع النشر (المفضلة)