الله يستر
السلام عليكم ورحمة الله وبركاته
أخواني أعضاء هذا المنتدى الرائع
هذه أخر قصيدة لي أتمنى أن تحوز على رضاكم وإعجابكم فلكم القصيدة ولي الشرف بقرائتها والرد عليها
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اليوم تاسع يوم ماجاني من الغالي خبر = والصدر ضايق والخفوق من الوله تصلاه نار
الله يستر لايطوّل ثم أموت من القهر = لأني كذا من خلقة الله ما أطيق الانتظار
آخر عهد لي به بأول يوم من عيد الفطر = عيّد علي قبل الجميع وبعدها أنهى الحوار
المشكلة ماهيب عاداته يطول فالهجر = دايم يكلمني ولو يزعل صغارِ مع كبار
تكفون ياللي تعرفون الزين فضلاَ لا أمر = روحوا وقولوله على كل شي في فرقاه صار
وقولوا له إن الحال من فرقاه حالٍ ماتسر = إما يتلاحقني ويرجع ولا ودوني شهار
صده سلب عقلي وخلاني أسير بلا فكر = ماغير أهوجس وآتلفت عن يمين وعن يسار
حتى السهر اللي قبل فرقاه ما أحب السهر = من كثر تفكيري بغيابه أشبك الليل بنهار
من زود همي بعض أوقاتي أفكر أنتحر = ثم ألعن الشيطان وألغي فكرتي بالإنتحار
ويزيد شوقي كلما شفت الرسايل والصور = وبعض الهدايا اللي على تغليفها شوية غبار
هذا وعلاقتنا أدخلت ذلحين في ثامن شهر = وشلون لو كانت علاقتنا بدت واحنا صغار
والله لو يدري بحبيله وشوقي وش كثر = جاني حبي حتى ولو يقطع صحاري مع قفار
له في خقوفي حب سامي وله وسط صدري قدر= له في خيالي طيف ساكن له وسط عيني مطار
ولانيب أخبره بايرٍ فيني ولا عمره غدر = هذا اللي خلا حالتي حاله وزودني دمار
عذره معه وإن كان ماله من عذر جبنا عذر = أصلاَ مسامح زلته من قبل يبدي الإعتذار
نفسي وبس أعرف وش اللي جابره يهجر جبر= ماهيب سهلة عند خلي يتخذ هذا القرار
ليكون سبب له قصيدي مشكلة يوم اشتهر = وخلا جميع اللي حوالينه تضايقه وتغار
توبة معاد اكتب قصيدة فيه وأنشرها نشر = دام المشاكل كلها بأسباب هذا الانتشار
وآبكتم أسراره عن جميع البشر حتى الشعر = وبسجنه في قلبي وبضرب له عن العالم حصار
ولانيب ناسي عشرته حتى ولو طال العمر = لو خيروني في مية غيره رفضت الإختيار
الطير طالت هجرته و ماعاد فيني من صبر =ولاله سوى عشي ولو حلق بجنحانه وطار
ماللزهر إلا النحل ماللنحل إلا الزهر = يعني العلاقة بيننا صار تكامل باختصار
شكيت همي للجميع ولابقى غير البحر = تكفى طلبتك يابحر ياغير عن كل البحار
"خذ ماتبي بس يرجع المحبوب طول في السفر "= والصدر ضايق والخفوق من الوله تصلاه نار [/poem]
وسلامتكم
اخوكم عبد الرحمن سعد الدوسري
حزين الحرف
رد مع اقتباس
مواقع النشر (المفضلة)