؛
سلآم عليييييكم
يآمسآء الملل والركود
شسمه عادي اللي يحط موضوع ولا كيف النظآم :8ar:
وآضح متورطه بالمقدمه im3
؛
مآلنآ بالطويله .. كل وآحد فينا عنده عادات وسلوك متعود عليها ومايستغني عنها ومايحس انها غريبه آلآ اذا احد ..
عللللق عليه ..تستحي على دمك وتبدء تتراجع عن الحركه الشينه او العاده الغريبه
::
أنآ ببدء بنفسي بس لا أحد يعلق سمعتو
_أول شي اذا صحيت بنص النووومه ورحت اشرب ماء وقابلت احد بطريقي وسئلني ولا قط كلمه كذا ولا كذا ما ارد عليه لاني اصلا ما اسمع عقلي مقفل رجولي بس اللي تمشي ..ويآمآ مريييت من جنب خوآتي سهرآنين انواع التعليق والتريقه يقولن جاتكم الصنم
_ مستحيل اشرب عند الناس بكاسات ولا ملاعق احس فيها ريحه im3احب البلاستيك ارحمم ..وذا رايحه للحرم ولا مكان فيه ماء اخذ من نص الكاسات ما اخذ اللي بالاول ولا بالاخير ..
_شسمه هذي عاده تقهر بس ماقدرت اتجاوزها وهي اذا سولف معي احد هو يسولف وأنا اتفرج بأسنآنه .. وآجلس افكر ليه ماتحط تقويم ,ليه هالسن منعوج , وهذا يبله تقصير .. وآنسى السالفه الاصليه .. استغفر الله بس مره تسولف معي وحده ومندمجه بسالفتها وهي تقولي هاه وش رايك قلت لو اني منك اقص السنييين اللي قدآم طوآل قآهرتني :(>< يآربي شينه هالعاده تحرج الناس معي :*
_ العاده السيئه آكل شعري لدرجه انه مابقى منه الاشويim1
_أكل رز الصبح له طعم :24ar: تعودت من كثر ما اشوف الشغالات im3
الناس الصبح كروسون ،توركش كآفي ،دونتس ، أنآ رز ..
- انآم على بطني ولازم احط مخدهـ فوق رآسي ولا مآنآم
ولآ اعفففط اللحاف الييين مايصير له ملامح ..يكفي اني اخم السرير خمه انسيه اللي صنعه اتحمس للنوم واستنى اللحظه اللي بغفى فيهآ ويطير النوم بالله احد مثلي
***
هذآ بعض اللي عندي ولآ كثير مشفر im22
جآ دوركم انتم تعلموني عن عاداتكم الغريبه ونفسياتكم الشينه :8ar:
أبد لاتستحون مآأعلم آحد
وأبشركم تزهل لنا القلب السهرآن بيجيب محلل نفسي
يطلّع على الموضوع
مواقع النشر (المفضلة)