فرااااااااااااااق وهم وغم قصه وقصيده ماتفوت بصراحه
بسم الله الرحمن الرحيم
اما ليوم فهنا قصه وقصيده للشاعر الامير/ خالد السديري فقد كان له من المعاناه ومن شعر المعاناه مالغيره من الشعراء فهذه ابيات قد قالها المرحوم وهو يودع أقرب الناس إليه في إحدى سفراته العلاجيه
وهنا يقول::
ودعت من لارغبتي في وداعه
والعرف بين الناس وقفه وتوديع
ودعت عند اللي يحفظ الوداعه
هاك الوجيه العابسات المجازيع
وأخذت اجاهد ساعه عقب ساعه
ولع بنفسي جاير البين توليع
وعين تصب ادموعها باندفاعه
وإن جيت اروضها على الصبر ماتطيع
واقفيت عن ربعي وغالي الجماعه
مدفوع دفع الخور مع مدخل الريع
أشيل قلب منحرق كالولاعه
بلاه شي قطع أعراه تقطيع
ثم يصف الطائره التي سافر عليها وهو يعاني من ألم الفراق أشياء أدق مما تحدده الآله...
يقول::
قطعت حبل مانويت انقطاعه
واقفت ابنا عوبا تقص المصاريع
ان قلت نجم شاله الله وزاعه
واقفت مشاهيبه بوجهه مواليع
أقفى يكود متابعه والتماعه
قاربت وصف امضيع البعد تضييع
أقفت كما بوت تمزع شراعه
إلا انها اسبق من رمايا المقاليع
اتلفنا لف الزهر واجتماعه
في جوفها بين النجوم الطواليع
ويعود فيذكر حالته دون ان ينسى جلده وايمانه القضاء والقدر:
بيني وبين اعتى النوايب رضاعه
فيما ظهر والخير قسمه وتوزيع
أحّوك ياقلب تجدد لياعه
حمر المخاطر شرعت فيه تشريع
أجاهده عن خفقته وامّـزاعه
وافارعه عن كل ماراد تفريع
لا شك لايسمع ولا فيه طاعه
ولا ودي أذكر فيه شده وتشنيع
بيت الردى يوذيك كثرة نزاعه
تلقاه يشبع بالخصومات ويجيع
وبيت الكرم والجود فيه الوداعه
لا ضيعوا حق ولا سدهم ذيع
ترى هالقصيده حفظتها من زامن!يعني اذا نسيت بيت أوغلطت في بيت لاتلوموني
(الإنسان ماسمي إنسان الى لكثرة النسيان.!)
ياليت اذا غلطت في بيت اوشي تذكروني البيت!!!
أتمنى تعجبكم هالقصه والقصيده وياليت لو اسمع آرائكم في كتاباتي....
والســــــــــلام ختــــــــــــام ، ، ،
مع تحيــــــــــــــــــــــــاتي/ نـNـواف
رد مع اقتباس
مواقع النشر (المفضلة)