في البدايه ارحب فيكم اخوتي الأعضاء
الموضوع هذا كان مشغلني من زمان وكنت ابي اطرحه قبل فتره لكن بسبب انشغالاتي
تأخر طرحه واليوم حبيت ان اكتبه لكن اعذروني على السرعه في الكتابه
و لكن ان شاء الله توصل الفكره للجميع .
مثل ما انتم قريتو اسم الموضوع هذه القناة البريئه بنظركم والتي نجعل اطفالنا يشهادونها
والفتره هذه اجازه وتستمر جلساتهم حتى الصباح
انا بخبركم قصه حدثت لي شخصيا مع ابني بسبب هذه القناة التي قمت بحذفها
ابني عمره 9سنوات وعنده جوال ولو اني ماكنت مقتنع فيه وهذا له موضوع ثاني واكيد
انتم عارفين مضاره وسيئات الجوال مع الأطفال .
المهم انا معود ابني على اني اعبي له جواله كل اسبوع بـ 30 ريال فقط ولو انه كان
يتذمر انه قليل لكن قلت احسن لك ولا بحرمك منه في البدايه كان مايكلم فيه كثير
لأنه كان يكلم اصحابه ووالدته من تليفون البيت المهم لاحظت الولد قبل مايجي نهاية
الأسبوع الا وجواله ولا فيه ولا ريال !
انا هنا تفاجأت قلت يمكن يكلم اصحابه او يتراسل مع اصدقائه المسافرين يمكن و يمكن
سار هالموقف تقريبا 3 اسابيع ورى بعض ويجي يطالبني بشحن جواله عصبت عليه
قلت من تكلم قال محد وواضح انه صادق قلت هات الجوال وشيكت عليه لافي مكالمات صادره
بس المستلمه مني ومن جدته وووالدته فقط انا هنا تعجبت نسيت الرسايل رحت شيكت
على الصندوق الوارد رسايل اصحابه قلت مو معقول وين يروح رصيده تذكرت ماشيكت
على الرسايل المرسله مادري كيف راحت عن بالي اول مافتحت الرسايل المرسله الا وكلها على
رقم معين لكن مو رقم جوال سألته عنه قال وهو يضحك هذا رقم سبيس تون قلت قصدك
شات سبيس تون قال ايش يعني شات << شوفو هنا حتى الشات مو عارفين ايش هو وهم
يتراسلون في يعني قمة البرائه في اطفالنا
قلت له من متى وانت تراسل للقناة قال من زمان صاحبي ريان قال لي قلت
ريان الي معاك بالمدرسه قال ايه وان اصحابنا كلهم هناك كل يوم يتراسلون
انا هنا ضحكت ريان رقمه معاك بالجوال لي تتراسل انت وياه عن طريق سبيس تون
قال احسن << ويشق ابتسامه !!!
الولد متعرف على سامي من المغرب وهديل من مصر وساره من جده ومحمد من الرياض
وكلهم يراسلون بعض عن طريق القناة !!!!
ياليت احد فيكم يفضي نفسه شوي ويقرى الشات الي في القناة شوفو برائة الأطفال وكتاباتهم
انا هنا على طول حذفت القناة الأستغلاليه الي استغلت برائة اطفالنا والي همها الأكبر
الكسب المادي من وراهم ما اقول الا لاحول ولا قوة الا بالله
كلمتي هنا للي ورى هالقناة من استغلاليييين قفو عند حدكم اليوم تعلمون اطفالنا على شات الرسوم المتحركه
بكره راح يتعلمون على شات القنوات الغنائيه وغيرها من قنوات ساقطه ....
انتبهو لأطفالكم من هالقناوت الدخيله ولا الواحد يحذف جهاز التلفزيون برى بيته
وينام مرتاح .
اتمنى التفاعل والرد الصريح لنقضي
على هذه الأفكار التي بنظري من اكبر اخطاء نرتكبها بحق اطفالنا الأبرياء ونحن
لا نعلم .
I am Last Wind ... You Can't See Me .. But You Can Feel Me
مواقع النشر (المفضلة)