مسلسل Heroes + معلومات جديدهـ عن Prison Break ..
السلام عليكم ورحمة الله وبركاته
اخباركم
جييييييييييييييت ابحط الموضوع ذا و مير اسمع صوت الباب
طق طق طق :rolleyes:
من تتوقعون ..!؟
مايكل سكوفيلد .؟ لآلآ لآ مابعد خلص الاختبارات
لينكولن بوروز آل نهيان ؟لآ لآ مشغول مع سوزان بالمطعم
واحد من بزارين الحارهـ يقول ترى الكوره قمزت على بيتكم ....
طبعاً كالعادهـ تقريرنا اليوم عن أحدث الأفـلآم و المسلسـلآت
نبدأ بأول مسلسل و هو Heroes
Nominated for 2 Golden Globes. Another 11 wins & 31 nominations
طبعاً لتعدد المخرجين و الكاتبين كثاارين مره و احس انهم اكثر من الممثلين من كثرهم ..
ولكن قبل ما نبدأ بالممثلين بعطيكم نبذه عن المسلسل
المسلسل عباره عن مجموعة من الابطال حول العالم تدور احداثهم ان فيه ناس اشرار
ياخذون عيالهم و يتبنون ناسن ثانينو يزرعون بهم جينات و الجينات هذي تتحول بعدين لطاقه
وش هي الطاقه ..!؟ كل واحد طبعاً يختلف و له طاقه الصراحه المسلسل خيالي شوي لكنه مليء بالاثاره
و يشووق إلى درجه اني خلصت 23 حلقه باربع ايام
طبعاً المسلسل ما يقارن ببريزن بريك لان مستواه اقل من بريزن لكنه احسن مسلسل بعد بريزن بالنسبه لي طبعاً
و الأهم تصوير الفلم و كاتبه
نبدأ بالممثلين :
Hayden Panettiere
كلير بينيت
ياحبي له البنيه ذي عاقله و محترمه و عاطفيه < تصلح لي عندي فراغ عاطفي
طبعاً البنت هذي ابوه متبنيه و يقوله ابجيب ابوتس الصدزي و امتس الصدزيه im22
هذي البنت تكتشف طاقته بعدين
طاقته هي : انه ما يجيه شي ابد و الخلايا الي بجلده تسوي إعادة تكوين يعني لو يطعنه احد
جلست شوي و رجع الدم و كل شي يرجع سليم
يعني لو انه زوجتي كان مزحي معه بالسكاكين والفآس و السواطير
Jack Coleman
نوا بينيت
شفتوا الي اقولكم البنيه الي فوق تو ؟
هذا ابوهـ الي متبني البنت طبعاً عندهـ شركه حقت مصنع اوراق و المصنع تحته بلاوي اعوذ بالله
و هذا الممثل شخصيته بالمسلسل تحــت التبــن اعوذ بالله
يقهررك ودك تمسح به الارض ... طبعا ماعندهـ طاقه لكن يعرف يتعامل مع اهل الطاقات
و يقدر يحجرّلهم و يتحكم بهم ...
Sendhil Ramamurthy
موهيندر سوريش
ياملغه ذا الهندي مسوي نفسه مثقف و يعرف كل شي و ايقاله يعرف الخير من الشـرر والله ما يديرهـ
ابد
هذا قصته ابوه باول المسلسل يموت و يروح من الهند لامريكا يستكشف من الي قتل ابوه
و طبعاً فيه مشاكل بينه و بين ابوه و يحاول انه يشوف الكتاب الي مألفه ابوه عن الخلايا الجينيه
و الطاقات و يبدأ يعرف الي معهم طاقات و يشبكهم واحداً تلو الآخـرر بس ماجازت لي الشخصيه
طبعا الهندي ذا ماله طااقه ابد و اشونه ماحطوا له طاقه ولا كان جاب العيد ههههههههههههههه
وفي الحقيقه ابوه الي اسمه سوريش كان كهربائي عندنا بعنيزه قدام مدرسة صلاح الدين و معروف
انه كهربائي ممتاز و فجأه تحول للتمثيل
Masi Oka
هيرو ناكومورا
ههههههههههههههههههه ياحليله الياباني ذا والله يا هو منتهي بالمرره
هذا طاقته يقدر ينتقل من مكان لمكان بثواني يعني باليابان هو ماتدري الا هو بشارع نيويورك
و يقدر ينتقل من سنين لسنين و يروح و يجي على كيفه ... بس غالباً ما ينتقل و يصير له مواقف خطيره
James Kyson Lee
آندو
هههههههههههههه ذا خوي الي فوق هذا جاي ايقاله يترجم بس ماعندك احد الترجمه منا وهو منا
يعني لو يترجم بين رؤساء دول كان قامت حرب باول يوم
طبعا ماله طاقه بس جاي يزود الحموله مع خويه و يستكشفون اشيااء بالمسلسل
Milo Ventimiglia
بيتر بيترلي
هذا مهايطي على العيار الثقيل
بس انه فداائي < من جمبه
هذا اخوه مرشح للانتخابات و هذا الي اسمه بيتر [ ميلو ] يحاول يستكشف طاقته و يقول اني انا اطيـرر
و جا بيجرب من العماره و دب على وجهه ..
اثر اخوه الي يطير
هذا طاقته يمتص الطاقات الي حوله يعني لو البنت تجي حوله و يركزّ على البنت يمتص الطاقه
بس ماتروح الطاقه من البنت يعني يسوي كوبي و بيست خخ
Greg Grunberg
مات باركمن
هذا ماتدري وش قصته يطلع لك من الباب للطاقه
بس طاقته رهييييييييبه مرره
يقدر يتسمع الواحد وش يقول بقلبه يعني لو يقابل واحد و يشرشحه بقلبه كان سمعه وش يقول بقلبه
الشخصيه هذي تتوسع ويبدأ يعرف الابطال الي معه ..
Ali Larter
نيكي ساندروز
ههههههههههههههه ياهالشخصيه ذي تتعقد منه هذي البنت متزوجه و له ولد طبعا البنت هذي
طاقته انه تتحول لشخصيه ثانيه بالاسلوب و الكلام موب المظهر وتطلع قاتله محترفه مره اذا تعاونت
مع الشخصيه الي معه < يعني عنده انفصام بالشخصيه
Adrian Pasdar
ناثان بيترلي
هذا الي مرشح للانتخابات < بغيت اقول الاختبارات من اللحسه
طبعا اخوه بيتر بيتريلي و هذا مرشح للرئاسه للانتخابات طبعاً ما يعلم احد بطاقته عشان مايلغون رئاسته و يحب اخوه مره
وطاقته هي انه يقدر يطيرررر ...
Noah Gray-Cabey
ميكا ساندرز
هههههههههه ياحليله البزير ذا طاقته مجنوونه
اي كمبيوتر اي شي خربان يصلحه على طول اي جهاز الكتروني متعطل يصلحه بثواني وطبعاً عادي
يوقف عند الصراحه و يحط ايده على الشاشه و يطلع له آلآلآف الدولارات
Leonard Roberts
دي إل هوكينز
هههههههههههههه تبتل وانت تقول كمخه عن هالشخصيه ذي لاطاقه زينه ولا شكل يجيب العافيه
طاقته يقدر يدخل من بين الجدران يعني ما تدري الا هو قالطن عليك بوسط المجلس ...
Zachary Quinto
سـآايـلــرر
آهــآا im22
وخروووووا عنه ذا متهور بالحيل
هذا طاقته يسمع دقات الساعه طاقه تافهه طبعاً لكن وش يسوي ؟
يروح للي عندهم طاقات و يذبحهم و ياخذ كل واحد طاقته و يجمع الطاقات
هذا شخصيته شخصيه شريرهـ و مليئه بالتناقض العجيب و ذهين ابن اللذين
تمثيله و وقوفه بمسرح التمثيل اعجبن الصدز لانه ظابطن ابو الدور بس ياهو غثيث يلعب بأعصابك
وطبعاً يحاول ينتقم من الي عندهم طاقات لان سوريش قاله انت اصلاً تصلح ساعات بمحل التميزّ
الي بجمب مبارك بالتجاري im22
هذا افضل الممثلين بالمسلسل وطبعاً فيه شخصيات و لهم طاقات كثيرهـ
منهم الي عنده طاقه يرسم صوره و الصوره هذي تصير بعدين بعد اسبوع او يوم او ....
وفيه الي عنده طاقة الاقناع
والي عنده يمسح الذاكرات و الفلاش و الهاردسك
والي عنده شعاع نووي
المسلسل رهيب مررره ما تمل منه والحين نزل له موسم كامل و الموسم الثاني نزل له 11 حلقه
والباقي للحين ما بعد حطوا له خبـرر يذيعونه
==============================
[align=center]Prison Break[/align]
نوافيكم بالاخبار التاليه والحصريه و الطازجه من الفرن إلى بطنك :*
طبعاً بالاونه الاخيره سوو مقابله مع براد بيليك
ويقول ان الحلقه 13 هي بيتوقف عنده بريزن بريك المسلسل و قال ماندري للحين متى بنكمل
والله ما بعد محطو كرامك بالسجن يابراد قمت تقول بنقطع المسلسل ههههههههههههههه
والحين جانا ألكساندر ماهون راعي الحبوب ههههههههههههه سوو مقابله معه و قال تفاصيل الهجه
يعني الهروب من سونا
يعلمهم انه بالحلقه 13 بيهجون من السجن و يطفى الكهرب و......... ماااودي اكمل مابي احرق عليكم
شوفوا المقابله
ادعــس هنـــآا
هذا الخبر منقول من المنتدي الرسمي لـ prison break
والذي يوضح بدء تصوير الحلقات من 14-22 لـ season 3
و ظهور فكره جديده لـ season 4
For more information visit the Official Prison break Forums:
هناااا الاول
وذا رابط الموضوع :
هنااا الرابط
<<"Paul Scheuring the creator has already a genius idea for season 4" we are entrusted by Kevin Hooks, one of the producers even though the episode 14 to 22 of season 3 haven't been written yet. The shootings has been delayed from january to february becuase of the strike. The verdict about the future of the show: May 2008>>
الترجمه:paul Scheuring
مخرج مسلسل prison break لديه فكره عبقريه ل season 4
و تأكدنا من احد المنتجين Kevin Hooks بان الحلقات من 14-22 لم تكتب بعدو ان التصوير سيؤجل من شهر يناير 2008 ا فبراير 2008 بسبب موضوع اضراب الكتاب و توقعات ان العرض سيبداء من جديد في مايو 2008
يعني ترى بوهـ الحلقات بيكملونهم و بيوصلون الموسم الرابع ...
..
ويالله فمان الله
واحد دخل علي بالماسنجر و عكرر مزاااجي :(
مواقع النشر (المفضلة)