صالات الانتظار
قبل اسافر كنت جالس في زمان الانتظار............
ارتجف هم المكان وكل همي حاجتين
كنت خايف من يباس وكنت خايف من خضار.........
كنت اخاف انك تجين وكنت خايف ما تجين
لين شفتك من ورا بيبان صالات المطار..........
مقبله من كثر شوقك كنت اشوفك تركضين
مرة ركضك يمين ونظرة عيونك يسار...............
ومرة ركضك يسار ونظرة عيونك يمين
تايهه ماكنك الا ضحكة وسط انكسار............
ساكته ما كنك الا دمعة فيها حنين
خايفه واجله حزينه يعني كنتي باختصار............
تشرحين لكل جاهل معنى كلمة عاشقين
بعدها جيتك ولدة عينك ودار الحوار............
من كفوفي دمعتين ومن كفوفك دمعتين
كنت اصد وكنتي انتي ثايره مثل الشرار..........
ما على لقظة لسانك غير كلمة وين وين
واذكر اني رحت قبل ابديلك اية اعتذار...........
رحت حتى قبل اطيب خاطرك في كلمتين
لكن انتي عارفتني زين واللي صار صار.........
سامحيني واذكريني قد منتي تقدرين
اذكريني لا انتهت للشمس رحله مع نهار............
واذكريني لا صحى للصبح ورد الياسمين
واذكريني لا لمحتي في ليالي البرد نار................
واذكريني لا سمعتي للمطر صوت حزين
واذكريني واذكريني واذكريني باختصار.............
واذكري حبيبك رياض قد منتي تقدرين@
مواقع النشر (المفضلة)